11-Apr-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା): କଳାହାଣ୍ଡି ଜିଲ୍ଲା କୋକସରା ବ୍ଲକ ଫୁପ୍ ଗାଁ ଗ୍ରାମପଞ୍ଚାୟତ ମଜୁରସାହି ଗ୍ରାମର ଦିବ୍ୟାଙ୍ଗ ମଙ୍ଗଳ ଦୀପ (୫୫),  ପତ୍ନୀ ସତ୍ୟବତି ଦୀପ (୫୦) ତାଙ୍କ ଚାରିଝିଅ ଗୋଟିଏ  ପୁଅ l ପରିବାର ମଧ୍ୟରେ ସେ ହିଁ ଜଣେ ରୋଜଗାରକ୍ଷମ  ବ୍ୟକ୍ତି ଥିଲେ। ଦୁର୍ଭାଗ୍ୟବଶତଃ, ଦୁର୍ଘଟଣାଗ୍ରସ୍ତ ହୋଇ ଡାହାଣ ଗୋଡ଼ର ଜଘଂ ଭାଗ ଭାଙ୍ଗିଜିବାରୁ  ବର୍ତମାନ ତିନିବର୍ଷ ହେଲା ଦିବ୍ୟାଙ୍ଗ ହୋଇ ଘରେ ବସି ଦିନ ବିତାଉଛନ୍ତି ମଙ୍ଗଳ ଦୀପ । ଏହି ଖବର ଆମ  ନିଉଜ୍  ପୋର୍ଟାଲରେ ପ୍ରସାରିତ ହେବା ଫଳରେ ସ୍ଥାନୀୟ ବିଡ଼ିଓ ମନୀଷା ଦାସ ତୁରନ୍ତ ପଦକ୍ଷେପ ନେଇଥିଲେ ।

ଖବର ପ୍ରସାରଣର ୭୨ ଘଣ୍ଟା ମଧ୍ୟରେ ଦିବ୍ୟାଙ୍ଗ ମଙ୍ଗଳ ଦୀପ ଙ୍କ ନାଁ ରେ ଭିନ୍ନକ୍ଷମ ସାର୍ଟିଫିକେଟ୍  (ଡିଜ୍ ଏବୁଲ୍ ଆଇଡ଼ି କାର୍ଡ଼) କରି, ମଧୁବାବୁ ପେନସନ୍ ଯୋଜନା ରେ ଭିନ୍ନକ୍ଷମ ଭତ୍ତା ମଞ୍ଜୁର କରି ପାଞ୍ଚଶହ ଟଙ୍କା ସହିତ ନିତ୍ୟ ଚଲାବୁଲା କରିବା ପାଇଁ   ହୁଇଳ୍  ଚ୍ୟାର୍ ପ୍ରଦାନ କରିବା ପାଇଁ କୋକସରା ବ୍ଲକ ସାମାଜିକ ସୁରକ୍ଷା ଅଧିକାରୀ ଦୀପକ କୁମାର ବେହେରା ମଙ୍ଗଳ ଦୀପଙ୍କ ଘରକୁ ଯାଇ ନିଜ କରକମଳରେ ମଙ୍ଗଳ ଦୀପ ଙ୍କୁ ଅର୍ପିତ କରିଥିଲେ। ଏଠାରେ ପଞ୍ଚାୟତ ନିର୍ବାହୀ ଅଧିକାରୀ ଓ ଆଶା କର୍ମୀ ଭେଜମତୀ ସବର ଉପସ୍ଥିତି ଥିଲେ l