10-Apr-2021

ଭୁବନେଶ୍ୱର,(ଶୁଭାଶିଷ ନାୟକ):ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ବରିଷ୍ଠ କିରାଣୀ ଦିଲୀପ କୁମାର ଜେନା ଗିରଫ ହୋଇଛନ୍ତି । ତାଙ୍କ ଘରୁ 3 କୋଟିରୁ ଅଧିକ ଟଙ୍କାର ଆୟ ବର୍ହିଭୁତ ସମ୍ପତ୍ତି ଠାବ ହୋଇଛି ।

କଟକ କେନ୍ଦୁଲିଫ୍ ଚିଫ୍ କଞ୍ଜରଭେଟର ଅଫ୍ ଫରେଷ୍ଟ ଅଫିସରେ ଦିଲୀପ୍ କୁମାର ଜେନା କାର୍ଯ୍ୟ କରନ୍ତି । ତାଙ୍କର ମୋଟ 3 କୋଟିରୁ ଉର୍ଦ୍ଧ୍ୱ ଟଙ୍କାର ଆୟ ବର୍ହିଭୁତ ସମ୍ପତ୍ତି ଠାବ କରିଛି ଭିଜିଲାନ୍ସ । ଆୟ ବହିର୍ଭୁତ ସମ୍ପତ୍ତି ଆୟ ଠାରୁ 252 ପ୍ରତିଶତ ଅଧିକ ଥିବା ଠାବ କରିଥିଲା ଭିଜିଲାନ୍ସ ।

ଜାଗମରା ମଲ୍ଲିକ କମ୍ପ୍ଲେକ୍ସରେ ଥିବା 4 ମହଲା କୋଠାର ମୂଲ୍ୟ 1କୋଟି 8 ଲକ୍ଷ ଟଙ୍କା ହେବ । ଗାଡି ମୋଟର, ସୁନା ଗହଣା, ଟଙ୍କା ଇତ୍ୟାଦି 2କୋଟିରୁ ଉର୍ଦ୍ଧ୍ୱ ଟଙ୍କା ହେବ ବୋଲି ସୂଚନା ମିଳିଛି ।

ଗତକାଲି ବରିଷ୍ଠ କିରାଣୀ ଦିଲୀପ କୁମାର ଜେନାଙ୍କ ବାସଭବନରେ ଭିଜିଲାନ୍ସ ରେଡ କରିଥିଲା । ଏକକାଳୀନ 4ଟି ସ୍ଥାନରେ ଚଢାଉ କରିଥିଲା ଭିଜିଲାନ୍ସ । ତାଙ୍କର ଭୁବନେଶ୍ୱର, ଢେଙ୍କାନାଳସ୍ଥିତ ଘରେ ଓ କଟକ ଅଫିସ୍‌ରେ ରେଡ଼୍ କରିଥିଲା ଭିଜିଲାନ୍ସର ସ୍ପେଶାଲ ଟିମ୍ ।