04-Oct-2023

ବିନିକା(ହିମାଂଶୁ ଶେଖର ପୁଟେଲ)ଜାତିର ପିତା ମହାତ୍ମା ଗାନ୍ଧୀ ଓ ଲାଲ ବାହାଦୁର ଶାସ୍ତ୍ରୀଙ୍କ ପୁଣ୍ୟ ଜନ୍ମ ତିଥିକୁ ଆଜି ବିନିକା ବ୍ଲକ କଂଗ୍ରେସ ସ୍ଥାନୀୟ ହୋଟେଲ ଚନ୍ଦ୍ରମା ଠାରେ ଧୂମଧାମରେ ପାଳନ କରାଯାଇଛି ।ଏହି ଅବସରରେ ଓଡ଼ିଶା କଂଗ୍ରେସ କମିଟି ତରଫରୁ ବିନିକା ବ୍ଲକର ୧୬ଗୋଟି ପଞ୍ଚାୟତ ପାଇଁ ନିଯୁକ୍ତି ହୋଇଥିବା ନୂତନ ସଭାପତି ଓ ବିଭିନ୍ନ ଛାମୁଆ ସଂଗଠନର ମୁଖ୍ୟ କର୍ମକର୍ତ୍ତା ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା ।ବ୍ଲକ କଂଗ୍ରେସ କମିଟି ସଭାପତି ରବୀନ୍ଦ୍ର କୁମାର ହୋତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ ଅତିଥି ଭାବରେ ପୂର୍ବତନ ବିଧାୟକ ବିନୋଦ ପାତ୍ର,ବରିଷ୍ଟ କଂଗ୍ରେସ ନେତା ସନ୍ତୋଷ ପଣ୍ଡା,ନରେନ୍ଦ୍ର ସାହୁ,ବୀରମହାରାଜପୁର ବ୍ଲକ ସଭାପତି ବସନ୍ତ ମହାକୁଡ,ପଛୁଆବର୍ଗ ଜିଲ୍ଲା ସଭାପତି ପ୍ରେମାନନ୍ଦ ଜଟି,ବ୍ଲକ କଂଗ୍ରେସ ସଭାନେତ୍ରୀ ପଦ୍ମିନୀ ଭୋଇ ପ୍ରମୁଖ ଯୋଗଦେଇ କଂଗ୍ରେସର ମୃତ୍ୟୁ କେବେ ବି ହେବ ନାହିଁ କେବଳ ଆମ୍ଭ ମାନଙ୍କ ମନୋବଳ ହ୍ରାସ ପାଇଛି ତେଣୁ ସମୟ ଆସିଛି ମନୋବଳକୁ ଶକ୍ତିଶାଳୀ କରିବା ପାଇଁ ଘର ଘର ବୁଲି କଂଗ୍ରେସର ନୀତି ଆଦର୍ଶକୁ ଲୋକଙ୍କ ଠାରେ ଅନୁପ୍ରାଣିତ କରିବା ପାଇଁ ଉପସ୍ଥିତ ନବ ନିଯୁକ୍ତ ସଭାପତି ଏବଂ କର୍ମୀ ମାନଙ୍କୁ ଆହ୍ବାନ ଦେଇଥିଲେ । ଏହା ବ୍ୟତୀତ ଭାରତର ଅଖଣ୍ଡତା ରକ୍ଷା କରିବା ଦିଗରେ ଜାତି,ଧର୍ମ,ବର୍ଣ୍ଣ ନିର୍ବିଶେଷରେ ସମସ୍ତେ ଏକଜୁଟ ହୋଇ କଂଗ୍ରେସର ବିଚାରଧାରାକୁ ବଜାଜ ରଖିବା ପାଇଁ ଦୃଢ ସଂକଳ୍ପ ନେବା ଜରୁରୀ ହୋଇପଡ଼ିଛି ।କାର୍ଯ୍ୟକ୍ରମରେ ଚରଦା ପଞ୍ଚାୟତ ପାଇଁ ନିଯୁକ୍ତି ହୋଇଥିବା ସଭାପତି ଭାବରେ ନରସିଂହ ମିଶ୍ର, ଶଙ୍କରାର ଦୁର୍ଯ୍ୟୋଧନ କ୍ଷେତି,ମହାଦେବପାଲି ସୋମିତ୍ରୀ ତରିଆ,ସେଲେଡି ସୀତାରାମ ବହିଦାର,କଇଁନ୍ତରା ଆନନ୍ଦ ଦାଶ,ବାଉଁସୁଣି ନିଲାଞ୍ଚଲ ଷାଣ୍ଢ,ମେଘେଲା ବାଲେଶ୍ଵର ସାହୁ,ସିଲାଟି ରଶ୍ମିରଞ୍ଜନ ବିଶି,ଭଣ୍ଡାର ଟିକେଶ୍ୱର୍ ପ୍ରଧାନ,ଶିଂହିଯୁବା ଜୟନାରାୟଣ ନାୟକ,ବାବୁପାଲି ଋଷୁଭ ଭୋଏ,ବାଙ୍କୀଘିରିଡି ସୀତା ପୁଟେଲ,ସିନ୍ଦୁରପୁର ବିଶ୍ଵାମିତ୍ର ପଣ୍ଡା,ମହଦା ସୁରଥ ଚନ୍ଦ୍ର ପ୍ରଧାନ,ଜୁଲୁଣ୍ଡା ନବଘନ ନାଗ,କୁହିବାହାଲ ଜିନ୍ଦାର ମହାନନ୍ଦ,ସଂଗଠକ କୃଷ୍ଣ ଚନ୍ଦ୍ର ପ୍ରଧାନ,ମିତ୍ରଭାନୁ ଭୁଏ,ପଞ୍ଚାନନ ପାତ୍ର,ସୂର୍ଯ୍ୟ କୁମାର କ୍ଷେତି,ଏନଏସ ୟୁଆଇ  ଜିଲ୍ଲା ସଭାପତି ଟିକୁ ହୋତା ପ୍ରମୁଖଙ୍କ ସମ୍ବର୍ଦ୍ଧିତ କରାଯାଇଥିଲା।ଅନୁଷ୍ଟିତ ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ରାଘବ ଦାସ,ସୁଧାଂଶୁ ପଣ୍ଡା,ଗୋବିନ୍ଦା ଝାଙ୍କର,ବିରାଜି ପେରା,ଅଶୋକ ମହାନନ୍ଦ,ରାଧା ମୋହନ ଭୋଇ,ପ୍ରକାଶ ମହାନନ୍ଦ,ବିପିନ ମେହେର,ବିଶ୍ୱନାଥ ନେଗି,ଜବଦୁ ସାହୁ ପ୍ରମୁଖ ନିଜର ମତ ପୋଷଣ କରିଥିଲେ।ଶେଷରେ ଯୁବ କଂଗ୍ରେସ ବ୍ଲକ ସଭାପତି ବିଜୟ କୁମାର ଭୋଇ ଧନ୍ୟବାଦ ଅର୍ପଣ କରିଥିଲେ।