15-Jul-2023

ତୁଷୁରା  (ପ୍ରେରଣା ଖବର )
  ତୁଷୁରା ଆଞ୍ଚଳିକ ସାଧନ କେନ୍ଦ୍ର ର କ୍ଲଷ୍ଟର୍ ସ୍ତରୀୟ ମତ ଆଦାନ ପ୍ରଦାନ ବୈଠକ ସ୍ଥାନୀୟ ସରକାରୀ ବାଳିକା ନୋଡାଲ ହାଇସ୍କୁଲ ଠାରେ ପ୍ରଧାନ ଶିକ୍ଷକ ଭକ୍ତ ଚରଣ ଦାଶଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥିରେ ତୁଷୁରା କ୍ଲଷ୍ଟର୍ ଅନ୍ତର୍ଗତ ୧୦ଟି  ବିଦ୍ୟାଳୟ ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଯୋଗ ଦେଇଥିଲେ। ସିଆର୍‌ସିସି ଜଗ ମୋହନ ତ୍ରିପାଠୀ ବୈଠକ ର ଲକ୍ଷ୍ୟ ଓ  ଉଦ୍ଦେଶ୍ୟ ଆଲୋଚନା କରିଥିଲେ। ଉକ୍ତ ବୈଠକରେ ପର୍ଯ୍ୟବେକ୍ଷକ ଭାବରେ ଡାଏଟ୍ ସିଆର୍‌ସିସି  କୋଡିନେଟର ଗୁଡଭେଲା ବ୍ଲକ୍ ଶ୍ରୀ ଗୋପାଳ ଚନ୍ଦ୍ର ପ୍ରଧାନ ଓ ପେଡାଗୋଜି କୋଡିନେଟର ମଧୁମିତା ଦାଶ ଓ ପ୍ରୋଗ୍ରାମ କୋଡିନେଟର ଦେବେଶ ମିଶ୍ର ଯୋଗ  ଦେଇଥିଲେ। ବୈଠକ ଶେଷରେ ଏକ ସ୍ଵାଗତ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଉକ୍ତ ସଭାରେ ଗୁଡଭେଲା ବ୍ଲକ୍ ର ନବାଗତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ରୁଷିଆ ମେହେରଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ପ୍ରଧାନ କରି ତୁଷୁରା କ୍ଲଷ୍ଟର୍ ତରଫରୁ ଉଚ୍ଛ୍ଵସିତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା। ଶିକ୍ଷକ ଶିକ୍ଷୟିତ୍ରୀ ମାନେ ସମୟାନୁବର୍ତ୍ତୀ ହୋଇ ନିଜର କର୍ତ୍ତବ୍ୟ ସୁଚାରୁରୂପେ ପାଳନ କରିବାକୁ ବିଇଓ ଶ୍ରୀ ମେହେର ସମସ୍ତଙ୍କୁ ପରାମର୍ଶ ଦେଇଥିଲେ ଏବଂ ଶିକ୍ଷା ବିଭାଗର ସମସ୍ତ ସମସ୍ୟାର ଆଶୁ ସମାଧାନ କରିବାକୁ ସମସ୍ତଙ୍କୁ ପ୍ରତିଶ୍ରୁତି ଦେଇଥିଲେ। ବିଆର୍‌ସିସି ତଥା ଏବିଇଓ ଶ୍ରୀ ରମେଶ ଚନ୍ଦ୍ର ସାମର୍ଥ ଉକ୍ତ ସଭାରେ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ଏହି ଅବସରରେ ତୁଷୁରା କ୍ଲଷ୍ଟର୍ କୁ ନୂତନ ଭାବେ ତୃତୀୟ ଶ୍ରେଣୀ ପ୍ରଧାନ ଶିକ୍ଷକ ଭାବେ ଯୋଗ ଦେଇଥିବା ଶ୍ରୀ ଆର୍ତ୍ତତ୍ରାଣ ବେହେରା, ଶ୍ରୀ ଦୁତିଆ ସେଠ ଓ ଶ୍ରୀ ମନ୍ମଥ ରାଜହଂସଙ୍କୁ ପୁଷ୍ପଗୁଚ୍ଛ ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇ ଥିଲା। ସଭା ଶେଷରେ ଶିକ୍ଷକ ତଥା ଆଶୁକବି ହେମନ୍ତ ଦାଶ ଧନ୍ୟବାଦ ଅର୍ପଣ କରିଥିଲେ।