23-Mar-2023

ତରଭା,(ପ୍ରେରଣା ଖବର)-ସୁବର୍ଣ୍ଣପୁର ଜିଲ୍ଲାର ବିଭିନ୍ନ ପଞ୍ଚାୟତରେ ପିଡିଏସ ଚାଉଳ ବାଟମାରଣା କରି ବିକ୍ରିକରୁଥିବା ଅଭିଯୋଗ ହୋଇଆସୁଛି । ଏଥିରେ ଖାଉଟିମାନେ ଠିକସମୟରେ ପିଡିଏସ ଚାଉଳ ପାଉନଥିବା ବେଳେ ପଞ୍ଚାୟତରେ କାମ କରୁଥିବା ଅଧିକାରୀ କର୍ମଚାରୀମାନେ ମାଲାମାଲ ହେଉଛନ୍ତି । ବହୁ ବର୍ଷ ହେଲା ତରଭା ବ୍ଲକ ପାଇକବାହାଲ ପଞ୍ଚାୟତରେ ପିଡିଏସ ଦୁର୍ନିତୀ ଚାଲିଥିଲା । ଗତକାଲି ରାତି ୩ଟାରୁ ୪ଟା ସମୟ ମଧ୍ୟରେ ପଞ୍ଚାୟତ ଗୋଦାମରୁ ୬୧ପ୍ୟାକେଟ ଚାଉଳ ଏକ ପିକଅପ ଗାଡିରେ ଚୋରାଚାଲାଣ କରିବାକୁ ଲୋଡ କରୁଥିବା ବେଳେ ସ୍ଥାନୀୟଲୋକେ ସେମାନଙ୍କୁ ଧରି ପୋଲିସରେ ଜିମା ଦେଇଛନ୍ତି । ତରଭା ପୋଲିସ ଏହି ଘଟଣାରେ ୨୧ ବସ୍ତା ଚାଉଳ ସହିତ ପିକଅପ ଗାଡିକୁ ଜବତ କରିଛି ।  ଗାଡିର ମାଲିକ ଖଗସାକନାର ଗଙ୍ଗା ଦେହେରୀ ଓ ପଞ୍ଚାୟତର ପିଡିଏସ ଚାଉଳ ଗୋଦାମର ଦାୟୀତ୍ୱରେ ଥିବା ବ୍ରାହ୍ମଣୀପାଲି ଗ୍ରାମର ନାରାୟଣ ବାଘ,ଦେଉଳପଦର ଗ୍ରାମର ମୁଲମୁଲ କମ୍ପ ଓ ଚୈତନ୍ୟ ପୁରୋହିତକୁ ଥାନାରେ ଅଟକ ରଖାଯାଇଛି । ତରଭା ଥାନା ଅଧିକାରୀ ସୁବ୍ରତ ପାଣିଗ୍ରାହୀ ନିଜେ ଓ ତରଭା ବ୍ଲକର ଯୋଗାଣନୀରିକ୍ଷକ ପଞ୍ଚାୟତକୁ ପହଞ୍ଚି ତଦନ୍ତ ଚଳାଇଛନ୍ତି । 
               ମିଳିଥିବା ସୂଚନାରୁ ଜଣାଯାଇଛି ଯେ,ଏହି ପଞ୍ଚାୟତର ଖାଉଟିମାନଙ୍କୁ ପ୍ରତିମାସରେ ଠିକରେ ଚାଉଳ ଦିଆଯାଉନାହିଁ । କେନ୍ଦ୍ରସରକାର ମାଗଣାରେ ଗରୀବଙ୍କୁ ଚାଉଳ ଦେଉଥିଲେ ହେଁ ପଞ୍ଚାୟତ ପକ୍ଷରୁ ସବୁମାସରେ ଖାଉଟିଙ୍କୁ ଠିକରେ ଦେଉନଥିଲେ । ନୀରିହ ଗରୀବ ଲୋକଙ୍କୁ ବୋକା ବନାଇ ଶହଶହ କ୍ୱିଣ୍ଟାଲ ଚାଉଳ ବିକ୍ରିକରୁଥିଲେ । ଏକ ନିଦ୍ଦିଷ୍ଠ ଗୋଷ୍ଠୀ ଏହି କାରବାରକୁ ବହୁବର୍ଷ ହେଲା ପରିଚାଳିତ କରିଆସୁଛନ୍ତି । ଏବିଷୟରେ ସରପଞ୍ଚ ଗଣନାଥ ସାହୁଙ୍କ ପାଖରେ ଅନେକ ଲୋକ ଅଭିଯୋଗ କରିଆସୁଥିଲେ । ଗତ କାଲି ରାତିରେ ୩ଟାରୁ ୪ଟା ସମୟ ମଧ୍ୟରେ ଏକ ପିକଅପ ଗାଡି ଆଣି ଗୋଦାମ ଖୋଲି ନାରାୟଣ ବାଘ ଦେଉଳପଦର ଗାଁର ଚାଉଳ ଚୋରାଚାଲାଣ କରାଉଥିବା ବେଳେ ସୂଚନା ପାଇ ସ୍ଥାନୀୟ ଲୋକେ କିଛି ଚୋରଙ୍କୁ କାବୁ କରିଥିବା ବେଳେ ଆଉ କିଛିଲୋକ ଦୌଡି ଫେରାର ମାରିଥିଲେ ।  ସରପଞ୍ଚ ଗଣନାଥ ସାହୁ ନିଜେ ପଞ୍ଚାୟତକୁ ପହଞ୍ଚି ପୋଲିସକୁ ଖବର କଲାପରେ ମେଣ୍ଡା ଫାଣ୍ଡି ପୋଲିସ ପହଞ୍ଚି ଚାଉଳ ଗାଡି ଓ ଚାଉଳକୁ ଜବତ କରି ଧରାପଡିଥିବା ଲୋକଙ୍କୁ ପଚାରଉଚୁରା କରିଥିଲେ । ପରେ ତରଭା ବ୍ଲକର ଯୋଗଣ ନୀରିକ୍ଷକ ଓ ତରଭା ଆଇଆଇସି ସୁବ୍ରତ ପାଣିଗ୍ରାହୀ ପହଞ୍ଚି ତଦନ୍ତ କରିଥିଲେ । କୁଆଡେ ଫେରାର ମାରିଥିଲେ । ଗାଡି ମାଲିକ ଗଙ୍ଗା ଦେହୁରୀ,ବ୍ରାହ୍ମଣୀପାଲିର ନାରାୟଣ ବାଘ,ଦେଉଳପଦର ଗ୍ରାମର ମୁଲମୁଲୁ କମ୍ପ ଓ ଚୈତନ୍ୟ ପୁରୋହିତଙ୍କୁ ପୋଲିସ ଅଟକ ରଖି ପଚାରଉଚାର କରୁଛି ବୋଲି ସୂଚନା ମିଳିଛି । ସେପଟେ ବର୍ତ୍ତମାନର ସରପଞ୍ଚଙ୍କୁ ବଦନାମ କରାଇବାକୁ କିଛି ଖଳଲୋକ ଅପଚେଷ୍ଟା କରୁଥିଲେ ଓ ଶେଷରେ ଚୋରୀ ଧରାପଡିଥିବା ଚର୍ଚ୍ଚା ହେଉଛି । ଏହି ଚୋରମାନଙ୍କୁ ପୋଲିସ ହେପାଜତରୁ ଖସାଇବାକୁ ମଧ୍ୟ ଏହି ଚୋରୀ ପଛରେ ଥିବା କିଛି ଲୋକ ଉଦ୍ୟମ ଚଳାଇଥିବା ଆଲୋଚନା ହେଉଛି । ତେବେ କେଉଁ କେଉଁ ଖାଉଟିଙ୍କ ଚାଉଳ ହଡପ ହୋଇଛି ତାହାର ଏକ ବିଧିବଦ୍ଧ ତଦନ୍ତ କରାଯିବାକୁ ସାଧାରଣ ଜନତା ଦାବି କରୁଛନ୍ତି ।