15-Oct-2022

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)  ଗତ କୁମାର ପୁର୍ଣିମା ଠାରୁ ଆଜି ଯାଏ ଅନୁଷ୍ଠିତ ହୋଇ ଆସୁଥିବା ସୁବର୍ଣ୍ଣପୁର ଘୋଡ଼ାଘାଟ ପଡା ର ଗଜଲଷ୍ମୀ ପୂଜା ଖୁବ ଧୁମ ଧାମ ରେ ପାଳନ ହୋଇ ଆସୁଛି l ଗତ 9 ତାରିଖ ଠାରୁ ଏହି ପୂଜା ଅବସର ରେ ପ୍ରତିଦିନ ଭଜନ ସନ୍ଧ୍ୟା ଓ କିଛି ନା କିଛି ସାଂସ୍କୃତିକ କାର୍ଯ୍ୟକ୍ରମ ମାନ ପରିବେଷଣ କରାଯାଉଥିବା ବେଳେ ଗତ କାଲି ଶୁକୃବାର ରାତି ରେ  ସୋନପୁର କଲେଜ ପଡିଆ ଠାରେ ମେଲୋଡି କାର୍ଯ୍ୟକ୍ରମ ରେ ବଲିଉଡ ର ଖ୍ୟାତନାମା ସିଙ୍ଗର ବାବୁଲ ସୁପ୍ରି୍ୟୋ ଓ ସାରିକା ସିଂ  ସୁ ମଧୁରୀତ ସଂଗୀତ ପରିବେଷଣ କରିଥିଲେ l ଯାହା କି ଉପଭୋଗ କରିବାକୁ ଦୂର ଦୁରାନ୍ତ ରୁ  20 ହଜାର ରୁ  ଅଧିକ ଦର୍ଶକ ଙ୍କ ସମାଗମ ହୋଇଥିଲା l ରାଜ୍ୟ ଅର୍ଥ ମନ୍ତ୍ରୀ ଶ୍ରୀଯୁକ୍ତ ନିରଞ୍ଜନ ପୁଜାରୀ ମୁଖ୍ୟ ଅତିଥି ଭାବେ ଯୋଗ ଦେଇ ଏହାକୁ ଉଦଘାଟନ କରିଥିବା ବେଳେ ସମ୍ମାନିତ ଅତିଥି ଭାବେ ସୁବର୍ଣ୍ଣପୁର ଏସପି ଅମରେଶ ପଣ୍ଡା, ଏ ଡି ଏମ ସୂର୍ଯ୍ୟ ନାରାୟଣ ଦାଶ, ଯୋଗ ଦେଇ ମା ଲଷ୍ମୀ ଏ ଜ଼ିଲ୍ଲା ତଥା ରାଜ୍ୟ ବାସୀ ଙ୍କୁ ସୁଖ ସମୃଦ୍ଧି  ଶାନ୍ତି ମୈତ୍ରୀ ପ୍ରଦାନ କରନ୍ତୁ ବୋଲି କହିଥିଲେ l ଏବଂ ଏ ପୂଜା କମିଟି ର ସର୍ବ ପୁରାତନ ସଭ୍ୟ ଓ ସକ୍ରିୟ ସଭ୍ୟ ଙ୍କୁ ସମ୍ବର୍ଦ୍ଧିତ କରିଥିଲେ l  ଶେଷ ଯାଏ ସମସ୍ତ ଅତିଥି ମଧ୍ୟ  ସଂଗୀତ କାର୍ଯ୍ୟକ୍ରମ ର ମଜା ନେଇଥିଲେ l ପ୍ରତିଦିନ ମା ଙ୍କ ଠାରେ ସନ୍ଧ୍ୟା ଆଳତୀ ଓ ଖିଚୁଡ଼ି ଭୋଗ ଖୁବ ଆକର୍ଷଣୀୟ ଥିଲା l କମିଟି ର ସଭାପତି ସୋମନାଥ ସାହୁ, ସମ୍ପାଦକ ସୁମିତ ପୁଜାରୀ, ଆକାଶ ବିଦ୍ୟାଧର, ତାପସ ମହାନ୍ତି, ଗଣ ପତି ବାଗ ଙ୍କ ସମେତ ଶତାଧିକ ସଭ୍ୟ ଙ୍କ ଅକ୍ଲାନ୍ତ ପରିଶ୍ରମ ରେ ଏଇ ପୂଜା ମହୋତ୍ସବ ର ସମସ୍ତ  ସାଂସ୍କୃତିକ କାର୍ଯ୍ୟକ୍ରମ ସମାପନ କରାଯାଇଛି l ଆସନ୍ତା କାଲି ମା ଲଷ୍ମୀ ଙ୍କ ଭସାଣି ଉତ୍ସବ ମଧ୍ୟ ଖୁବ ଧୁମ ଧାମ ରେ ପାଳନ କରାଯିବ ବୋଲି କମିଟି ପକ୍ଷରୁ ସୂଚନା ମିଳିଛି l