31-Jul-2026

ଲୋଇସିଂହା, (ବିନୋଦ ଦୀପ) ଦୁଇଦିନ ଧରି ଲଗାଣ ବର୍ଷା ଯୋଗୁଁ ବଲାଙ୍ଗୀର ଜିଲ୍ଲା ଲୋଇସିଂହା ଏନଏସି ଅଞ୍ଚଳରେ ବହୁମାତ୍ରାରେ କ୍ଷୟକ୍ଷତି ହୋଇଥିଲା l ଲୋଇସିଂହା ସ୍ଥିତ ତିଅରପଡା ରେ ବିଭିନ୍ନ ଘରକୁ ପାଣି ପଶିଯାଇଥିଲା l ଫଳରେ ଲୋକ ଙ୍କୁ ବହୁ ଅସୁବିଧା ର ସମ୍ମୁଖୀନ ହୋଇଥିଲେ l ସେମେଲାମୁଣ୍ଡା ରେ କୁଶୁଙ୍ଗେଇ ନାଳ ର ପାଣି ପଶିଯିବାରୁ ଲୋକେ ଜଳବନ୍ଦୀ ଅବସ୍ଥାରେ ରହିଥିଲେ l କ୍ଷତିଗ୍ରସ୍ତ ଅଞ୍ଚଳର ସ୍ଥିତି ଯାଞ୍ଚ କରିବା ପାଇଁ ଆଜି ସେଠାରେ ପହଞ୍ଚିଥିଲେ ଲୋଇସିଂହା ବିଧାୟକ ତଥା ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡ଼. ମୁକେଶ ମହାଲିଙ୍ଗ l ସ୍ୱାସ୍ଥ୍ୟମନ୍ତ୍ରୀ ବନ୍ୟାରେ ପ୍ରଭାବିତ ହୋଇଥିବା ଲୋଇସିଂହା ର ତିଅରପଡା ଓ ସେମେଲାମୁଣ୍ଡା ର ବିଭିନ୍ନ ଘର, ଅସ୍ଥାୟୀ ଆଶ୍ରୟସ୍ଥଳୀ ଓ ମେଡିକାଲ୍ କ୍ୟାମ୍ପ ପରିଦର୍ଶନ କରିଥିଲେ l ସେ ସ୍ଥାନୀୟ ଲୋକଙ୍କ ସହ କଥା ହୋଇ ସେମାନଙ୍କ ସମସ୍ୟା ଶୁଣିଥିଲେ। ପାନୀୟ ଜଳଯୋଗାଣ, ସ୍ୱାସ୍ଥ୍ୟସେବା ଏବଂ ସଂକ୍ରାମକ ରୋଗ ନିୟନ୍ତ୍ରଣ ଉପରେ ସେ ଗୁରୁତ୍ୱ ଦେଇଥିଲେ l ପ୍ରଶାସନକୁ ତୁରନ୍ତ ଅଧିକ ମେଡିକାଲ୍ ଟିମ୍, ଔଷଧ ଓ ସ୍ୱାସ୍ଥ୍ୟସେବା ଯୋଗାଇଦେବା ଏବଂ ଲଗାଣ ବର୍ଷା ରେ କ୍ଷତିଗ୍ରସ୍ତ ପରିବାର କୁ ସର୍ଭେ କରି ପଲିଥିନ ଯୋଗାଇଦେବା ପାଇଁ ତହସିଲଦାର ଙ୍କୁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ l ମନ୍ତ୍ରୀ ଙ୍କ ଏହି ଗ୍ରସ୍ତ ସମୟରେ ପି.ଡି ଡ଼ିଆରଡିଏ ତରଣୀ ସୁନା, ବିଡ଼ିଓ ଅକ୍ଷୟପାଣି ଉଡ୍ଡୁ, ମେଡିକାଲ ଅଫିସର ଶେଖର ପଧାନ,ଏଇ ସିଦ୍ଧାର୍ଥ ପାଢ଼ୀ,ମନ୍ତ୍ରୀ ଙ୍କ ପ୍ରତିନିଧି ଗୌରାଙ୍ଗ ନାଏକ,ଭୁତନାଥ ନାଏକ,ସରୋଜ ସାହୁ,ରଂଜିତ ରାଏ, ପ୍ରଶାନ୍ତ ସାହୁ,ଶଶୀ ଶର୍ମା, ରାମ ସାହୁ, ତୁଲାରାମ ସାହୁ ପ୍ରମୁଖ ଉପସ୍ଥିତ ଥିଲେ l