05-Aug-2026

ସମ୍ବଲପୁର : (ସଂଜୀବ ପାଣିଗ୍ରାହୀ )

ଯାତ୍ରୀମାନଙ୍କ ଗମନାଗମନ ସୁବିଧାକୁ ଦୃଷ୍ଟିରେ ରଖି ଓଡ଼ିଶା ରାଜ୍ୟ ସଡ଼କ ପରିବହନ ନିଗମ (OSRTC) ସମ୍ବଲପୁର ଡିଭିଜନ ପକ୍ଷରୁ ସମ୍ବଲପୁର ଏବଂ ବିଶାଖାପାଟଣା ମଧ୍ୟରେ ଏକ ନୂତନ ଦୈନିକ ସିଧାସଳଖ ବସ୍ ସେବା ଆରମ୍ଭ କରାଯାଇଛି। ଆନ୍ତଃରାଜ୍ୟ ଯୋଗାଯୋଗ ବ୍ୟବସ୍ଥାକୁ ଅଧିକ ସୁଦୃଢ଼ କରିବା ସହିତ ଯାତ୍ରୀମାନଙ୍କୁ ସୁରକ୍ଷିତ, ଆରାମଦାୟକ ପରିବହନ ସେବା ଯୋଗାଇଦେବା ଏହି ନୂତନ ପଦକ୍ଷେପର ମୂଳ ଲକ୍ଷ୍ୟ ଅଟେ।

ଏହି ଦୈନିକ ସେବା ପ୍ରତିଦିନ ଭବାନୀପାଟଣା ଏବଂ ପାର୍ବତୀପୁରମ୍ ଦେଇ ଯାତାୟାତ କରିବ।ଏହି ବସ୍ ସମ୍ବଲପୁରରୁ ସନ୍ଧ୍ୟା ୭:୦୦ ଘଟିକା (୧୯:୦୦) ପ୍ରସ୍ଥାନ କରି ବିଶାଖାପାଟଣା ରେ ସକାଳ ୬:୨୫ ଘଟିକା ରେ ପହଞ୍ଚିବ।ଏହି ବସ୍ ବରଗଡ଼ (୨୦:୪), ବରପାଲି (୨୦:୨୧), ବଲାଙ୍ଗୀର (୨୨:୧୩), କେସିଙ୍ଗା (୨୩:୦୭), ଭବାନୀପାଟଣା (୨୩:୫୯), ଅମ୍ବାଦୋଳା (୧୨:୪୩), ମୁନିଗୁଡ଼ା (୦୧:୧୮), ରାୟଗଡ଼ା (୦୨:୩୩), ପାର୍ବତୀପୁରମ୍ (୦୩:୩୧) ଏବଂ ବିଜୟନଗରମ୍ (୦୫:୨୩) ଦେଇ ଯାତ୍ରା କରିବ।

ଏହି ବସ୍ ବିଶାଖାପାଟଣା ରୁ ସନ୍ଧ୍ୟା ୭:୦୫ ଘଟିକା (୧୯:୦୫) ପ୍ରସ୍ଥାନ କରି ସମ୍ବଲପୁର ରେ ସକାଳ ୬:୨୫ ଘଟିକା ରେ ପହଞ୍ଚିବ।ଏହି ବସ୍ ବିଜୟନଗରମ୍ (୨୦:୩୨), ପାର୍ବତୀପୁରମ୍ (୨୧:୫୯), ରାୟଗଡ଼ା (୨୩:୦୧), ମୁନିଗୁଡ଼ା (୧୨:୦୧୨), ଅମ୍ବାଦୋଳା (୧୨:୪୫), ଭବାନୀପାଟଣା (୦୧:୪୬), କେସିଙ୍ଗା (୦୨:୨୨), ବଲାଙ୍ଗୀର (୦୪:୨୫), ବରପାଲି (୦୫:୧୦) ଏବଂ ବରଗଡ଼ (୦୫:୪୧) ଦେଇ ଯାତ୍ରା କରିବ।

ଏହି ସୁବିଧା ଦ୍ୱାରା ଦୁଇ ସହର ମଧ୍ୟରେ ଯାତ୍ରା କରୁଥିବା ବ୍ୟବସାୟୀ, ଛାତ୍ରଛାତ୍ରୀ ତଥା ସାଧାରଣ ଯାତ୍ରୀମାନେ ବିଶେଷ ଭାବେ ଉପକୃତ ହୋଇପାରିବେ। ଟିକେଟ୍ ବୁକିଂ ଏବଂ ଅଧିକ ସୂଚନା ପାଇଁ ଯାତ୍ରୀମାନେ OSRTC ର ୱେବସାଇଟ୍ କିମ୍ବା ଆଧିକାରିକ ମୋବାଇଲ୍ ଆପ୍ ବ୍ୟବହାର କରିପାରିବେ କିମ୍ବା ନିକଟସ୍ଥ ବସ୍ ଷ୍ଟାଣ୍ଡରେ ଯୋଗାଯୋଗ କରିପାରିବେ।

ସର୍ବସାଧାରଣଙ୍କ ଅବଗତି ନିମନ୍ତେ ଏହି ସୂଚନା ପ୍ରଦାନ କରାଗଲା। ସମସ୍ତେ ଏହି ନୂତନ ସେବାର ସୁଯୋଗ ନେବାକୁ ଓଏସଆରଟିସି (OSRTC) ପକ୍ଷରୁ ନିବେଦନ କରାଯାଇଛି।