13-Dec-2023

ଲୋଇସିଂହା, (ବିନୋଦ କୁମାର ଦୀପ) ବ୍ଲକ ଅନ୍ତର୍ଗତ ବୁଢ଼ୀପଦର ପଂଚାୟତ ରେ ବିକଶିତ ଭାରତ ସଂକଳ୍ପ ଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ପ୍ରଥମେ ସଚେତନତା ରଥ ପହଂଚିବା ପରେ ଭବ୍ୟ ସ୍ବାଗତ କରାଯାଇଥିଲା l ବୁଢ଼ୀପଦର ସରପଞ୍ଚ ଶ୍ରୀମତୀ ଲକ୍ଷ୍ମୀ ପଧାନ ଙ୍କ ସଭାପତିତ୍ୱ ରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ଯୋଗଦେଇ ହେଲଥ କ୍ୟାମ୍ପସ, ପ୍ରଧାନମନ୍ତ୍ରୀ ଆବାସ ଗୃହ , ପାନୀୟ ଜଳ, ଉଜ୍ବଳl ଯୋଜନା, ରାସନ କାର୍ଡ , ନରେଗା ଯୋଜନା, ପୋଷଣ ଯୋଜନା ଏପ୍ଲିକେସନ ରେଜିଷ୍ଟ୍ରସନ ଜରିଆରେ କାର୍ଯ୍ୟକାରି କରାଯିବ ବୋଲି ବକ୍ତବ୍ୟ ରଖିଥିଲେ l ଏହାସହ ଲୋଇସିଂହା ଏବିଡିଓ ବିଜୟ କୁମାର ହୋତା, ସାଂସଦ ପ୍ରତିନିଧି ବାଳକୃଷ୍ଣ ଧରୁଆ, ବୁଢ଼ୀପଦର ପିଇଓ ପ୍ରହଲ୍ଲାଦ ବେହେରା ପ୍ରମୁଖ ଯୋଗଦେଇ ନିଜ ସୁଚିନ୍ତିତ ମତାମତ ରଖିଥିଲେ l ଅନ୍ୟମାନେ ଯୋଗଦେଇ କେନ୍ଦ୍ର ସରକାର ଙ୍କ ତରଫରୁ କାର୍ଯ୍ୟକାରୀ ହୋଇଥିବା ବିଭିନ୍ନ ଯୋଜନା ବାବଦରେ ବୁଝାଇଥିଲେ l ଏହି ଅବସରରେ ରାଷ୍ଟ୍ରୀୟ ବିକାଶ ଓ ସଂହତି କୁ ନେଇ ସାମୁହିକ ଶପଥ ପାଠ କରାଯାଇଥିଲା ଓ କେନ୍ଦ୍ର ସରକାର ଙ୍କ ଦ୍ୱାରା କାର୍ଯ୍ୟକାରୀ ହେଉଥିବା ଜନକଲ୍ୟାଣ ଯୋଜନା ର ସଫଳତା ଉପରେ ଆଲୋଚନା କରାଗଲା l ଅନ୍ୟ ମାନଙ୍କ ମଧ୍ୟରେ ସମାଜସେବୀ ଯୁଧିଷ୍ଠିର ପଧାନ, ଜିଆରଏସ ସୁରେଶ ସାହୁ , ଯୋଗାଣ ସହାୟକ ରଶ୍ମିରଂଜନ ବିଶି, ସ୍ୱୟଂ ସହାୟକ ଗୋଷ୍ଠୀ ର ମହିଳା, ସି.ଆର. ପି ବ୍ୟାଙ୍କ ମିତ୍ର, ଏମ. ବି. କେ ମହିଳା, ଅଙ୍ଗନୱାଡି କର୍ମୀ, ଆଶା କର୍ମୀ, ଛାତ୍ରଛାତ୍ରୀ ତଥା ଜନ ସାଧାରଣ ଉପସ୍ଥିତ ରହି ସମ୍ପୂର୍ଣ୍ଣ ସହଯୋଗ କରିଥିଲେ l ଶେଷରେ ସରପଞ୍ଚ ଶ୍ରୀମତୀ ପଧାନ ଧନ୍ୟବାଦ ଅର୍ପଣ କରିଥିଲେ l