02-Jul-2023

ନବରଙ୍ଗପୁର : ଆଜି ଓଡିଶା ସାହିତ୍ୟ ଏକାଡେମୀ ଭୁବନେଶ୍ବର ପକ୍ଷରୁ ନବରଙ୍ଗପୁର ଜିଲ୍ଲା ସ୍ତରୀୟ ସାରସ୍ଵତ ସମାରୋହ ଅନୁଷ୍ଠିତ ହୋଇଯାଇଛି l ପ୍ରଥମ ଅଧିବେଶନ କବିତା ପାଠୋତ୍ସବ ରେ ସଭାପତି ସହଦେବ ପରିଡା, ବରେଣ୍ୟ ଅତିଥି ଶ୍ରୀମତୀ ଜେମାମଣି ବିଶୋଇ, ସୁଖିରାଜ ରାଉତ, ପ୍ରଭାତି ଦେବନାଥ ସ୍ଵତନ୍ତ୍ର ଅତିଥି ଭାବରେ ଓଡିଶା ରାଜସ୍ୱ ଅମଲା ସଂଘର ସଭାପତି ତ୍ରିପତି ବାଲାଜୀ ସାହୁ ଉପସ୍ଥିତ ଥିବା ବେଳେ ଶ୍ରୀମତୀ ସ୍ଵାଗତିକା ବାହିନିପତି, ରମେଶ ଚନ୍ଦ୍ର ଟାକ୍ରୀ, ଶ୍ରୀମତୀ ବିଷ୍ଣୁପ୍ରିୟା କରସୁଦ୍ଧା ପଟନାୟକ ସଂଯୋଜନା କରିଥିଲେ l  ସନ୍ତୋଷ କୁମାର ଖମାରି ଧନ୍ୟବାଦ ଅର୍ପଣ କରିଥିଲେ l ଏହି କାର୍ଯ୍ୟକ୍ରମ କୁ ରତିକାନ୍ତ ଦୁବେ ପରିଚାଳନା କରିଥିଲେ l

ଦ୍ଵିତୀୟ ଅଧିବେଶନରେ ବଲ୍ଲଭ ରାଉତ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଥିବା ବେଳେ ନବରଙ୍ଗପୁର ଜିଲ୍ଲାପାଳ ଡଃ କମଳ ଲୋଚନ ମିଶ୍ର କାର୍ଯ୍ୟକ୍ରମ କୁ ଆନୁଷ୍ଠାନିକ ଭାବେ ଉଦଘାଟନ କରିଥିଲେ l କାର୍ଯ୍ୟକ୍ରମ ଆରମ୍ଭ ପୂର୍ବରୁ ଜିଲ୍ଲାପାଳ ଡଃ ମିଶ୍ର ସହିଦ ଲକ୍ଷ୍ମଣ ନାୟକ ଉଚ୍ଚ ବିଦ୍ୟାଳୟ ଧୋଡ୍ରା ପରିସର ମଧ୍ୟରେ ବୃକ୍ଷ ରୋପଣ କରିବା ସହିତ ବିଦ୍ୟାଳୟ ପରିସର ମଧ୍ୟରେ ଥିବା ମହାପୁରୁଷଙ୍କ ପ୍ରତିମୂର୍ତ୍ତି ଙ୍କୁ ମାଲ୍ୟାର୍ପଣ କରି ଶ୍ରଦ୍ଧା ସୁମନ ଅର୍ପଣ କରିଥିଲେ l ବିଶିଷ୍ଟ ନିମନ୍ତ୍ରିତ ଅତିଥି ଭାବେ ସମାଜସେବୀ ଜଗନ୍ନାଥ ମହାପାତ୍ର ,ଡଃ ସୁରେନ୍ଦ୍ର ନାଥ ଦାସ, ଶ୍ରୀମତୀ ହେମଲତା  ମାଝୀ,  ଆଶୁତୋଷ ପାତ୍ର,  ବିଜୟ କୁମାର ଚୌଧୁରୀ, ରାମ ପ୍ରସାଦ ପାତ୍ର, ଶ୍ରୀନିବାସ ପଟନାୟକ, କେଦାରେଶ୍ଵର ପଟ୍ଟନାୟକ ଉପସ୍ଥିତ ଥିବା ସହିତ ରତିକାନ୍ତ ଦୁବେ ସଂଯୋଜନା କରିବା ସହିତ ଅଧ୍ୟାପକ ଅଖିଳ ଭଟ୍ଟ ଅତିଥି ପରିଚୟ ପ୍ରଦାନ କରିଥିଲେ l ଶେଷରେ ବଲ୍ଳଭ କୁମାର ରାଉତଙ୍କ ଦ୍ଵାରା ସଙ୍କଳିତ ଓ ଜଗନ୍ନାଥ ମହାପାତ୍ରଙ୍କ ଦ୍ଵାରା ପ୍ରକାଶିତ ପୁସ୍ତକ  "ସଜନ ଛବିରେ ଅମୃତ କବି "ଓ ବଲ୍ଲବ ରାଉତ ଙ୍କ ଦ୍ବାରା ଲିଖିତ ରାମ ପ୍ରସାଦ ପାତ୍ରଙ୍କ ଦ୍ୱାରା ପ୍ରକାଶିତ " ନିଜସ୍ୱ ପ୍ରତିବିମ୍ବ ରେ ନବରଙ୍ଗପୁର "ଗଦ୍ୟ ସମ୍ଭାର ଓ  ଦୃଷ୍ଟି ଓ ସ୍ରୁଷ୍ଟି ଉନ୍ମୋଚନ ହୋଇଥିଲା l  କବି ବଂଶୀଧର ଭୂୟାଁ ଧନ୍ୟବାଦ ଅର୍ପଣ କରିବା ସହିତ କାର୍ଯ୍ୟକ୍ରମ କୁ ପରିଚାଳନା କରିଥିଲେ l ଏହି କାର୍ଯ୍ୟକ୍ରମ କୁ ସରସ ସୁନ୍ଦର, ମଞ୍ଚ ସଜାଇବା, ଖାଦ୍ୟ  ପାନୀୟ ଜଳ ଯୋଗାଣ ଏବଂ ପରିବେଶ କୁ ସଫା ସୁତୁରା ରଖିବାରେ ମୁଖ୍ୟ ଭୂମିକା ଗ୍ରହଣ କରିଥିବା ମା ତାରିଣୀ ମହିଳା ସ୍ୱୟଂ ସହାୟକ ଗୋଷ୍ଠୀ ର ସଦସ୍ୟା ମାନଙ୍କୁ ଜିଲ୍ଲାପାଳ ଡଃ ମିଶ୍ର ଉପଢୌକନ ପ୍ରଦାନ କରି ସମ୍ମାନିତ କରିଥିଲେ l 

ତୃତୀୟ ଅଧିବେଶନ ଆଲୋଚନା ଚକ୍ର ପ୍ରଭାସିନି ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା l  ବିଶିଷ୍ଟ ଅତିଥି ଭାବେ ଡଃ ପ୍ରଦୀପ କୁମାର ମିଶ୍ର ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ଜଗଦୀଶ ଚନ୍ଦ୍ର ତ୍ରିପାଠୀ,ସ୍ଵପ୍ନା ମହାନ୍ତି ଓ  ଅଲୋଚକ ଟୁଟୁ ବାବୁ ପଟ୍ଟନାୟକ, ଅଧ୍ୟାପକ ଗୋପାଳ ମହାରଣା, ଡଃ ଶେଷାନନ୍ଦ ମିଶ୍ର,  ସାଇମନ ବିଡିକା,ଓ ସଂଯୋଜକ ଭାବେ ପ୍ରଫୁଲ୍ଲ କୁମାର ରାଉତ  'ଉପାନ୍ତ ଅଞ୍ଚଳର ଓଡ଼ିଆ ଭାଷାର ସୁରକ୍ଷା ଓ ସମୃଦ୍ଧି' ଉପରେ ଆଲୋଚନା କରିଥିଲେ  l କାର୍ଯ୍ୟକ୍ରମ ଟିକୁ  ନରେନ୍ଦ୍ର କୁମାର ରାଉତ ପରିଚାଳନା କରିଥିଲେ ଶେଷରେ ଧନ୍ୟବାଦ ଅର୍ପଣ କରିଥିଲେ l ଏହି କାର୍ଯ୍ୟକ୍ରମରେ ମନୋଜ କୁମାର ପଟ୍ଟନାୟକ ଅତିଥି ପରିଚୟ କରିଥିଲେ l ମଧ୍ୟାହ୍ନ ଭୋଜନ କାର୍ଯ୍ୟକ୍ରମ ପରେ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା,ଏହି କାର୍ଯ୍ୟକ୍ରମ କୁ ବିବେକାନନ୍ଦ ପଟ୍ଟନାୟକ, ସ୍ଵର୍ଣ୍ଣ ଲତା ପଟ୍ଟନାୟକ, ସାଗର କୁମାର ପରିଡା,  ବଙ୍କିମ ଚନ୍ଦ୍ର ମଣ୍ଡଳ ସଂଯୋଜନା କରିଥିଲେ l

(ରିପୋର୍ଟ : ମିହିର ଶଙ୍କର ପାତ୍ର )