05-Apr-2023

ବଲାଙ୍ଗିର (ପ୍ରେରଣା ଖବର ): ବଲାଙ୍ଗିର ସିଭିଲ କୋର୍ଟ ପରିସରରେ ଆଜି ବଲାଙ୍ଗିର ସିଭିଲ କୋର୍ଟ ପ୍ରସାଶନିକ ଅଧିକାରୀ ରାଜେନ୍ଦ୍ର ନାରାୟଣ ଦାସ ଙ୍କ ଅବସରକାଳୀନ ସମ୍ବର୍ଦ୍ଧନା ସଭା ବଲାଙ୍ଗିର ଵିଚାର ବିଭାଗୀୟ କର୍ମଚାରୀ ସଂଘ ର ସଭାପତି ପ୍ରକାଶ କୁମାର ନେପାକଙ୍କ ସଂଯୋଜନାରେ ଅନୁଷ୍ଠିତ ହୋଯାଇଛି l ଏହି ସଭାରେ ବଲାଙ୍ଗୀର ଜିଲ୍ଲା ତଥା ଦୌରା ଜଜ ଲଲାଟେନ୍ଦୁ ଜେନା ମୁଖ୍ୟ ଅତିଥି ରୂପେ ଯୋଗଦାନ କରି ଅବସର ଗ୍ରହଣ କରିଥିବା ଶ୍ରୀ ଦାସ ଙ୍କୁ ଫୁଲତୋଡ଼ା ଓ  ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ l ନୂତନ ଭାବେ ଚାକିରୀରେ ଯୋଗଦାନ କରିଥିବା ସମସ୍ତ କର୍ମଚାରୀଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l  ଆଜିର ଏହି ସଭାରେ ସମସ୍ତ ଵିଚାର ବିଭାଗୀୟ ଅଧିକାରୀ, କୋର୍ଟ ମ୍ୟାନେଜେର ସୁମନ ଆଚାର୍ଯ୍ୟ , ସିଷ୍ଟମ ଅଫିସର ଅନିଲ ଦାସ, ସମସ୍ତ କର୍ମଚାରୀ ଉପସ୍ଥିତ ଥିଲେ l ବଲାଙ୍ଗିର ଫାମିଲି ଜଜ  ବେଣୁଧର ପାତ୍ର, ଭିଜିଲାନ୍ସ ଜଜ ଆନନ୍ଦ ନାରାୟଣ ମହାରଣା, ସିଭିଲ କୋର୍ଟ ରେଜିଷ୍ଟ୍ରାର ଚରଣଜିତ ଓରାମ ପ୍ରମୁଖ ଉଦବୋଧନ ଦେଇ ଶ୍ରୀ ଦାସ ଙ୍କ ଚାକିରି ଜୀବନ ପ୍ରଶଂସନୀୟ ବୋଲି କହିବା ସହ  ନୂତନ ଭାବେ ଚାକିରିରେ ଯୋଗଦାନ କରିଥିବା କର୍ମଚାରୀ ମାନଙ୍କୁ ସମସ୍ତ ବିଭାଗରୁ ଏକ ନିଆରା ଶୃଙ୍ଖଳିତ ବିଭାଗରେ ଚାକିରି କରିବାକୁ ସୁଯୋଗ ପାଇଥିବାରୁ ନିଜକୁ ଭାଗ୍ୟବାନ ଭାବିବା ଉଚିତ ବୋଲି ସମ୍ବୋଧିତ କରିଥିଲେ l ଏହି ସଭାରେ ମାନ୍ୟବର ଜିଲ୍ଲା ଜଜ ଲଲାଟେନ୍ଦୁ ଜେନା ସମସ୍ତ କର୍ମଚାରୀ ଶ୍ରୀ ଦାସ ଙ୍କ ଭଳି କର୍ତ୍ୟବ୍ୟନିଷ୍ଠ ହେବା ଉଚିତ ବୋଲି କହିବା ସହ  ନୂତନ କର୍ମଚାରୀ ମାନେ ଆଗାମୀ ଦିନରେ ଭାରତର ସର୍ବବୃହତ ଶୃଙ୍ଖଳିତ ବିଭାଗରେ ନିଜକୁ ଶୃଙ୍ଖଳିତ କରି ସମସ୍ତଙ୍କ ସେବା କରିବାକୁ ପରାମର୍ଶ ଦେଇଥିଲେ l କର୍ମଚାରୀ ମାନଙ୍କ ନୂତନ ଡ୍ରେସ୍ କୋଡ ଶୃଙ୍ଖଳାର ଆଉ ଏକ ଅଧ୍ୟାୟ ବୋଲି ପ୍ରକାଶ କରିଥିଲେ l ନୂତନ ଭାବେ ପଦୋନ୍ନତି ପାଇଥିବା ମୁଖ୍ୟ ପ୍ରଶାନିକ ଅଧିକାରୀ ବଳରାମ ମେହେରଙ୍କୁ ସ୍ୱାଗତ କରିଥିଲେ l ପରିଶେଷରେ ସଂଘର ସଭାପତି ମାନ୍ୟବର ହାଇକୋର୍ଟ ଙ୍କ ଦ୍ୱାରା କର୍ମଚାରୀଙ୍କ ପାଇଁ ଲାଗୁ କରାଯାଇଥିବା ଡ୍ରେସ କୋଡ଼ କୁ ସ୍ୱାଗତ କରିବା ସହ  ନୂତନ ସହଯୋଗୀ ମାନଙ୍କୁ ତଥା ନୂତନ ମୁଖ୍ୟ ପ୍ରଶାନିକ ଅଧିକାରୀ ବଳରାମ ମେହେରଙ୍କୁ ସ୍ୱାଗତ ଜଣାଇଥିଲେ l ଆଜିର ସଭାରେ ଯୋଗଦାନ କରିଥିବାରୁ ଜିଲ୍ଲା ଜଜ, ସମସ୍ତ ଵିଚାର ବିଭାଗୀୟ ଅଧିକାରୀ  ତଥା ସମସ୍ତ କର୍ମଚାରୀଙ୍କୁ ଧନ୍ୟବାଦ ଅର୍ପଣ କରିଥିଲେ l  ଆଜିର ଏହି ସଭା ଆୟୋଜନରେ କର୍ମଚାରୀ ସଂଘର କୋଷାଧକ୍ଷ ଆକାଶ ତ୍ରିପାଠୀ,  ହେଡ଼ କ୍ଲର୍କ ଦଧିବାବନ  ଶତପଥି, ସୁବ୍ରତ ମିଶ୍ର, ନଜିର୍ ଶୁଭ୍ରାଂଶୁ ବାଗ, ନୀଳକଣ୍ଠ ସିଂ ଓ ବିଶମ୍ବର  ପ୍ରଧାନ ସହଯୋଗ କରିଥିଲେ l