22-Dec-2022

ତୁଷୁରା- ବଲାଙ୍ଗୀର ଜିଲ୍ଲାର ଗୁଡ଼ଭେଲାବ୍ଳକ ଅନ୍ତର୍ଗତ ବଡଙ୍ଗୋମୁଣ୍ଡା ଗ୍ରାମପଞ୍ଚାୟତର ଦୁର୍ବଳ ଅଫିସ ଗୃହ ଉପରେ ନୂତନ ଗୃହ ନିର୍ମାଣ ବନ୍ଦ କରିବାକୁ ବୁଧବାର ଗୁଡ଼ଭେଲା ବ୍ଳକ ବିଡିଓ ଗରେଶ୍ବର ଭୋଇଙ୍କ ଜରିଆରେ ବଲାଙ୍ଗୀର ଜିଲ୍ଲାପାଳଙ୍କୁ ଏକ ଦାବୀପତ୍ର ନାଏକ ସରପଞ୍ଚ ଭୋପାଳ ସିଂହ, ସତ୍ଯ ଜାଲ, ସୁରୁ କୁମ୍ଭାର, ଲଳିତ ସାହୁ,  ବ୍ରଜ ସାହୁ, ବାହାକ ବାଗ ଆଦି ପଞ୍ଚାୟତବାସୀ ପ୍ରଦାନ କରିଛନ୍ତି ।   ଦାବୀପତ୍ରରେ ଦର୍ଶାଇଛନ୍ତି ଯେ, ପଞ୍ଚାୟତ ଅଫିସ ଗୃହ ବିନା ପିଲରରେ ହୋଇଥିବା ସହ ବହୁ ପୁରୁଣାହେଲାଣି। କିଛି ମାସ ତଳେ ଏହି ଗୃହ ମରାମତି ପାଇଁ ଦୁଇଲକ୍ଷ ଟଙ୍କା ଖର୍ଚ୍ଚ କରାଯାଇଥିଲା।  ଏବେ ୫ଲକ୍ଷ ଟଙ୍କା  ବ୍ୟୟରେ ଉକ୍ତ ଅଫିସର ଉପର ମହଳା ବିନା ପିରଲରେ ନୂତନ ଗୃହ ନିର୍ମାଣ ଚାଳିଛି। ଏହି ନିର୍ମାଣ ବନ୍ଦ କରିବା ପାଇଁ ତା୨୮-୧୧-୨୦୨୧ରିଖରେ ପଞ୍ଚାୟତର ଗ୍ରାମବାସୀ, ୱାର୍ଡ ମେମ୍ବର, ସରପଞ୍ଚ ଓ ନାଏକ ସରପଞ୍ଚଙ୍କୁ ନେଇ ବୈଠକ ହୋଇଥିଲା।  କିନ୍ତୁ ଏହାକୁ ଭୃକ୍ଷେପ ନକରି ଉପର ମହଲାରେ ନୂତନ ଗୃହ ନିର୍ମାଣ ଚାଳିଛି।  ଏହାର ସ୍ଥାୟତ୍ବ ନଥିବାରୁ ତୁରନ୍ତ ଏହି ନିର୍ମାଣ କାର୍ଯ୍ଯ ବନ୍ଦ କରିବାକୁ ଦର୍ଶାଇଛନ୍ତି।