17-Dec-2023

ନୂଆପଡ଼ା-(ଡୋଲେସ୍ବର ଵାଗ )
ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ବୋଡ଼େନ ହାଇସ୍କୁଲ୍, ବୁଢ଼ାଦେଓ ହାଇ ସ୍କୁଲ ଫରସରା, କରଙ୍ଗାମାଲ ହାଇସ୍କୁଲ ଓ ଖଇରା ଜନଶକ୍ତି ହାଇସ୍କୁଲ ଖେଳ ପଡ଼ିଆ ମାନଙ୍କରେ ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମରେ ବିଭିନ୍ନ କ୍ରୀଡା ପ୍ରତିଯୋଗିତାମାନ ଉଦଘାଟିତ ହୋଇଯାଇଛି। ବୋଡ଼େନ ଖେଳ ପଡିଆଠାରେ ବ୍ଲକ ଅଧ୍ୟକ୍ଷା ପ୍ରେମସିଲା ନାଗ, ବିଡିଓ  ପ୍ରିୟରଞ୍ଜନ କୁମାର, ସହକାରୀ ନିର୍ବାହୀଯନ୍ତ୍ରୀ ଆଶୁତୋଷ ରାଉତ, ବୋଡ଼େନ ସରପଞ୍ଚ ରଶ୍ମିତା ସିହ୍ନା, ସମିତି ସଭ୍ୟା ଯାଜ୍ଞସେନି ମାଝୀ ପ୍ରମୁଖ ଅତିଥି ଭାବେ ଯୋଗଦାନ କରିଥିଲେ, ବୋଡ଼େନ ବ୍ଲକ ନୋଡାଲ ଅଫିସର ସହକାରୀ ନିର୍ବାହୀ ଯନ୍ତ୍ରୀ  ଆଶୁତୋଷ ରାଉତ, ଏମଜିଏନଆରଇଜିଏ ସେଲ ର ଗଣେଶ ଦଣ୍ଡସେନା , ଜିଆରଏସ ଗୋପାଳ ଦାସ ପ୍ରମୁଖ ପରିଚାଳନାରେ ସହଯୋଗ କରିଥିଲେ, ଏଠାରେ ଫୁଟବଲ ଟୁର୍ଣ୍ଣାମେଣ୍ଟ କ୍ରୀଡା ଶିକ୍ଷକ ଦେବାଶିଷ ଯୋଶୀ, ଗଣେଶ ଚନ୍ଦ୍ର ଯୋଶୀ, ଭଗବାନ ଦୁବେଙ୍କ ଦ୍ଵାରା  ପରିଚାଳନା  କରଯାଇଥିଲା ।

ସେହିପରି ଫରସରା ଖେଳପଡିଆ ଠାରେ ସରପଞ୍ଚ ସରିତା ନିଆଲ, ଆଇନଜୀବି ଗୌତମ ନିଆଲ, ରୋକାଲ ସରପଞ୍ଚ ଠାକୁର ବାଗ, ସୁନାପୁର ସରପଞ୍ଚ ମୁକ୍ତା ରାଉତ, ଫରସରା ସମିତି ସଭ୍ୟା ବାଳିକା ମାଝୀ, ନାଏବ ସରପଞ୍ଚ ତ୍ରିନାଥ ଧରୁଆ , ପିଇଓ ବାପୁଜୀ ମାଝୀ ପ୍ରମୁଖ ଙ୍କ ଉପସ୍ଥିତିରେ କ୍ରୀଡ଼ା ପ୍ରତିଯୋଗିତା ର ଶୁଭ ଉଦଘାଟନ କରାଯାଇଥିଲା, ବି ଏଫ ଟି ଟିକନୁ ତାଣ୍ଡି , କନିଷ୍ଠ ଯନ୍ତ୍ରୀ ନୋଡାଲ ଅଫିସର ଯୁଗେଶ୍ୱର ନାଏକ ,ଯୋଗାଣ ସହାୟକ ରଞ୍ଜିତ ବାଗ ପ୍ରମୁଖ ସହଯୋଗ କରିଥିଲେ। ଏଥିରେ  +୨ କ୍ରୀଡ଼ା ଶିକ୍ଷକ ପରମେଶ୍ବର ପଣ୍ଡା, ଆଦର୍ଶ ବିଦ୍ୟାଳୟରୁପ୍ରକାଶ ବେହୁରିଆ,ସ୍ନାତକ ଡିଗ୍ରୀ ମହାବିଦ୍ୟାଳୟର  ଲଳିତ ପଣ୍ଡା,ଦ୍ୱାରସନି ହାଇସ୍କୁଲରୁ ଗୌତମ ବାଗ ପ୍ରମୁଖ ଖେଳ ପରିଚାଳନା କରିଥିଲେ।  