12-Jul-2023

ବଲାଙ୍ଗିର(ପ୍ରେରଣା ଖବର)- ଆସନ୍ତା ଜୁଲାଇ ୧୪ ତାରିଖରୁ ବଲାଙ୍ଗିର ସ୍ଥିତ ପିଆର ହାଇସ୍କୁଲ ଇନଡୋର ବ୍ୟାଡମିନ୍ଟନ ଷ୍ଟାଡିଅମରେ ଓଡ଼ିଶା ସିନିଅର ବ୍ୟାଡମିନ୍ଟ ର‌୍ୟାଙ୍କିଂ ପ୍ରତିଯୋଗିତା ଅନୁଷ୍ଠିତ ହେବାକୁ ଯାଉଛି । ଓଡ଼ିଶା ରାଜ୍ୟ ବ୍ୟାଡମିନ୍ଟନ  ସଂଘ ଦ୍ୱାରା ଅନୁମୋଦିତ ଏହି ପ୍ରତିଯୋଗିତାକୁ ବଲାଙ୍ଗିର ଜିଲ୍ଲା ବ୍ୟାଡମିନ୍ଟନ ସଂଘ ଆୟୋଜିତ କରୁଛି । ଆଜି ଇନ୍‌ଡୋର ଷ୍ଟାଡିୟମ୍ ପରିସରରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ  ଜିଲ୍ଲା ବ୍ୟାଡମିନ୍ଟନ ସଂଘ ତଥା ପ୍ରତିଯୋଗିତାର ସାଂଗଠନିକ ସଂପାଦକ ସୁରୁଲାଲ ମଟାରୀ ଏହାର ସୂଚନା ଦେଇଛନ୍ତି । ସୂଚନା ଅନୁସାରେ ଏହି ପ୍ରତିଯୋଗିତା ଏହି କ୍ୟାଲେଣ୍ଡର ବର୍ଷରେ ରାଜ୍ୟର ଦ୍ୱିତୀୟ ସିନିଅର ର‌୍ୟାଙ୍କିଂ ପ୍ରତିଯୋଗିତା ।

ଏହି ପ୍ରତିଯୋଗିତାରେ ସାରା ରାଜ୍ୟରୁ ପୁରୁଷ ଓ ମହିଳା ବର୍ଗରେ ୧୩୦ରୁ ଉର୍ଦ୍ଧ୍ୱ ଖେଳାଳି ନାମ ପଞ୍ଜିକୃତ କରିଥିବା ବେଳେ ପୁରୁଷ ଏକକ, ଯୁଗଳ , ମହିଳା ଏକକ, ଯୁଗଳ ଓ ମିଶ୍ରିତ ଯୁଗଳ ବିଭାଗରେ ପ୍ରାୟ ଶତାଧିକ ମ୍ୟାଚ ଅନୁଷ୍ଠିତ ହେବ । ଏଥିରେ ରାଜ୍ୟର ବଛା ବଛା ତଥା ସମସ୍ତ ଉଚ୍ଚ ର‌୍ୟାଙ୍କ ଥିବା ଖେଳାଳିମାନେ ଭାଗ ନେବେ । ୧୯ ଜଣ ଅମ୍ପାୟାର ସମସ୍ତ ମ୍ୟାଚ ପରିଚାଳନା ଦାଇତ୍ୱରେ ଥିବା ବେଳେ ଜାତୀୟ   ଅଭିଜ୍ଞତା ସମ୍ପର୍ଣ୍ଣ ପ୍ରାପ୍ତ ଅମ୍ପାୟାର ବିଜୟ ବାଗ ମ୍ୟାଚ ର‌୍ୟାଫରି ଓ ମନୋରଞ୍ଜନ ଦାଶ ପ୍ରତିଯୋଗିତାର ପର୍ଯ୍ୟବେକ୍ଷକ ଦାଇତ୍ୱ ତୁଳାଇବା ନେଇ ସୁଚନା ରହିଛି ।  ଆଜିର ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ଉପସଭାପତି  ଘନଶ୍ୟାମ ମିଶ୍ର, ଜିଲ୍ଲା ଡେଭଲଡମେନ୍ଟ କମିଟି ମୁଖ୍ୟ ଦେବାଶିଷ ମିଶ୍ର, ଉପଦେଷ୍ଟା ବୀରେନ ମିଶ୍ର, ବରିଷ୍ଠ ସଭ୍ୟ ସୁଶାନ୍ତ ଚୋପଦାର, ମ୍ୟାଚ କୋଡିନେଟର ଅନନ୍ତ ବେହେରା, ମାନସ ମହାନ୍ତି ଓ ସୁରେନ୍ଦ୍ର ନେପାଲ ମଞ୍ଚସୀନ ଥିଲେ ।