11-Nov-2020

ବରଗଡ -(ମୁକୁନ୍ଦ ଦାଶ) - ବରଗଡ଼ ଜିଲ୍ଲା ଭେଡେନ ବ୍ଲକ ଅନ୍ତର୍ଗତ ଗୁରୁପାଲି ଗ୍ରାମରେ ଆଜି ଦେଖିବାକୁ ମିଳିଛି ଏପରି ଏକ ଅଭାବନୀୟ ଘଟଣା । ଜୀବିତ ଅବସ୍ଥାରେ କଲବଳ ହେଉଥିବା ଜଣେ ମହିଳାଙ୍କ ମୃତ୍ୟୁପରେ ଶବ ସତ୍କାର କରିବା ପାଇଁ ଖବର ପାଇବା ପରେ ମଧ୍ୟ ପରିବାରଲୋକେ ଆସିବାକୁ କୁଣ୍ଠା ପ୍ରକାଶ କରିଥିବାବେଳେ ଶବ ସତ୍କାର କରିବା ପାଇଁ ଆଗେଇ ଆସିଥିଲେ ସ୍ବେଛାସେବୀ । ପରିବାର ଲୋକଙ୍କ ଅବହେଳା ଯୋଗୁଁ ଜଣେ ଜୀବିତ ମହିଳାଙ୍କୁ ପୋକ ଓ ପିମ୍ପୁଡି ଖାଉଥିବା ଅବସ୍ଥାରେ ଏକ ବନ୍ଦ କୋଠରୀ ମଧ୍ୟରୁ ଗତ ୭/୧୧ ଶନିବାର ଦିନ ସଂକଲ୍ପ ପରିବାର ସାହାଯ୍ୟରେ ଉଦ୍ଧାର କରି ଚିକତ୍ସା କରିବାପାଇଁ ବୁର୍ଲା ବଡ଼ମେଡିକାଲକୁ ନିଆଯାଇଥିବା ବେଳେ ସୋମବାର ଚିକିତ୍ସିତ ଅବସ୍ଥାରେ ବୁର୍ଲା ଠାରେ ତାଙ୍କର ପରଲୋକ ହୋଇଥିଲା । ପରିବାର ଲୋକଙ୍କୁ ଶବ ସତ୍କାର ପାଇଁ ଖବର ଦିଆଯାଇଥିଲା କିନ୍ତୁ ପରିବାର ଲୋକେ ରୋକ ଠୋକ ଭାବରେ ମନା କରିଥିବାରୁ ଆଜି ସମ୍ବଲପୁର ରାଜଘାଟରେ ସମ୍ବଳର ରାମଦାଶ ପଣ୍ଡା,ପରିଚୟର ବିପିନ ବିହାରୀ ପଣ୍ଡା ଓ ସଂକଲ୍ପ ପରିବାରର ସଦସ୍ୟଙ୍କ ସାହାଯ୍ୟରେ ଶବ ସତ୍କାର କରାଯାଇଥିଲା ।