-+91-9937148622 |
prerana_bgr@rediffmail.com |
Thursday 28th March 2024 |
R.N.I. Regd No. ODIODI/2010/46693
Breaking News
24-Nov-2022
ବିନିକା(ହିମାଂଶୁ ଶେଖର ପୁଟେଲ)ସତରେ ମୃତ୍ୟୁ ଏମିତି ଭି ଆସେ। ହରେ କୃଷ୍ଣ ହରେ କୃଷ୍ଣ କୃଷ୍ଣ କୃଷ୍ଣ ହରେ ହରେ ହରେ ରାମ ହରେ ରାମ ରାମ ରାମ ହରେ ହରେ ମନ୍ତ୍ର ଜପୁ ଥିବା ବେଳେ ପ୍ରଭୁ ଭଗବାନ ତାଙ୍କୁ ସବୁଦିନ ପାଇଁ ଡାକିନେଲେ । ବିନିକା ବ୍ଲକ ସିନ୍ଦୁରପୁର ଗ୍ରାମର କୈଳାସ ପଣ୍ଡା ବରଗଡ ଜିଲ୍ଲା ଭେଡେନ ବ୍ଲକ ସ୍ଥିତ ଟୁକୁରା ଗ୍ରାମକୁ ଅମାବାସ୍ୟା ଉପଲକ୍ଷେ ସତସଙ୍ଗ କାର୍ଯ୍ୟକ୍ରମରେ ଯୋଗଦାନ କରିବାକୁ ଯାଇଥିଲେ।ପ୍ରଭୁ ନାମ ସଂକୀର୍ତ୍ତନ କରୁଥିବା ବେଳେ ହଠାତ ତାଙ୍କ
ପ୍ରାଣବାୟୁ ଚାଲି ଯାଇଥିଲା ।ତାଙ୍କ ମୃତ୍ୟୁ ଖବର ପ୍ରଚାରିତ ହେବା ପରେ ସାରା ବିନିକା ଅଞ୍ଚଳରେ ଶୋକର ଛାୟା ଖେଳିଯାଇଛି। ଲୋକେ କହୁଛନ୍ତି ଭାଗ୍ୟ ଥିଲେ ଏପରି ପ୍ରଭୁ ନାମ ନେଉ ନେଉ ମୃତ୍ୟୁ ଆସେ । ସୂଚନା ଯୋଗ୍ୟ ଯେ ସିନ୍ଦୁରପୁର ଗୋପାଳଜୀ ମନ୍ଦିରର କର ସେବକ କୈଳାସ ଚନ୍ଦ୍ର ପଣ୍ଡା(୭୧) ଜଣେ ଆଧ୍ୟାତ୍ମିକ ପ୍ରେମୀ ।ଯେଉଁଠି କୌଣସି ସତସଙ୍ଗ,ପ୍ରବଚନ କିମ୍ବା କିଛି ଆଧ୍ୟାତ୍ମିକ କାର୍ଯ୍ୟ ହୁଏ ସେଠାକୁ ସେ ଅବିଲମ୍ବେ ପହଞ୍ଚି ଭଗବାନ ଙ୍କ ନାମ ନେଇଥାନ୍ତି ।ଭଗବତ ପ୍ରେମ, ଅନୁରାଗ ମୃତ୍ୟୁ କୁ ହିଁ ସୁନ୍ଦର କରିଦିଏ,ପ୍ରମାଣିତ ହେଇଗଲା ଏମିତି ମୃତ୍ୟୁ ଅତି ଭାଗ୍ୟବାନ ଲୋକ ଙ୍କୁ ମିଳେ, ଜୟ ଶ୍ରୀ ଗୋପାଳଜୀ ତାଙ୍କ ଚରଣରେ ଅନନ୍ତ କୋଟି ପ୍ରଣାମ ବୋଲି କହି ତାଙ୍କ ମର ଶରୀରକୁ ଆଜି ହଜାର ହଜାର ଲୋକ ବିଦାୟ ଦେଇଥିବା ଦେଖିବାକୁ ମିଳିଥିଲା ।ସ୍ଥାନୀୟ ମହାନଦୀ ଶ୍ୱସାନ ଘାଟ ଠାରେ ତାଙ୍କର ଅନ୍ତେଷ୍ଟ୍ରିକ୍ରୀୟା ସମ୍ପନ୍ନ କରାଯାଇଛି ।ବଲଦେବ ପଣ୍ଡା ମୁଖାଗ୍ନି ପ୍ରଦାନ କରିଥିଲେ ।