22-Dec-2022

ବୀରମହାରାଜପୁର/ମୁର୍ଷୁଣ୍ଢି(ଆର୍ତ୍ତତ୍ରାଣ ଖୁର୍ଡିଆ) ସୋନପୁର ଜିଲ୍ଲା ବୀରମହାରାଜପୁର ଠାରେ ଥିବା ଗାୟତ୍ରୀ ଆବାସିକ ଶିକ୍ଷା ନିକେତନ ଠାରେ  ଗଣିତ ଓ ବିଜ୍ଞାନ ମେଳା ଉଦଯାପନୀ ଉତ୍ସବ ଅନୁଷ୍ଠିତ ହୋଇଯାଇଛି।ଉତ୍ସବ ସଭାପତି ଯୁଧିଷ୍ଠିର ଖମାରୀଙ୍କ ତତ୍ତ୍ୱାବଧାନରେ ହୋଇଥିବା ବେଳେ ମୁଖ୍ଯ ଅତିଥି ଭାବେ ଆଞ୍ଚଳିକ ଉଚ୍ଚ ବିଦ୍ଯାପୀଠ,କେନଝିରିଆପାଲି ହାଇସ୍କୁଲର ଗଣିତ ଶିକ୍ଷକ ଦୀନବନ୍ଧୁ ପ୍ରଧାନ ଯୋଗ ଦେଇ

ଆଜିର ପ୍ରଯୁକ୍ତିବିଜ୍ଞାନ ଯୁଗର ଦୈନନ୍ଦିନ ଜୀବନରେ ଗଣିତର ପ୍ରୟୋଗ ଓ ବୈଜ୍ଞାନିକ ଦୃଷ୍ଟିକୋଣ ଉପରେ ଛାତ୍ର,ଛାତ୍ରୀଙ୍କୁ ଅବଗତ କରିବା ସହ ଶିଶୁର ସର୍ବାଙ୍ଗୀନ ବିକାଶରେ ଗଣିତର ଅବଦାନ ଅତୁଳନୀୟ ଏବଂ ଏହା ବିଜ୍ଞାନ ସହିତ ଅଙ୍ଗାଙ୍ଗୀ ଭାବେ ଜଡିତ ବୋଲି ମତପ୍ରକାଶ କରିଥିଲେ।ସମ୍ମାନୀତ ଅତିଥି ପ୍ରଣବ ନାଏକ ଓ ସଞ୍ଜିବ ଜଗଦଲା ମଧ୍ୟ ଗଣିତର ଆବଶ୍ଯକତା ଓ କାର୍ଯ୍ଯକାରିତା ଉପରେ ବ୍ଯାଖ୍ଯା କରିଥିଲେ।ବରିଷ୍ଠ ଓ କନିଷ୍ଠ ବିଭାଗରେ ମନୋନୀତ ହୋଇଥିବା ଦଶଗୋଟି ପ୍ରକଳ୍ପକୁ ଅତିଥିଙ୍କ କରକମଳରେ ପୁରସ୍କୃତ କରାଯାଇଥିଲା