22-Dec-2022

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ନୁନିଆଁପାଲି ପଞ୍ଚାୟତ ପାଣ୍ଡେସରା ପ୍ରାଥମିକ ବିଦ୍ୟାଳୟରେ ଏମଡିଏମ ଖାଦ୍ୟର ଅଣ୍ଡା ଖାଇ ୧୬ ଛାତ୍ରଛାତ୍ରୀ ଅସୁସ୍ଥ ହୋଇଥିବା ସୂଚନାରୁ ପ୍ରକାଶ l ଛାତ୍ରଛାତ୍ରୀ ଅସୁସ୍ଥ ହେବାରୁ ସ୍କୁଲର ଶିକ୍ଷକ ତୁରନ୍ତ ଆମ୍ବୁଲାନ୍ସ ଯୋଗେ ଆଗଲପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି l ଛାତ୍ରଛାତ୍ରୀ ମାନେ ଅଭିଯୋଗ କରିଛନ୍ତି ଯେ ଆଜି ମଧ୍ୟାହ୍ନରେ ପଚାସଢା ଅଣ୍ଡା ଖାଇବାକୁ ଦିଆଯାଇଥିଲା ଯାହାଫଳରେ ଏସବୁ ଘଟଣା ଘଟିଲା l ହେଲେ ସ୍କୁଲ ଶିକ୍ଷକ ଇନ୍ଦ୍ରମଣି ପଟେଲ କିନ୍ତୁ ପ୍ରଥମେ ଅଣ୍ଡାକୁ ଟେଷ୍ଟ କରି ଖାଇବାକୁ ଦିଆଯାଇଥିଲା ଏବଂ ଏ ବିଷୟକୁ ଉପରିସ୍ଥ ଶିକ୍ଷା ବିଭାଗର ଅଧିକାରୀ ମାନଙ୍କୁ ଜଣାଇଦିଆଯାଇଛି ବୋଲି କହିଥିଲେ l ହେଲେ ଆମେ ତୁରନ୍ତ ଲଖନପାଲି କ୍ଲଷ୍ଟର ସିଆରସିସି ସରୋଜ କୁମ୍ଭାର କୁ ଫୋନ ଯୋଗେ ପଚାରିବାରୁ ଏପର୍ଯ୍ୟନ୍ତ ମୁଁ ଖବର ପାଇନାହିଁ ବୋଲି କହିଥିଲେ l ଆଗଲପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ର ଡାକ୍ତରଙ୍କୁ ପଚାରି ବୁଝିବାରୁ  ସମସ୍ତଙ୍କୁ ସିରଫ ବଟିକା ଦିଆଯାଇଛି ଓ ସମସ୍ତେ ସୁସ୍ଥ ଅଛନ୍ତି କହିଲେ l ଆଉ କିଛିଘଣ୍ଟା ହସ୍ପିଟାଲରେ ରଖି ସମସ୍ତେ ସମ୍ପୂର୍ଣ୍ଣ ସୁସ୍ଥହେଲେ ପରେ ଛାଡି ଦିଆଯିବ ବୋଲି ପ୍ରକାଶ କରିଥିଲେ l ଏଠାରେ ପ୍ରଶ୍ନ ଉଠୁଛି ଯେ ଛାତ୍ରଛାତ୍ରୀ ଅସୁସ୍ଥ ହୋଇ ହସ୍ପିଟାଲରେ ଚିକିତ୍ସିତ ହେଉଛନ୍ତି କିନ୍ତୁ ସନ୍ଧ୍ୟା ପର୍ଯ୍ୟନ୍ତ  ଶିକ୍ଷା ବିଭାଗର କୌଣସି ଉପରିସ୍ଥ ଅଧିକାରୀଙ୍କ ଦେଖାନାହିଁ l ହେଲେ ନଅଗାଁ(ଖ)ପଲ୍ଲୀ ଆଲୋକ ପାଠାଗାର ର ସ୍ବେଛାସେବୀ ଗଣ ପହଞ୍ଚି ପୂର୍ଣ୍ଣ ସହଯୋଗ କରିଥିଲେ l