09-Feb-2023

ଲୋଇସିଂହା, (ବିନୋଦ କୁମାର ଦୀପ) ପ୍ରଧାନମନ୍ତ୍ରୀ ଆବାସ ଯୋଜନା ତାଲିକାରେ ବ୍ୟାପକ ଅନିୟମିତତା ପ୍ରତିବାଦରେ ଆଜି ଲୋଇସିଂହା ନିର୍ବାଚନ ମଣ୍ଡଳୀ ଆଗଲପୁର (ଡୁଡୁକା) ବ୍ଲକରେ ଭାରତୀୟ ଜନତା ପାର୍ଟି ପକ୍ଷରୁ ବ୍ଲକ୍ କାର୍ଯ୍ୟାଳୟ ଘେରାଓ କରା ଯାଇଥିଲା l ପରେ ପରେ ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ଗୋଷ୍ଠି ଉନ୍ନୟନ ଅଧିକାରୀଙ୍କୁ ଦାବୀପତ୍ର ପ୍ରଦାନ କରାଯାଇଥିଲା l ପ୍ରକୃତ ହିତାଧିକାରୀ ଆବାସ ଯୋଜନାରେ ବାଦ୍ ପଡିବା ନେଇ ସରକାରଙ୍କୁ ସୂଚାଇ ଦିଆଗଲା, ଆଗାମୀ ଦିନରେ ଆବାସ ଯୋଜନାରେ ହୋଇଥିବା ହିତାଧିକାରୀ ଚିହ୍ନଟ ପ୍ରକ୍ରିୟାକୁ ଠିକ୍ ଭାବରେ କାର୍ଯକାରୀ କରା ନଗଲେ ଆନ୍ଦୋଳନ ଆହୁରି ତୀବ୍ରତର କରାଯିବ ବୋଲି ବିଜେପି ପକ୍ଷରୁ ସରକାରଙ୍କୁ ଚେତାବନୀ ଦିଆଗଲା l

ପ୍ରକୃତରେ ଦେଖିବାକୁ ଗଲେ ଯେଉଁ ମାନଙ୍କ ଚାଲ ଛପର ଘର ଅଛି, ରହିବା ପାଇଁ ବାସହାରା, ଯେଉଁ ଲୋକ ଦିବ୍ୟାଙ୍ଗ ଯାହାକି ସମାଜରେ ବଂଚିବା ସେମାନଙ୍କ ପାଇଁ  କଷ୍ଟଦାୟକ, ଯେଉଁମାନେ ଖାଇବାକୁ ଦୁଇବେଳେ ଠିକ ସେ ପାଇପାରୁ ନାହାନ୍ତି ସେମାନଙ୍କୁ ଏ ଆବାସ ଯୋଜନାରୁ ବାଦ କରାଯାଇଛି, ହେଲେ ଅନେକ ଲୋକଙ୍କ କୋଠା ଥାଇ ମଧ୍ୟ ସେମାନଙ୍କୁ ଏହି ଆବାସ ଲିଷ୍ଟରେ ଅନ୍ତର୍ଭୁକ୍ତ କରାଯାଇଛି l ଏଣୁ ସରକାର ପୁଙ୍ଖନୁପୁଙ୍ଖ ଭାବେ ତଦନ୍ତ କରି ପ୍ରକୃତ ହିତାଧିକାରୀକୁ ଆବାସ ଯୋଜନାରେ ସାମିଲ କରିବା ଦରକାର l  ଏହି ବ୍ଲକ୍ ଅଫିସ୍ ଘେରାଓ କାର୍ଯକ୍ରମଟି ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା l  ଏହାସହ ଏମ. ପି. ନୋମିନି ତଥା ଆଗଲପୁର ମଣ୍ଡଳ ସଭାପତି ଉମେଶ ଚନ୍ଦ୍ର ପଟେଲ, ଡୁଡୁକା ମଣ୍ଡଳ ସଭାପତି ପିତାମ୍ବର କଣ୍ଟା, ବରିଷ୍ଠ ବିଜେପି କାର୍ଯ୍ୟକର୍ତ୍ତl ସୀତାରାମ ପୁରୋହିତ, ବିଜେପି ଯୁବନେତା ସମୀର ସିଂଦେଓ, ଏସସି ମୋର୍ଚ୍ଚା ରାଜ୍ୟ ସଦସ୍ୟ ଖଗେଶ୍ୱର ନାଗ, ସମିତିସଭ୍ୟ ଝରଣୀପାଲି ନରେଶ ସାହୁ, ଏସଟି ମୋର୍ଚ୍ଚା ଡୁଡୁକା ମଣ୍ଡଳ ସଭାପତି ଭୁବନେଶ୍ୱର ଧରୁଆ, ଗଣ୍ଡାରାମ ସାହୁ, କୃଷ୍ଣ ମେହେର, ରାଜୁ ସାହୁ, ଯାଦବ ସାହୁ ସହ ଉକ୍ତ କାର୍ଯ୍ୟକ୍ରମରେ ଆଗଲପୁର  ବ୍ଲକର ଅନେକ ମହିଳା ଓ ପୁରୁଷ ଯୋଗ ଦେବାସହ ଆଗଲପୁର ବ୍ଲକର ସମସ୍ତ ପଂଚାୟତ ପ୍ରମୁଖ ଓ କାର୍ଯ୍ୟକର୍ତା ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ କରିଥିଲେ l