22-Nov-2020

ଗଣିଆ/ନୟାଗଡ(ପ୍ରଦୀପ ପଣ୍ଡା}-ସତର୍କତା, ସଚେତନତା ସତ୍ୱେ ବି ଥମିବାର ନା ଧରୁନି ବାଲ୍ୟବିବାହ | ବାପାମାଙ୍କର ମାନବିକତା ଅଭାବରୁ ଉଜ୍ୱଳ ଭବିଷ୍ୟତ ଆଶା ରଖିଥିବା ଝିଅଟିଏ ଖେଳିବା ବୁଲିବା ବୟସରେ ଶାଶୂଘର ଯାଇ ପରିବାର ସମ୍ଭାଳିବା କୁ ବାଧ୍ୟ ହେଉଛି | କଥାରେ ଅଛି 'କନ୍ୟାଦାନ ମହାପୁର୍ଣ୍ୟ ' | କିନ୍ତୁ ସଂସାର ବିଷୟରେ ଜାଣିବା ପୂର୍ଵରୁ ନାବାଳିକା ଝିଅକୁ କନିଆଁ ସଜାଇ ପରଘର କୁ ସଂସାର ଗଢିବାକୁ ପଠାଇଦେଉଥିବା ବାପା, ମା ମହାପାପ କରୁଥିବାର ଅନେକ ଘଟଣା ବୁଦ୍ଧିଯିବି ମହଲରେ ବେଶ ଚର୍ଚ୍ଚା ର ବିଷୟ ପାଲଟିଛି | ଆମ ନୟାଗଡ଼ ଜିଲ୍ଲାରେ ଏହିପରି  ଅନେକ ବାଲ୍ୟବିବାହ ଘଟଣା ଗତ କିଛି ଦିନ ମଧ୍ୟରେ ବିଭିନ୍ନ ସ୍ଥାନରେ ସାମନା କୁ ଆସିଛି | ଶିଶୁ ସୁରକ୍ଷା ବିଭାଗୀୟ କର୍ମଚାରୀ ଏବଂ ସାମାଜିକ କର୍ମୀ ମାନେ ଖବର ପାଇ ଅନେକ ଘଟଣା ସ୍ଥଳରେ ପଂହଁଚି ନାବାଳିକା ଏବଂ ନାବାଳକ ମାନଙ୍କୁ ଉଦ୍ଧାର କରୁଥିଲେ ମଧ୍ୟ ସୁଧୁରୁନାହାନ୍ତି ନୟାଗଡ଼ ବାସୀ | 1098 ରେ କଲ ଆସିବାପରେ ଗଣିଆ ବ୍ଲକର ରାସଙ୍ଗ ପଞ୍ଚାୟତ ର ଓସ୍ତିଆ ଗ୍ରାମରେ ପହଂଚି ବାଲ୍ୟବିବାହ କୁ ରୋକ ଲଗାଇଲା ଚାଇଲଡଲାଇନ | ଚାଇଲିଡ଼ଲାଇନ ସଦସ୍ୟ ଆନନ୍ଦଚନ୍ଦ୍ର ବେହେରା, ନିରଞ୍ଜନ ସାହୁ ଶିଶୁ କଲ୍ୟାଣ ବିଭାଗ ର ସଦସ୍ୟ କଳ୍ପନା ମିଶ୍ର, ଟୁନି ଦେଇ ପ୍ରମିଳା ପରିଡା ଓ ଗଣିଆ ପୋଲିସ ଅଧିକାରୀ ଘଟଣାସ୍ଥଳରେ ପହଂଚି ଥିଲେ |ନରସିଂହପୁର ନିବାସୀ ଅଶୋକ ମହାରଣାଙ୍କ ସାଙ୍ଗରେ ନାବାଳିକା ଝିଅ ର ବିବାହ ହେବାପାଇଁ ସ୍ଥିର ହୋଇଥିଲା |ଝିଅ କୁ ମାତ୍ର 17ବର୍ଷ ହୋଇଥିବା ରୁ ଝିଅର ବିବାହ ହୋଇପାରିବ ନାହିଁ ବୋଲି ଝିଅର ବାପାମାଙ୍କୁ ଚାଇଲଡ ଲାଇନ ତରଫରୁ ଜଣାଇ ଦିଆଯାଇଥିଲା |ଝିଅ ର ପରିବାର କୁ ବାଲ୍ୟବିବାହ ଆଇନ ସମ୍ପର୍କରେ ବୁଝାଇ ଦିଆଯାଇଥିଲା |ଝିଅକୁ 18 ବର୍ଷ ନହେବା ଯାଏ ବିବାହ କରିପାରିବେ ନାହିଁ ବୋଲି ଝିଅ ଟିର ବାପାମା ଏକ ଚୁକ୍ତିପତ୍ର ରେ ଲେଖିବା ସହିତ ଯଦି ଏଥିରେ ଖିଲାପ କରନ୍ତି ଆଇନ ଅନୁଯାୟୀ ଦଣ୍ଡିତ ହେବେବୋଲି ଦର୍ଶାଇ ଦିଆଯାଇଥିଲା |