05-Sep-2023

ବଲାଙ୍ଗିର (ସୁଦାମ ଚରଣ  ବଘାର)
ସରସ୍ବତୀ ଶିଶୁ ମନ୍ଦିର ଚନ୍ଦନଭାଟି ଠାରେ  ପବିତ୍ର ଗୁରୁ ଦିବସ ପାଳିତ ହୋଇଯାଇଅଛି। କଅଗାଁ ଗ୍ରାମର ଅବସରପ୍ରାପ୍ତ ଶିକ୍ଷକ ଶ୍ରୀଯୁକ୍ତ ଭାଗିରଥି ମିଶ୍ର ମୁଖ୍ଯ ଅତିଥି ଭାବରେ ଯୋଗ ଦେଇ ଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମ ର ଶୁଭାରମ୍ଭ କରିଥିଲେ। ବିଦ୍ୟାଳୟ ପରିଚାଳନା ସମିତିର ସଭାପତି ଶ୍ରୀଯୁକ୍ତ ରାମଚନ୍ଦ୍ର ପ୍ରଧାନ ଉପସ୍ଥିତ ରହିବା ସହିତ ଶିଶୁ ଭାଇଭଉଣୀ ଙ୍କୁ ଆରୁଣୀ ଓ ଏକଲବ୍ୟ କାହାଣୀ ମାଧ୍ଯମରେ ଶିଶୁଙ୍କୁ ଗୁରୁଶିଷ୍ୟ ସଂପର୍କ ଉପରେ ମାର୍ଗଦର୍ଶନ କରିଥିଲେ। ବିଦ୍ୟାଳୟ ର ପ୍ରଧାନ ଆଚାର୍ଯ୍ୟ ପ୍ରଭୁଦତ୍ତ ବିଶି ଅତିଥି ପରିଚୟ ପ୍ରଦାନ କରିଥିଲେ। ଅଷ୍ଟମ ଶ୍ରେଣୀ ର ଭଉଣୀ ମାନେ ସ୍ବାଗତ ସଙ୍ଗୀତ ଗାନ କରିଥିଲେ। ଆଚାର୍ଯ୍ୟ ଟିକେଶ୍ବର ମିଶ୍ର ନିଜ ବକ୍ତବ୍ଯ ରେ ଶିଶୁଙ୍କୁ ଗୁରୁ ଭକ୍ତି ଉପରେ ମାର୍ଗଦର୍ଶନ କରିଥିଲେ। ଶିଶୁଭଉଣୀ ସିଦ୍ଧି ଥନାପତି , ଅଞ୍ଜଳି ପଟେଲ, ଅଞ୍ଜଳି ମେହେର ଓ ଶ୍ରୁତି ମେହେର ଗୁରୁ ଦିବସ ବିଷୟରେ ନିଜ ନିଜର ଭାଷଣ ପ୍ରଦାନ କରିଥିଲେ।ଏହି ଅବସରରେ ସଭାପତି ଶ୍ରୀଯୁକ୍ତ ରାମଚନ୍ଦ୍ର ପ୍ରଧାନ ସମସ୍ତ ଆଚାର୍ଯ୍ୟ,ଆଚାର୍ଯ୍ୟା ତଥା ସେବକ, ସେବିକାଙ୍କୁ ଅନୁଷ୍ଠାନ ତରଫରୁ ଗଣବେଶ ପ୍ରଦାନ କରିଥିଲେ।ଆଚାର୍ଯ୍ୟା ଶ୍ରୀମତୀ ସରିତା ପାଣିଗ୍ରାହୀ ସଭା ସଂଯୋଜନା କରିଥିବା ବେଳେ ଆଚାର୍ଯ୍ୟ ଦୀଲିପ ଥନାପତି ଧନ୍ଯବାଦ ଅର୍ପଣ କରିଥିଲେ । ସମସ୍ତ ଆଚାର୍ଯ୍ୟ ଆଚାର୍ଯ୍ୟା ତଥା ସେବିକା ଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସହ ସମାପିତ ହୋଇଯାଇଛି।