11-Dec-2023

ପାଟଣାଗଡ଼(ପୁର୍ଣ୍ଣ ଶଶୀ ଶେଖର ରାଓ ): ବଲାଙ୍ଗିର ଜିଲ୍ଲା ଖପ୍ରାଖୋଲ  ଠାରେ ଥିବା ହରିଶଙ୍କର ଉଚ୍ଚ ମାଧ୍ୟମିକ ବିଦ୍ୟାଳୟ ର ସମନ୍ଵିତ ଯୁବ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପ୍ରସିଦ୍ଧ ହରିଶଙ୍କର ପୀଠରୁ ପୂଜାର୍ଚ୍ଚନା କରି ଏକ ମଶାଳ ଶୋଭାଯାତ୍ରା କରାଯାଇଥିବା ବେଳେ ଏଥିରେ ଅତିଥି, ଛାତ୍ରଛାତ୍ରୀ ଏବଂ ସାଧାରଣ ଜନତା ସାମିଲ ହୋଇଥିଲେ। ଖପ୍ରାଖୋଲ ଠାରେ ରାସ୍ତା ର ଦୁଇ ପାର୍ଶ୍ୱରେ ଛାତ୍ରଛାତ୍ରୀ ଛିଡ଼ା ହୋଇ ମଶାଳକୁ ସ୍ବାଗତ ଜଣାଇଥିଲେ। ଖପ୍ରାଖୋଲ ର ଇଷ୍ଟଦେବୀ ମାଁ ଡୁମେରତଳେନ ଠାରେ

ପୂଜାର୍ଚ୍ଚନା କରି ନଗର ପରିକ୍ରମା କରିଥିଲେ। ଏହି ଉତ୍ସବରେ ମୁଖ୍ୟଅତିଥି ଭାବେ ପାଟଣାଗଡ଼ ବିଧାୟକ ତଥା ଓଡ଼ିଶାର ଉପମୁଖ୍ୟ ସଚେତକ ସରୋଜ କୁମାର ମେହେର ଯୋଗଦେଇ ଦୀପ ପ୍ରଜ୍ଜ୍ୱଳନ କରି କାର୍ଯ୍ୟ ର ଶୁଭାରମ୍ଭ କରିଥିଲେ। କଲେଜ ର ଅଧ୍ୟକ୍ଷ ବଲଭଦ୍ର ଦାଶ ସଭାପତିତ୍ବ କରି ସ୍ବାଗତ ଭାଷଣ ଦେଇଥିଲେ। ଉକ୍ତ କାର୍ଯ୍ୟକ୍ରମରେ ସମ୍ମାନୀତ ଅତିଥି ଭାବେ ଖପ୍ରାଖୋଲ ବ୍ଳକ ଅଧ୍ୟକ୍ଷା ନିରୁପମା ପଟେଲ, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ମୀନକେତନ ବରହା ଯୋଗ ଦେଇଥିବାବେଳେ ପାଟଣାଗଡ଼ ଜବାହରଲାଲ କଲେଜର ଅବସରପ୍ରାପ୍ତ ପ୍ରଫେସର ଅରୁଣ ପଟ୍ଟନାୟକ ଯୋଗଦେଇଥିଲେ। ରାଜ୍ୟ ସରକାରଙ୍କ ନୂଆ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ କୁ ମୁଖ୍ୟ ଅତିଥି ବହୁ ପ୍ରଶଂସା କରିବା ସହ ବହୁ ସଂଖ୍ୟାରେ ଛାତ୍ରଛାତ୍ରୀ ମାନଙ୍କୁ ପ୍ରତିଯୋଗିତା ରେ ଭାଗ ନେବାପାଇଁ ଆହ୍ବାନ ଦେଇଛନ୍ତି। ଏହି ଅବସରରେ ବିଧାୟକ ଖପ୍ରାଖୋଲ ଠାରେ ମଡେଲ ଡିଗ୍ରୀ କଲେଜ୍ ଖୋଳିବା ସହିତ ବିଦ୍ୟାଳୟ ର ଉନ୍ନୟନ ପାଇଁ ଆବଶ୍ୟକୀୟ ପାଣ୍ଠି ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି। ଅର୍ଥନୀତି ବିଭାଗ ଅଧ୍ୟାପିକା ମଧୁସ୍ମିତା ସାହୁ ଅତିଥି ପରିଚୟ ପ୍ରଦାନ କରିଥିଲେ। ଯୁକ୍ତ ଦୁଇ ପ୍ରଥମ ବର୍ଷ ଛାତ୍ର ରାଜେଶ ବେହେରା ଏବଂ ଛାତ୍ରୀ ଜ୍ୟୋତିର୍ମୟୀ ସେଲମା ମଞ୍ଚ ପରିଚାଳନା କରିଥିଲେ। ପ୍ରାରମ୍ଭରେ ଛାତ୍ରଛାତ୍ରୀ ମାନଙ୍କ ଦ୍ବାରା ଆବହନୀ ସଙ୍ଗୀତ ପରିବେଷଣ କରାଯାଇଥିଲା। ଏହି ଅବସରରେ ମହାବିଦ୍ୟାଳୟ ପ୍ରତିଷ୍ଠା ରେ ଅବଦାନ ରହିଥିବା ତଥା କମିଟି ର ପୂର୍ବତନ କର୍ମକର୍ତ୍ତା ତଥା ସଦସ୍ୟ ସର୍ବଶ୍ରୀ ନବୀନ କୁମାର ବେହେରା, ନିରାକାର ବାରିକ, ଗୋବିନ୍ଦ ଚନ୍ଦ୍ର ବାରିକ, ବୃନ୍ଦାବନ ବାରିକ,ଟିକେମଣୀ ବାରିକ, ପ୍ରମୋଦ କୁମାର ବାରିକ, ବଲରାମ ବାରିକ,ପ୍ରତିମା ବାରିକ, ସୁଷମା ବାରିକ ଙ୍କୁ ମହାବିଦ୍ୟାଳୟ ପକ୍ଷରୁ ଓପଢୌକନ ଦିଆଯାଇଥିଲା।ପରେ

ମୁଖ୍ୟ ଅତିଥି କ୍ରୀଡା ପତାକା ଉତ୍ତୋଳନ କରିବା ସହିତ ଶପଥ ପାଠ ଉତ୍ସବ ଅନୁଷ୍ଠିତ ହୋଇଥିଲା। ଅଧ୍ୟାପିକା ସୁନନ୍ଦା ଭୋଇ,ମୀନା ସାହୁ, ଜନାର୍ଦ୍ଦନ ସୁନା, ନନ୍ଦ କିଶୋର ବାଗ,ନିରୋଜ ବାରିକ,ଗୁଣମଣୀ ସାହୁ, ବାଳକୃଷ୍ଣ ପୁଞ୍ଜି, ଅର୍ଜୁନ ହାତୀ, ଗୌରୀ ହଂସ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ। ଶେଷରେ ନୋଡାଲ ଅଫିସର୍ ପ୍ରଶାନ୍ତ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ।