27-May-2023

ପାଟଣାଗଡ(ଦିଲୀପ କୁମାର ପଣ୍ଡା): ଗୁରୁବାର ପାଟଣାଗଡ଼ ଥାନା ସମ୍ମୁଖରେ ବେଲପଡା ଥାନା ଅଞ୍ଚଳର ଜୈନିକ ବ୍ୟକ୍ତିଙ୍କର ମେଣ୍ଡା ବନ୍ଧା ହୋଇଥିଲା | ବେଲପଡା ଥାନା ମଣ୍ଡୋଦହ ଗାଁର ମେଣ୍ଢା ମାଲିକ ସିଂଘ ଜାଳଙ୍କ ଅଭିଯୋଗ ପରେ ବେଲପଡା ପୁଲିସ ସେହି ଥାନା ଅନ୍ତର୍ଗତ ମୁଖ୍ୟ ଅଭିଯୁକ୍ତ ଲାଳୁ ତାଣ୍ଡି ଓ ତାଙ୍କର ସହଯୋଗିକୁ ଗିରଫ କରି ଆଜି ସକାଳୁ କୋର୍ଟ ଚାଲାଣ କରିଛି । କୋର୍ଟରେ ଜାମିନ ନାମଞ୍ଜୁର ହେବାରୁ ଉଭୟ ଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ପୁଲିସ ସୁତ୍ରରୁ ଜଣାପଡିଛି । ଅଭିଯୋଗ ଅନୁସାରେ ବେଲପଡା ଥାନା ମଣ୍ଡୋଦହ ଗାଁର ସିଂଘ ଜାଳ ଙ୍କ ଘରୁ ଉକ୍ତ ଥାନା ଅନ୍ତର୍ଗତ ଲାଳୁ ତାଣ୍ଡି ଓ ତାଙ୍କର ସହଯୋଗି ମିସି ବୁଧବାର ବିଲମ୍ବିତ ରାତିରେ ଏକ ମେଣ୍ଢାକୁ ତାଙ୍କଘରୁ ଚୋରାଇ ଆଣିଥିଲେ । ମେଣ୍ଡା ମାଲିକ ତାଙ୍କ ଗାଁର କିଛି ଳୋକଙ୍କ ସହାୟତାରେ ପାଟଣାଗଡ ଥାନା ବଗଲାବନ୍ଧ ଗାଁ ନିକଟରେ ଲାଳୁ ତାଣ୍ଡି ସହ ତାଙ୍କ ମେଣ୍ଡାକୁ ଧରିପକାଇଥିଲେ । ଲାଳୁ ତାଣ୍ଡି ଙ୍କୁ ଉର୍ତ୍ତମ ମଧ୍ୟମ ଦେବାପରେ ପାଟଣାଗଡ଼ ଥାନା ସମ୍ମୁଖରେ ମେଣ୍ଡାଟିକୁ ବାନ୍ଧି ଦେଇ ଲାଳୁକୁ ପୁଲିସରେ ଜିମାଦେଇ ଥିଲେ । ପରେ ମଧ୍ୟାନ୍ନ ସମୟରେ ମେଣ୍ଡା ମାଲିକ ଙ୍କ ଅଭିଯୋଗ ପରେ ବେଲପଡା ପୁଲିସ ଏକ ମାମଲା ରୁଜୁ କରି ଲାଳୁ ତାଣ୍ଡି ସହ ମେଣ୍ଡାକୁ  ବେଲପଡା ଥାନାକୁ ନେଇଥିଲା । ପରେ ପୁଲିସ ତାର ସହଯୋଗୀକୁ ଧରିବାରେ ସଫଳ ହୋଇଥିଲା । ଆଜି ସକାଳୁ ମୁଖ୍ୟ ଅଭିଯୁକ୍ତ ଲାଳୁ ସହିତ ତାର ସହଯୋଗୀକୁ ଗିରଫ କରି କୋର୍ଟ ଚାଲାଣ କରିଥିଲା ।