20-Aug-2022

ବଲାଙ୍ଗୀର,  ଜିଲ୍ଲା ଯୋଗାଣ ବିଭାଗର ମହିଳା ଅଧିକାରୀଙ୍କୁ ଯୌନ ନିର‌୍ୟାତନା ଘଟଣା ଦିନକୁ ଦିନ ନୂଆ ମୋଡ଼ ନେଉଛି । ଆଜି ଜିଲ୍ଲା ଆଦିବାସୀ କଲ୍ୟାଣ ସଂଘର କାର‌୍ୟ୍ୟକାରୀ ସଭାନେତ୍ରୀ ବଂଲତ ମାଝୀଙ୍କ ନେତୃତ୍ୱରେ ଏକ ଦଳ  ପିଡ଼ିତା ଙ୍କୁ ଦେଖା କରି ସହଯୋଗର ହାତ ବଢ଼ାଇଛି । ସଙ୍ଘ ନେତ୍ରୀ ଶ୍ରୀମତୀ ମାଝୀ ଘଟଣାକୁ ତୀବ୍ର ନିନ୍ଦା କରିବା ସହ ଦୋଷୀ ଉପରେ ତୁରନ୍ତ କାର‌୍ୟ୍ୟାନୁଷ୍ଠାନ ଦାବି କରିଛନ୍ତି ।
ଶ୍ରୀମତୀ ମାଝୀ ନିଜ ପ୍ରତିକ୍ରିୟାରେ ଆହୁରି କହିଛନ୍ତି ଯେ, ଜିଲ୍ଲା ଯୋଗାଣ ବିଭାଗ  ମୁଖ୍ୟ ଅଧିକାରୀ (ସି ସି ଏସ ଓ ) ମୀର ରାଜା ଅଲ୍ଲୀ ଙ୍କ ବିରୋଧରେ ଜଣେ ଆଦିବାସୀ ମହିଳା ସଙ୍ଗୀନ ଅଭିଯୋଗ ଆଣିଛନ୍ତି । ଲକ୍ଷ୍ୟାଧିକ ଟଙ୍କା ଲାଞ୍ଚ ମାଗିବା, ବେଆଇନ ଭାବେ ବିଳମ୍ବିତ ରାତି ଯାଏ କାର‌୍ୟ୍ୟାଳୟ ରେ କାମ କରାଇବା, ଅଶାଳୀନ ମନ୍ତବ୍ୟ ଦେବା ସହିତ  ଶାରିରୀକ ମାନସିକ ନିର‌୍ୟାତନା ଦେବା ଭଳି ଗମ୍ଭୀର ଅଭିଯୋଗ ହୋଇଛି । ପ୍ରଥମେ  ଜିଲ୍ଲା ପ୍ରଶାସନ ମହିଳା କର୍ମଚାରୀଙ୍କ ଅଭିଯୋଗ ଉପରେ କାନ ବନ୍ଦ କରିଦେବ ପରେ ,  ଉକ୍ତ ଆଦିବାସୀ ମହିଳା ଅଧିକାରୀ ଜଣକ ବାଧ୍ୟ ହୋଇ ଗତ ତା.୯-୮-୨୨ରିଖରେ ବଲାଙ୍ଗୀର ଟାଉନ ଥାନାରେ ଅଭିଯୋଗ କରିଥିଲେ । ଯାହା କେଶ ନଂ.୦୪୦୪ ତା.୯.୮.୨୨ ସେକ୍ସନ ୨୯୪,୩୫୪(ଇ),୫୦୬, ଆଦିବାସୀ ହରିଜନ ନିର‌୍ୟାତନା ନିବାରଣ ଆଇନ ଧାରା-୩(୧)(କ୍ସ),୩(୧)(ଗ୍ଦ),୩(୨)(ଙ୍ଖବ) ରେ ପଞ୍ଜିକୃତ ହୋଇଛି । ଘଟଣାକୁ ଦୀର୍ଘ ୧୧ ଦିନ ବିତିଯାଇଥିଲେ ସୁଦ୍ଧା ଦୋଷୀକୁ ଖୋଜି ପାଉ ନଥିବା ପୋଲିସ କେବଳ ତଦନ୍ତ ନାଁ ରେ ଦିନ ଗଡାଉଛି । ନିର‌୍ୟାତିତା ନ୍ୟାୟ ପାଇଁ ବାର ଦୁଆର ହେଉଥିବା ବେଳେ  ଅଭିଯୁକ୍ତ ବେଫିକର ବୁଲୁଛି ।  ଜିଲ୍ଲା ପୋଲିସ ଓ ପ୍ରଶାସନ ତଦୃପ କାର‌୍ୟ୍ୟକଳାପ ରେ  ଜିଲ୍ଳା ଆଦିବାସୀ କଲ୍ୟାଣ ସଂଘ କ୍ଷୋଭ ପ୍ରକାଶ କରିଛି । ସଂଘ ଆଜି ପିଡ଼ିତା ଘରକୁ ଯାଇ ପିଡ଼ିତାଙ୍କୁ ଭେଟି ଏ ବିଷୟରେ ଆଲୋଚନା କରି ଉକ୍ତ ଘଟଣାର ନିରପେକ୍ଷ ତଦନ୍ତ କରି ଆଇନ ଅନୁଯାୟୀ କାର‌୍ୟ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲା ଆଦିବାସୀ କଲ୍ୟାଣ ସଂଘ ଦାବୀ କରିଛି । ଆଜିର ଏହି ଆଲୋଚନା ସମୟରେ ଜିଲ୍ଲା ଆଦିବାସୀ କଲ୍ୟାଣ ସଂଘ ର କାର‌୍ୟ୍ୟକାରୀ ସଭାନେତ୍ରୀ ବନଳତା ମାଝୀ, ଯୁଗ୍ମ ସମ୍ପାଦକ  ଗିରିରାଜ ଭୋଇ,ବଲାଙ୍ଗିର ବ୍ଲକ ଉପସଭାପତି  ଅଚ୍ୟୁତ ଧରୁଆ ପ୍ରମୁଖ ଉପସ୍ଥିତ ଥିଲେ । ତେବେ ଘଟଣାର ନିରପେକ୍ଷ ତଦନ୍ତ କରି ଦୋଷୀ ଉପରେ ଯଥାଶୀଘ୍ର କାର‌୍ୟ୍ୟାନୁଷ୍ଠାନ ଗ୍ରହଣ କରାନଗଲେ ଆଗାମୀ ଦିନରେ ସଂଘ ଆନ୍ଦୋଳନ କରିବାକୁ ଚେତାବନୀ ଦେଇଛି ।