06-Dec-2020

(ପ୍ରେରଣା ଖବର) କାଲିମେଳା: ମାଲକାନଗିରି ଜିଲ୍ଲା ଅବକାରୀ ବିଭାଗ ଓ ପୁଲିସ ଦ୍ୱାରା ଚିତ୍ରକୋଣ୍ଡା ଅଞ୍ଚଳରେ ଅତର୍କିତ ଚଢ଼ାଉ କରି ୧୨କୋଟିରୁ ଉର୍ଦ୍ଧ୍ୱ ଟଙ୍କାର ଗଂଜେଇ ଗଛ ନଷ୍ଟ କରାଯାଇଛି।ମିଳିଥିବା ସୂଚନା ଅନୁଯାୟୀ ଆଜି ସକାଳେ ଅବକାରୀ ବିଭାଗ ସୁପରିଟେଣ୍ଡ ଅଶୋକ କୁମାର ସେଠିଙ୍କ ନେତୃତ୍ୱରେ ଓ ତାଙ୍କ ସହକର୍ମୀ ଏବଂ ଚିତ୍ରକୋଣ୍ଡା ପୁଲିସଙ୍କ ମିଳିତ ଅଭିଯାନରେ ଚିତ୍ରକୋଣ୍ଡା ବ୍ଲକ ଅନ୍ତର୍ଗତ ଆର୍‌ଏସି-୪, ବଡ଼ପୁଟ, ପେଟାଲ, ଆର୍‌ଏସି-୧ଗ୍ରାମ ଗୁଡିକରେ ପ୍ରାୟ ୭୫ ଏକର ଜମିରେ ବେଆଇନ୍‌ ଭାବେ ଚାଷ କରାଯାଇଥିବା ୧ଲକ୍ଷ ୨୩ହଜାର ୭୫୦ ଗଛ କଟାଯାଇ ପୋଡି ନଷ୍ଟ କରାଯାଇଛି। ଏହାର ଆନୁମାନିକ ମୂଲ୍ୟ ୧୨କୋଟି ୩୭ଲକ୍ଷ ୫୦ହଜାର ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି।ଏଭଳି ଚଢ଼ାଉ ଜାରି ରହିଥିବାରୁ ଜିଲ୍ଲାରେ ଗଂଜେଇ ବ୍ୟବସାୟୀଙ୍କ ମଧ୍ୟରେ କୋକୁଆ ଭୟ ସୃଷ୍ଟି ହୋଇଛି। ଏହି ଚଢ଼ାଉରେ ମାଲକାନଗିରି ଅବକାରୀ ବିଭାଗର ଇନ୍‌ସପେକ୍ଟର ଗଙ୍ଗା ପାଇକରାଏ, ଓଆଇସି ଏଚ.ଜଗା ରାଓ, ଏସ.ଆଇ ଦିଲୀପ କୁମାର ନାୟକ, ସଞ୍ଜୟ କୁମାର କାଣ୍ଡି ଓ ଅନ୍ୟ କର୍ମଚାରୀମାନେ ସହଯୋଗ କରିଥିଲେ।