15-Dec-2023

ନୂଆଁପଡ଼ା(ବିଶି ଚନ୍ଦନ ମାଝୀ ଙ୍କ ରିପୋର୍ଟ ): ନୂଆପଡ଼ା ଜିଲ୍ଲା ସିନାପାଲି ଥାନା ଅନ୍ତର୍ଗତ ନଙ୍ଗଲବୋଡ ଗ୍ରାମପଞ୍ଚାୟତ ଅଧିନସ୍ଥ ଉପାନ୍ତ ଭଟାପାବାଣୀ ଗ୍ରାମରେ ସିଆରପିଏଫ ଯବାନ ଓ ଲୋକଙ୍କ ମଧ୍ୟରେ ସୁସମ୍ପର୍କ ସ୍ଥାପନ ରକ୍ଷା କରିବା ପାଇଁ ସିଆରପିଏଫର ୧୯ ବାଟାଲିୟନ ଦ୍ଵାରା ଏକ ସ୍ଵାସ୍ଥ୍ୟ ଶିବିର ଅନୁଷ୍ଠିତ ହୋଇଯାଇଛି। ଏହି ଶିବିରକୁ ୧୯- ବାଟାଲିୟନ ସିଆରପିଏଫର କମାଣ୍ଡେନ ଡିଇ କିଣ୍ଡୋ ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ଡ,ଶସି ଟୋପୋ,ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଓ ସ୍ଥାନୀୟ ନଙ୍ଗଲବୋଡ ଗ୍ରାମପଞ୍ଚାୟତର  ସରପଞ୍ଚ ଜଗଦୀଶ ମାଝୀ ବିଶିଷ୍ଟ ଅତିଥି ଭାବରେ ଉପସ୍ଥିତ ରହିଥିଲେ।  ଓ ଗ୍ରାମପଞ୍ଚାୟତ ଅଧୀନରେ ଥିବା ୫ଟି  ଗ୍ରାମର ଜନସାଧାରଣ ଓ ବିଦ୍ୟାଳୟର ସମସ୍ତ ଛାତ୍ରଛାତ୍ରୀ ମାନଙ୍କୁ ସିଆରପିଏଫ୍ କେମ୍ପ ଦ୍ୱାରା ମାଗଣାରେ ସ୍ଵାସ୍ଥ୍ୟ ପରୀକ୍ଷା, ଔଷଧ ବଣ୍ଟନ କରିବା ସହ ଅଞ୍ଚଳର ଆଦିବାସୀ ଲୋକଙ୍କୁ ସିଆରପିଏଫ ଯବାନଙ୍କ ଦ୍ୱରା ମାଗଣାରେ ଶୀତ ବସ୍ତ୍ର ପ୍ରଦାନ କରିଥିଲେ। ଆଗାମୀ ଦିନରେ ମଧ୍ୟ ଅଞ୍ଚଳର ଜନସାଧାରଣଙ୍କ ସହ ଜଡ଼ିତ ରହିବା ପାଇଁ ଓ ସୁଖଦୁଃଖରେ ସାଥୀ ହେବା ପାଇଁ ଏମିତି ଅନେକ ପ୍ରୟାସ ଜାରି ରହିବ ବୋଲି ସିଆରପିଏଫ ଅଧିକାରୀ ତାଙ୍କ ମତପ୍ରକାଶ କରିଛନ୍ତି।