05-Aug-2026

ବିନିକା(ହିମାଂଶୁ ଶେଖର ପୁଟେଲ)କଂଗ୍ରେସ ଦଳକୁ ତୃଣମୂଳ ସ୍ତରରେ ସୁଦୃଢ଼ କରିବା ଉଦ୍ଦେଶ୍ୟରେ ବିନିକା ବ୍ଲକ ଓ ନଗର କଂଗ୍ରେସ ପକ୍ଷରୁ  ସାଙ୍ଗଠନିକ ବୈଠକ ମଙ୍ଗଳବାର ଅନୁଷ୍ଠିତ ହୋଇଯାଇଛି।ବୈଠକରେ ଦଳର ବରିଷ୍ଠ କଂଗ୍ରେସ ମିଡିୟା ସେଲ ରାଜ୍ୟ ସଭାପତି ଅରବିନ୍ଦ ଦାଶ ଉପସ୍ଥିତ ରହି ବିଜେପି ସରକାର ଆସିବା ପରେ ଦେଶରେ ଅତ୍ୟାବଶ୍ୟକୀୟ ସାମଗ୍ରୀର ଦରଦାମ ବୃଦ୍ଧି, ପେଟ୍ରୋଲ ଦରବୃଦ୍ଧି ଓ E20 ପେଟ୍ରୋଲ ଆଦିକୁ ବହିଷ୍କାର କରିବା ଦରକାର ବୋଲି କହିଥିଲେ ।ଦେଶରେ ଆଗାମୀ ଦିନରେ କଂଗ୍ରେସର ଦଳୀୟ କାର୍ଯ୍ୟକ୍ରମକୁ କିପରି ତ୍ୱରାନ୍ୱିତ କରାଯିବ ସେ ନେଇ ଆଲୋଚନା କରିଥିଲେ।ସାମ୍ମନ୍ୱିତ ଅତିଥି ଭାବରେ ପୂର୍ବତନ କଂଗ୍ରେସ ବିଧାୟକ ତଥା ଜିଲ୍ଲା କଂଗ୍ରେସ ସଭାପତି ବିନୋଦ ପାତ୍ର,ସନ୍ତୋଷ ପଣ୍ଡା,ଜିଲ୍ଲା କଂଗ୍ରେସ ସଭାପତି ସଂଗ୍ରାମ କେଶରୀ ନାୟକ, ନରେନ୍ଦ୍ର ସାହୁ,ବ୍ଲକ ସଭାପତି ରାଧାମୋହନ ଭୂଏ,ପ୍ରଦୀପ ସେଠି,ନଗର ସଭାପତି ଅଜିତ ଦାଶ,ଯୋଗଦେଇ ବୁଥ୍ ସ୍ତରରେ କର୍ମୀମାନଙ୍କୁ ସକ୍ରିୟ କରିବା, ନୂଆ ସଦସ୍ୟ ସଂଗ୍ରହ ଏବଂ ଜନସାଧାରଣଙ୍କ ସମସ୍ୟାକୁ ନେଇ ଆନ୍ଦୋଳନ କରିବା ଉପରେ ଗୁରୁତ୍ୱ ଦିଆଯାଇଥିଲା।ସେହିପରି ଦେଶ ଓ ରାଜ୍ୟରେ ଶାସନଧିନ ସରକାରଙ୍କ ବିଫଳତାକୁ ଲୋକଙ୍କ ପାଖରେ ପହଞ୍ଚାଇବା ସହ କଂଗ୍ରେସର ନୀତି ଓ ଆଦର୍ଶକୁ ଘରେ ଘରେ ପହଞ୍ଚାଇବାକୁ ପଡିବ ବୋଲି ବକ୍ତାମାନେ ମତବ୍ୟକ୍ତ କରିଥିଲେ। ଆଗାମୀ ନିର୍ବାଚନକୁ ଦୃଷ୍ଟିରେ ରଖି ସଂଗଠନକୁ ମଜବୁତ କରିବା ପାଇଁ ପ୍ରତି ପଞ୍ଚାୟତରେ ବୈଠକ କରିବାକୁ ମଧ୍ୟ ନିଷ୍ପତ୍ତି ନିଆଯାଇଥିଲା 
ଉକ୍ତ ବୈଠକରେ ବ୍ଲକ ଓ ନଗର କଂଗ୍ରେସର ସମସ୍ତ ପଦାଧିକାରୀ, ବରିଷ୍ଠ କର୍ମୀ ଓ ଅନେକ କାର୍ଯ୍ୟକର୍ତା ଉପସ୍ଥିତ ଥିଲେ।