06-Apr-2023

ନାକଟିଦେଉଳ(କନ୍ଦର୍ପ ବେହେରା) - ନାକଟିଦେଉଳ ବ୍ଲକ୍ ଶିମିଳିପାଳ ପଂଚାୟତର ଶିହିଳିଆ ଗ୍ରାମରେ ଥିବା ନୂତନ ଅଙ୍ଗନଓାଡି କେନ୍ଦ୍ରର  କୋଠା କେବେଠୁ ସଂପୂର୍ଣ ହୋଇଥିଲେ ମଧ୍ୟ ଏହି କାର୍ଯ୍ୟରେ ନିୟୋଜିତ ଥିବା ଠିକାଦାର ଟଙ୍କା ପାଇ ନ ଥିବାରୁ ଅଙ୍ଗନଓାଡି କର୍ମୀକୁ   ହସ୍ତାନ୍ତର କରୁ ନ ଥିବା ଜଣା ପଡିଛି ।
   ଅନୁସନ୍ଧାନରୁ ଜଣା ପଡିଛି ଯେ ,ଶିହିଳିଆ ଗ୍ରାମରେ ଥିବା ନୂତନ ଅଙ୍ଗନଓାଡିର କୋଠା କାମ ତଥା ଅନ୍ୟାନ୍ୟ କାମ କେବେଠୁ ସରିଲାଣି । ଏହି କୋଠା ପାଇଁ  ବିଭିନ୍ନ ପର୍ଯ୍ୟାୟରେ ସରକାର ୮ ଲକ୍ଷ ୨୦ ହଜାର ଟଙ୍କା ମଞୁର କରିଥିଲେ ।  ଏହି କାମ ଜେଇଙ୍କ ନାମରେ ଥିଲେ ମଧ୍ୟ କାର୍ଯ୍ୟ ସୁରୁଖୁରୁରେ ଚାଲିବା  ପାଇଁ ଗ୍ରାମର ସୁବଳ ସାହୁଙ୍କୁ କାର୍ଯ୍ୟ ନ୍ୟସ୍ତ କରାଯାଇଥିଲା । ପ୍ରଥମ ରୁ ନାକଟିଦେଉଳ ବ୍ଲକ୍ ର ଜେଇ ଅଜିତ୍ ବେହେରା ଏହି କାର୍ଯ୍ୟ ତଦାରଖ କରିବା ସହ କାମ ମଧ୍ୟ ତଦାରଖ କରି  ବିଲ୍ ପ୍ରଦାନ କରୁଥିଲେ । ମୋଟ୍ ୫ ଲକ୍ଷ ଟଙ୍କାର ବିଲ୍ ଜେଇ ଅଜିତ୍ ବେହେରା  କାର୍ଯ୍ୟ ତଦାରଖ କରୁଥିବା ସୁବଳ ସାହୁଙ୍କୁ ପ୍ରଦାନ କରିସାରିଥିବା ବେଳେ ପରବର୍ତୀ ମୁହୁର୍ତରେ ସେ ବାକି ୩ ଲକ୍ଷ୨୦ ହଜାର ଟଙ୍କା  ବିଲ୍ କରି ନ ଥିଲେ । ଯା ଫଳରେ ଶ୍ରମିକ ମାନେ ମଧ୍ୟ ଟଙ୍କା ପାଇ ନ ଥିବା ଅଭିଯୋଗ କରିଛନ୍ତି ।  ଶିମିଳିପାଳ ପଂଚାୟତ ଅଧୀନରେ ଜେଇ ଭାବରେ ସୁରଭି ପ୍ରଧାନ ଯୋଗ ଦେଇଥିଲେ ମଧ୍ୟ  ବହୁ ଦିନ ପର୍ଯ୍ୟନ୍ତ ଜେଇ ଅଜିତ୍ ବେହେରା ଫାଇଲ୍ ରଖି ଏହି ବିଲ୍ କରୁ ନ ଥିବା ଜଣା ପଡିଛି । ଜେଇ ଅଜିତ୍ ବେହେରା ପ୍ରଥମରୁ ହିଁ ଏହି ଅଙ୍ଗନଓାଡି କାମର ବିଲ୍ ଭାଉଚର କରୁଥିବା ବେଳେ ପରବର୍ତୀ ମୁହୁର୍ତରେ କଣ ପାଇଁ ଫାଇଲକୁ ଫେରାଇ ଦେଇ ଥିଲେ ତାହା ଆଦୈା ବୁଝା ପଡୁନାହିଁ । ଜେଇ ଅଜିତ୍ ବେହେରାଙ୍କ ମନମୁଖି କାର୍ଯ୍ୟ ତଥା ଅସହଯୋଗ ଯୋଗୁଁ ଆଜି ଶିହିଳିଆ ଅଙ୍ଗନଓାଡି କେନ୍ଦ୍ରରେ ତାଲା ପଡିଛି । କାର୍ଯ୍ୟ ତଦାରଖ କରୁଥିବା ସୁବଳ ସାହୁ ଟଙ୍କା ନ ଦେଲେ ମୁଁ ଚାବି ଦେବି ନାହିଁ ବୋଲି ରୋକ୍ ଠୋକ୍ ମନା କରିଛନ୍ତି ।  