18-Mar-2023

ବଲାଙ୍ଗୀର(ପ୍ରେରଣା ଖବର),ଆଜି ବଲାଙ୍ଗୀର ଶୈଳଶ୍ରୀ ପେଲେସ ଠାରେ ବିଜୁ ଜନତା ଦଳର ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ବିଜେଡିର ଆଦର୍ଶ ତଥା ମାନ୍ୟବର ମୁଖ୍ୟମନ୍ତ୍ରୀଙ୍କ ନିର୍ମଳ ଶାସନରେ ଅନୁପ୍ରାଣିତ ହୋଇ ଆଜି ଜିଲ୍ଲାର ବିଭିନ୍ନ ବ୍ଲକରୁ ଆସିଥିବା କଂଗ୍ରେସ ଓ ବିଜେପି ଦଳର କର୍ମୀ ମାନେ ସ୍ୱତପ୍ରବୃତ୍ତ ଭାବରେ ବିଜେଡିରେ ସାମିଲ ହୋଇଥିଲେ । ବଲାଙ୍ଗୀର ର ପୂର୍ବତନ ସାଂସଦ କଳିକେଶ ନାରାୟଣ ସିଂଦେଓ ଫୁଲତୋଡା ଓ ଅଙ୍ଗବସ୍ତ୍ର ଦେଇ ନୂତନ ସଭ୍ୟ ମାନଙ୍କୁ ସ୍ୱାଗତ କରିଥିଲେ । ଆଜି ଏହି ଅବସରରେ ଶୈଳେଶ୍ରୀ ପେଲେସ ଠାରେ ଏକ ସଭାର ଆୟୋଜନ ହୋଇଥିଲା । ଏଥିରେ ବଲାଙ୍ଗୀର ବିଜେଡିର ବହୁ ସଭ୍ୟ, ସଭ୍ୟା ଯୋଗ ଦେଇ ନୂତନ ସଭ୍ୟ ମାନଙ୍କୁ ଉତ୍ସାହିତ କରିଥିଲେ । ଅନ୍ୟ ମାନଙ୍କ ମଧ୍ୟରେ ବଲାଙ୍ଗୀର ମୁନିସିପାଲିଟି ପୌରାଧ୍ୟକ୍ଷା ଲିକା ସାହୁ, ଜିଲ୍ଲା ପରିଷଦ ଅଧ୍ୟକ୍ଷ ଦେବକୀ ସାହୁ, ବରିଷ୍ଠ ଆଇନଜୀବୀ ଅଶୋକ ମହାନ୍ତି, ବିଜେଡି ଟାଉନ୍ ସଭାପତି ଶମ୍ଭୁ ନାଗ ପ୍ରମୁଖ ମଂଚାସୀନ ରହି ଉଦ୍‌ବୋଧନ ଦେଇଥିଲେ । ବରିଷ୍ଠ କଂଗ୍ରେସ କର୍ମୀ ତଥା ଲୋଇସିଂହାର ସରପଂଚ ନବକିଶୋର ନାଏକଙ୍କ ସମେତ ବହୁ ପୁରୁଖା କଂଗ୍ରେସ କର୍ମୀ କଂଗ୍ରେସ ପରିତ୍ୟାଗ କରି ବିଜେଡିରେ ସାମିଲ ହୋଇଛନ୍ତି । ଅନ୍ୟ ଦଳରୁ ଆସି  ଶତାଧିକ ସଂଖ୍ୟରେ ବିଜେଡିରେ ଯୋଗଦାନ ଆଗାମୀ ଦିନରେ ବଲାଙ୍ଗୀର ବିଜେଡିର ଶକ୍ତି ବୃଦ୍ଧି ହେବା ସହ ସଂଗଠନ ସୁଦୃଢ଼ ହେବ ବୋଲି ଆଶା କରାଯାଉଛି ।