06-Jul-2023

ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଡୁଡୁକା ଗ୍ରାମର କଲ୍ୟାଣ ମଣ୍ଡପ ଠାରେ ମହିଳା ସ୍ଵୟଂ ସହାୟକ ଗୋଷ୍ଟି ମାନଙ୍କ ନିମନ୍ତେ ବ୍ୟାଙ୍କ୍ ଋଣ  ଓ ସୁଧ ଫେରସ୍ତ ପାଇଁ ସଚେତନତା ଶିବିର ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥି ଭାବେ ଆଗଲପୁର ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ ଯୋଗ ଦେଇଥିବା ବେଳେ ଉପାଧ୍ୟାକ୍ଷା ନିରୁପମା  ପଧାନ , ଜିଲ୍ଲା ପରିଷଦ ସଭ୍ୟା ବୀଣାପାଣି ଦାସ , ଗୋଷ୍ଠୀ ଶିଶୁ ବିକାଶ ପ୍ରକଳ୍ପ ଅଧିକାରୀ ଜୋତିର୍ମୟୀ ନାଏକ ,  ଫିଲ୍ଡ ଅଫିସର ଅରବିନ୍ଦ ବେହେରା, ଓ ମଞ୍ଚ କୁ ଟ୍ରେନିଂ ଶିକ୍ଷକ ସଚିଦାନନ୍ଦ ଷଡ଼ଙ୍ଗୀ ପରିଚାଳନା କରିଥିଲେ l ଉକ୍ତ ଶିବିରରେ 112 ଟି ସ୍ବୟଂ ସହାୟକ ଦଳ ଯୋଗ ଦେଇଥିବା ବେଳେ 224 ଜଣ ସଭ୍ୟ ଅଂଶ ଗ୍ରହଣ କରିଥିଲେ l ବ୍ଲକ ମହାସଂଘ ର ସଦସ୍ୟ ମାନେ ଉପସ୍ଥିତ ରହି ଅଂଶ ଗ୍ରହଣ କରି ଥିଲେ । ଏହି ସଚେତନତା ଶିବିରରେ ମିଶନ ଶକ୍ତି ଋଣ ଏବଂ ସରକାରଙ୍କ ତରଫରୁ ସୁଧ ଫେରସ୍ତ , ବି ଏସ କେ ୱାଇ , ମମତା ଯୋଜନା , ମିଶନ ଶକ୍ତି ବିଭାଗର କୃଷି , ଉଦ୍ୟାନ , ମାଛ , ଭେଟେନାରୀ ସହ ଭାଗିତା ଉପରେ ଅତିଥି ମାନେ ଆଲୋକପାତ କରିଥିଲେ l ଏହି ଶିବିର ଶେଷରେ ଜୀବିକା ସଂଯୋଜକ ଜ୍ଞାନ ରଞ୍ଜନ ସା ଧନ୍ୟବାଦ ଦେଇ ସଭା ସାଙ୍ଗ କରିଥିଲେ l