ଏନ୍‌ଆର୍‌ଇଜିଏସ୍ ରେ ଆସିଥିବା ୨ଲକ୍ଷ  ଟଙ୍କା ରୁ  ଶ୍ରମିକ ଭାବରେ କାମ କରିଥିବା ନନ୍ଦି ପ୍ରଧାନ , ସୈାଦାମିନୀ ପ୍ରଧାନ , ନଳିନୀ ପ୍ରଧାନ, ଦିନବନ୍ଧୁ ପ୍ରଧାନ , ଜ୍ୟୈାତିମଞରୀ ପ୍ରଧାନ , ମହେନ୍ଦ୍ର ସାହୁ , ଚଂଚଳା ସାହୁ , ନିଶାମଣୀ ବେହେରା ପ୍ରମୁଖ  ଦିର୍ଘମାସ ହେଲା ମଜୁରି ପାଇ  ନ ଥିବା ଅଭିଯୋଗ ହୋଇଛି । ଅଙ୍ଗନଓାଡିରେ ଚାଉଳ ତଥା ପିଲାଙ୍କ ପାଇଁ ଆସୁଥିବା ବିଭିନ୍ନପ୍ରକାର ଉପକରଣ ରହିବା କଥା ହେଲେ ବାଧ୍ୟ ହୋଇ ଅଙ୍ଗନଓାଡିକର୍ମୀ ଘରେ ରଖୁଛନ୍ତି । ଗ୍ରାମରେ ମଧ୍ୟ ଏ ସଂପର୍କରେ ସଭା ହୋଇଥିଲା । ହେଲେ କାମ ତଦାରଖ କରୁଥିବା ସୁବଳ ସାହୁଙ୍କୁ  ବ୍ଲକ୍ ରୁ  ଟଙ୍କା ନ ଦେଲେ ସେ ତାଲା ଖୋଲିବେ ନାହିଁ ବୋଲି ରୋକ୍ ଠୋକ୍ ମନା କରିଛନ୍ତି । ନିକଟରେ ନାକଟିଦେଉଳ ବିଡିଓ ବିବେକାନନ୍ଦ ସାହୁଙ୍କୁ ଆମ ପ୍ରତିନିଧି ପଚାରିବାରୁ ଖୁବ୍ ଶିଘ୍ର ବିଲ୍ କରାଯିବ ବୋଲି ପ୍ରକାଶ କରିଥିଲେ । ଜେଇ ସୁରଭୀ ପ୍ରଧାନଙ୍କୁ ଫୋନ୍ ରେ ଯୋଗାଯୋଗା କରିବାରୁ ସେ ଫୋନ୍ କୁ ରିସିଭ୍ କରି ନଥିଲେ । ନିକଟରେ ଜେଇ ଅଜିତ୍ ବେହେରାଙ୍କୁ ଫୋନ୍ ରେ ଯୋଗାଯୋଗ କରିବାରୁ ସେ କାମ ମୋର ନୁହଁ ଜେଇ ସୁରଭି ପ୍ରଧାନଙ୍କର ବୋଲି ଆମ ପ୍ରତିନିଧିଙ୍କ ଠାରେ ପ୍ରକାଶ କରିଥିଲେ । ଏଠାରେ ପ୍ରଶ୍ନ ଉଠେ ଯେ , ଜେଇ ଅଜିତ୍ ବେହେରା ଯଦି ଏହି କାମ ତାଙ୍କ ପରିସର ନୁହଁ ଆରମ୍ଭରୁ ଏହି କାମ କରି ଶେଷ ମୁହୂର୍ତରେ ସେଇ ଫାଇଲକୁ ବ୍ଲକ୍ ରେ ଫେରାଇ ଦେବାର ରହସ୍ୟ କଣ ତାହା ଆଦୈା ବୁଝା ପଡୁନାହିଁ । ଜେଇ ଅଜିତ୍ ବେହେରାଙ୍କ ମନମୁଖୀ କାର୍ଯ୍ୟ ଯୋଗୁଁ  ଆଜି ଶିହିଳିଆ ଅଙ୍ଗନଓାଡି କେନ୍ଦ୍ରରେ ତାଲା ପଡିଛି ବୋଲି ଶିହିଳିଆ ଗ୍ରାମବାସୀ ପ୍ରକାଶ କରିଛନ୍ତି । ଶ୍ରମିକ ମାନଙ୍କର ପାଉଣା ଶିଘ୍ର ପ୍ରଦାନ କରା ନ ଗଲେ ଶ୍ରମିକ ମାନେ ଶ୍ରମ କମିଶନରକୁ ଭେଟିବେ ବୋଲି ପ୍ରକାଶ କରିଛନ୍ତି ।