16-Nov-2020

ଲୋଇସିଂହା, ( ବିନୋଦ କୁମାର ଦୀପ): ଲୋଇସିଂହା ବ୍ଲକ  ହୀରାପୁର ପଂଚାୟତ ହୀରାପୁର ଗ୍ରାମ ଓ ପୁଇଁତଲା ବ୍ଲକ ବିଲେଇସର୍ଡl ଗ୍ରାମ ଦେଇ ଯାଇଥିବା ସୁକତେଲ ନଦୀ ମଧ୍ୟରେ ଗତ କିଛିଦିନ ପୂର୍ବେ ଖଣ୍ଡ ଖଣ୍ଡ ଭିନ୍ନ ପଥରମାନ ଦେଖିବାକୁ ମିଳିଥିଲା l ଏହି ପଥରମାନ ଦେଖିବା ପାଇଁ ଆଖପାଖ ଅଞ୍ଚଳରୁ ପର୍ଯ୍ୟଟକଙ୍କ ଭିଡ ଜମିବାକୁ ଲାଗିଲା l ପ୍ରେରଣା ଖବର କାଗଜ ରେ ମଧ୍ୟ ଏ ସମ୍ପର୍କରେ ସବିଶେଷ ରିପୋର୍ଟ ପ୍ରକାଶ ପାଇଛି ନ, ଗତ କାଲି ସ୍ଥାନୀୟ ବିଧାୟକ ଡ଼. ମୁକେଶ ମହାଲିଙ୍ଗ ଏହି ସ୍ଥାନକୁ ଆସି  ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଓ ବଡ଼ କଥା ହେଲା  ଏ ସ୍ଥାନର ସର୍ବେକ୍ଷଣ ପାଇଁ  ଡ଼. ମହାଲିଙ୍ଗ ପ୍ରଥମ ବ୍ୟକ୍ତି ଭବରେ ଭୁବନେଶ୍ୱର ପ୍ରତ୍ନତତ୍ୱ ବିଭାଗକୁ ଚିଠି ମଧ୍ୟ କରିଛନ୍ତି l ଏହି କ୍ରମରେ ଆଜି ବଲାଙ୍ଗୀର ଏମପିଙ୍କ ଲୋଇସିଂହା ପ୍ରତିନିଧି ବାଳକୃଷ୍ଣ ଧାରୁଆ ବିଜେପି କର୍ମୀଙ୍କ ସହ ନିରୀକ୍ଷଣ ପାଇଁ  ଏହି ସ୍ଥାନକୁ ବୁଲିଆସିଲେ  l ଏହି ବିଭିନ୍ନ ପ୍ରଥର  ଓ  ଏହାର ବିବିଧ  ତଥ୍ୟ ଉପରେ ଲୋକଙ୍କ ସହ ଆଲୋଚନା  କରିଥିଲେ l ଏହି ପଥରଖଣ୍ଡ ବାବଦରେ ବୁଝିବାରୁ ଏହା କୌଣସି ଐତିହାସିକ କିମ୍ବଦନ୍ତୀ ହୋଇଥାଇପାରେ ଏଥିଲାଗି ଉଚସ୍ତରୀୟ ସର୍ବେକ୍ଷଣ ଜରୁରୀ ବୋଲି ଲୋକେ ଜୋର୍ଆ  ଦେଇଥିଲେ l ଉପରକୁ ଚିଠି ହୋଇଛି ବିଭାଗରୁ ଚିଠି ଆସିଲେ ଏହି ସବୁ ବିଷୟରେ ଜାଣିବା ସହ ଆଉ ନୁଆ ତଥ୍ୟ କିଛି ଜଣାପଡିବ ବୋଲି ବି ଜେ ପି କର୍ମୀ ମାନେ କହିଛନ୍ତି l ବିଜେପି କର୍ମୀ ରଶ୍ମିନ ରଞ୍ଜନ ପଧାନ, ବହାଦୂର ନନ୍ଦ, ସୋମନାଥ ପଧାନ, ଗୌତମ କୁଅଁର, ବୁଦ୍ଧଦେବ ମୁଦୁଲି, ଶ୍ରୀକାନ୍ତ ପଧାନ, ଜ୍ୟୋତି ବିଶ୍ୱାଳ ଓ ବିଜେପି କାର୍ଯ୍ୟକର୍ତା ମାନେ ଏହି ସ୍ଥାନ ପରିଦର୍ଶନ କରି ଏହାର ସର୍ବେକ୍ଷଣ ପାଇଁ ସରକାରଙ୍କ ଉପରେ ଚାପ ପକାଇବେ ବୋଲି କହିଥିଲେ l