ଠିକ୍ ସେହିଭଳି କରଙ୍ଗାମାଳ ଖେଳପଡିଆଠାରେ ଲର୍କା ସରପଞ୍ଚ  ଜୟଶ୍ରୀ ପଟେଲ    ପି ଇ ଓ ଜୟାନନ୍ଦ୍ ମେହେର ଓ  ପବିତ୍ର ମିର୍ଦ୍ଧା, ବି ଏଫ୍ ଟି ହେରାମ୍ୱ ମାଝୀ, ବି ଆର୍ ସି ହେରାମ୍ୱ ବିଶ୍ଵାଳ, ଜି ଆର ଏସ ପୁଣ୍ଡରୀ କାକ୍ଷ ସୁନାନି ଓ ଡାଇନା ତାଣ୍ଡି ,ଏମଜିଏନଆରଇଜିଏ ସେଲର ବିକ୍ରମ ମହାନନ୍ଦ ପ୍ରମୁଖ ପରିଚାଳନାରେ ସହଯୋଗ କରିଥିଲେ । କ୍ରୀଡା ଶିକ୍ଷକ ସୁବାଷ ଯୋଶୀ, ଭାସ୍କର ପାତ୍ର ,ଶ୍ରୀଜଗନ୍ନାଥ ମହାବିଦ୍ୟାଳୟରୁ ମନୋଜ କୁମାର ପଣ୍ଡା,ଚନ୍ଦ୍ର ଶେଖର ସଲମା ପ୍ରମୁଖ ଖେଳ ପରିଚାଳନା କରିଥିଲେ। ସେହିଭଳି ଖଇରା ଜନଶକ୍ତି ହାଇସ୍କୁଲ ଖେଳ ପଡିଆଠାରେ ସରପଞ୍ଚ କୈଳାଶ ଦଳ, ପଞ୍ଚାୟତ କାଯ୍ୟନିର୍ବାହୀ ଅଧିକାରୀ  କ୍ଷମା ସୁନାନିଙ୍କ ତତ୍ତ୍ଵାବଧାନରେ  ଖେଳ ପରିଚାଳନା ହୋଇଥିଲା। ବୋଡ଼େନ ଖେଳ ପଡିଆ ଓ କରଙ୍ଗାମାଳ ଖେଳ ପଡିଆଠାରେ ଫୁଟବଲ ଟୁର୍ଣ୍ଣାମେଣ୍ଟର ଆୟୋଜନ କରାଯାଇଥିବା ବେଳେ ଫରସରା ଓ ଖଇରା ଠାରେ କ୍ରିକେଟ ଟୁର୍ଣ୍ଣାମେଣ୍ଟର ଆୟୋଜନ କରାଯାଇଛି । ଆଜିର ଉଭୟ ଖେଳର ବିଜୟୀ ଦଳ ଗୁଡିକ ଉନ୍ନିତ ହୋଇ ଆସନ୍ତା କାଲି ସେମି ଫାଇନାଲ ଖେଳ ଖେଳା ଯିବାକୁ ସ୍ତିର କରାଯାଇଛି। ଉକ୍ତ ଯୁବ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମରେ ଖୋଖୋ, ହକି, କବାଡି, ଫୁଟବଲ, କ୍ରିକେଟ ଭଳି ବିଭିନ୍ନ ପ୍ରତିଯୋଗୀତା ଗୁଡ଼ିକ ଆୟୋଜନ କରାଯିବାକୁ ସ୍ଥିର ହୋଇଅଛି । ଉକ୍ତ ଖେଳଗୁଡ଼ିକର ଫାଇନାଲ ଖେଳ ବୋଡ଼େନ ଆଶ୍ରମ ହାଇସ୍କୁଲ ଖେଳ ପଡିଆଠାରେ ଖେଳାଯିବ ବୋଲି ସୂଚନା ମିଳିଛି। ପ୍ରତ୍ୟେକ ଖେଳାଳୀମାନଙ୍କୁ ଏହି କାର୍ଯ୍ୟକ୍ରମରେ ମାନପତ୍ର ବିତରଣ କରାଯାଇଛି ।ଏହି କ୍ରୀଡ଼ା ଉତ୍ସବ ଦୀର୍ଘ ୬ ଦିନ ଚାଲୁ ରହିବ ବୋଲି ବ୍ଲକ ପ୍ରଶାସନ ତରଫରୁ ସୂଚନା ରହିଛି ।କ୍ରିକେଟ ଓ ଫୁଟବଳ ଖେଳ ଏକା ସାଥିରେ ଆୟୋଜନ ହେଉଥିବାରୁ କ୍ରିକେଟ ଖେଳାଳୀ ଫୁଟବଲ ଖେଳ ପ୍ରଦର୍ଶନ କରିପାରୁନାହିଁ ଏବଂ ଫୁଟବଲ ଖେଳାଳୀ କ୍ରିକେଟ ଖେଳ ପ୍ରଦର୍ଶନରୁ
ବଞ୍ଚିତ ହୋଇଯାଉଥିବାରୁ ଖେଳାଳି ମନ ଦୁଃଖ କରିବା ଦୃଷ୍ଟିକୁ ଆସିଅଛି ।