23-Mar-2023

ଲୋଇସିଂହା, (ବିନୋଦ କୁମାର ଦୀପ) ଓଡିଶା ଦକ୍ଷତା ବିକାଶ ପ୍ରାଧିକରଣ ଙ୍କ ତରଫରୁ ଜିଲ୍ଲା ପ୍ରଶାସନ, ବଲାଙ୍ଗୀର ଚଳିତ ବର୍ଷ ନିମ୍ନ କାର୍ଯ୍ୟସୂଚୀ ଅନୁସାରେ ଜିଲ୍ଲାର ସମସ୍ତ ବ୍ଲକରେ ନିଯୁକ୍ତି ଭିତ୍ତିକ ତାଲିମ କାର୍ଯ୍ୟକ୍ରମ ଓ ବୈଷୟିକ ଶିକ୍ଷା ଗ୍ରହଣ ନିମନ୍ତେ ବ୍ଲକ ସ୍ତରୀୟ ପରାମର୍ଶ ଶିବିର ମାନ ଆୟୋଜନ କରାଯାଉଛି l ଏହି ପରିପ୍ରେକ୍ଷୀରେ ଲୋଇସିଂହା ବ୍ଲକରେ ମଧ୍ୟ ଉକ୍ତ କାର୍ଯ୍ୟକ୍ରମ ଆଜି ଅନୁଷ୍ଠିତ ହୋଇଥିଲା l ଏହି ପରାମର୍ଶ ଶିବିରରେ ଓଡିଶା ଦକ୍ଷତା ବିକାଶ ପ୍ରାଧିକରଣ, ଓଡିଶା ଙ୍କ ସହ ଅନୁବନ୍ଧିତ ବିଭିନ୍ନ ସରକାରୀ ଓ ବେସରକାରୀ ତାଲିମ ପ୍ରଦାନକରି ସଂସ୍ଥା ମାନେ ଯୋଗ ଦେଇଛନ୍ତି l ଏହି ତାଲିମ ପ୍ରଦାନକାରୀ ସଂସ୍ଥା ମାନେ ବିଭିନ୍ନ ଟ୍ରେଡ଼ ମାନଙ୍କରେ ନେସନାଲ ସ୍କିଲ ଡ଼ବଲପମେଣ୍ଟ କର୍ପୋରେସନ ଦ୍ୱାରା ଜାରି କରିଥିବା ସ୍ୱଳ୍ପ ମିଆଦି ପାଠ୍ୟକ୍ରମ ସୂଚୀରୁ ପାର୍ଥୀ ମାନଙ୍କର ରୁଚି ଅନୁଯାୟୀ ତାଲିମ ପ୍ରଦାନ କରିଥାନ୍ତି l ଏହି ତାଲିମ ର ଅବଧି ସାଧାରଣତ 1 ମାସ ରୁ 6 ମାସ ପର୍ଯ୍ୟନ୍ତ ହୋଇଥାଏ l ତାଲିମ ସମୟରେ ଆବାସିକ ପାର୍ଥୀ/ ପାର୍ଥୀନୀ ମାନଙ୍କ ରହିବା, ଖାଇବା ଏବଂ ତାଲିମ ର ସମସ୍ତ ଖର୍ଚ୍ଚ ଓଡିଶା ସରକାର ବହନ କରିଥାନ୍ତି l ତାଲିମ ପରେ ଆସେସମେଣ୍ଟ ଟେଷ୍ଟ କରାଯାଇ ଉତୀର୍ଣ୍ଣ ପରିକ୍ଷଣlର୍ଥୀ ମାନଙ୍କୁ ଏସଏସସିଙ୍କ ଦ୍ୱାରା ପ୍ରମାଣ ପତ୍ର ପ୍ରଦାନ କରାଯାଇଥାଏ l ଉତୀର୍ଣ୍ଣ ପରୀକ୍ଷନାର୍ଥୀ ମନଙ୍କୁ 3 ମାସ ମଧ୍ୟରେ ଦକ୍ଷତା ଅନୁସାରେ ରାଜ୍ୟ ଭିତରେ କିମ୍ବା ରାଜ୍ୟ ବାହାରେ ନିଯୁକ୍ତି ପ୍ରଦାନ କରାଯାଇଥାଏ l ସେହିପରି ଦଶମ ପାସ ଛାତ୍ରଛାତ୍ରୀ ମାନଙ୍କ ପାଇଁ ବିଭିନ୍ନ ବୈଷୟିକ ଶିକ୍ଷା ଯଥା ଆଇଟିଆଇ/ଡିପ୍ଲୋମା  ଓ ବିଶ୍ୱ ଦକ୍ଷତା କେନ୍ଦ୍ର ଭୁବନେଶ୍ୱର ସମ୍ପର୍କରେ ପରାମର୍ଶ ପ୍ରଦାନ କରାଯିବ l ଲୋଇସିଂହା ବ୍ଲକ ର ଜିପିଓ କିଶୋରଚନ୍ଦ୍ର ମାନସିଂହ, ବିପିଏମ ମଧୁସ୍ମିତା ବିଶ୍ୱାଳ, ସରପଞ୍ଚ ନବକିଶୋର ନାଏକ ସହ ବ୍ଲକ ର ଅନ୍ୟାନ୍ୟ କର୍ମଚାରୀ ମାନ ଉପସ୍ଥିତ ଥିଲେ l