03-Jul-2026

ବରପାଲି - (ସୁଦାମ ଦୀପ)କମଗାଁ ମହାବିଦ୍ୟାଳୟ, ବରଗଡ ଜିଲ୍ଲାର ଏକ ପ୍ରମୁଖ ଶିକ୍ଷାନୁଷ୍ଠାନ  ଏହି ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ପ୍ରେମାନନ୍ଦ ପଟେଲ, ଆଜି ତାଙ୍କର ସେବାରୁ ନିବୃତ୍ତ ହୋଇଛନ୍ତି ସେ 1992 ମସିହାରୁ 2026 ମସିହା ପର୍ଯ୍ୟନ୍ତ ଅର୍ଥାତ 34 ବର୍ଷରୁ ଉର୍ଦ୍ଧ୍ୱ କାଳ ଶିକ୍ଷାନୁଷ୍ଠାନ ପ୍ରତି ସେବା ପ୍ରଦାନ କରି ଆଜି ତାଙ୍କର ଚାକିରୀ ଜୀବନରୁ ଅବସର ଗ୍ରହଣ କରିଛନ୍ତି ସେ ଜଣେ ଛାତ୍ର ବତ୍ସଳ ଶିକ୍ଷକ ଥିଲେ କମଗାଁ ମହାବିଦ୍ୟାଳୟକୁ ତଥା ଛାତ୍ର ଛାତ୍ରୀ ମାନଙ୍କୁ ଶୃଙ୍ଖଳିତ କରିବାରେ ତାଙ୍କର ଭୂମିକା ଗୁରୁତ୍ୱ ପୂର୍ଣ୍ଣ  ସେ ନିଷ୍ଠାର ସହିତ ନିଜ ଚାକିରୀ ଜୀବନକୁ ଉପଭୋଗ କରିଥିଲେ ପ୍ରତ୍ୟେକ କାମରେ କଲେଜର କର୍ମଚାରୀ ମାନେ ତାଙ୍କୁ ସହାୟତା ପ୍ରଦାନ କରୁଥିଲେ. କଲେଜରେ ଠିକ ସମୟରେ ଶିକ୍ଷାଦାନ ହେଉ, ଅଧ୍ୟାପକ ଅଧ୍ୟାପିକା ମାନେ ସମୟାନୁବର୍ତ୍ତୀ ହୋଇ ଶ୍ରେଣୀ ଗୃହରେ ଶିକ୍ଷା ଦାନ କରନ୍ତୁ, ଏହା ତାଙ୍କର ଲକ୍ଷ୍ୟ ଥିଲା ସେ ଛାତ୍ର ଛାତ୍ରୀଙ୍କ ସହିତ ଦିନେ ଦେଖା ନ ହେଲେ, କି ଶିକ୍ଷାଦାନ ନ କଲେ ତାଙ୍କୁ ସେ ଦିନଟି ଭଲ ଲାଗୁ ନ ଥିଲା ଏପରିକି ଅବସର ଗ୍ରହଣ କରିବା ଦିନ ମଧ୍ୟ କଲେଜରେ ଶିକ୍ଷାଦାନ କରିଥିଲେ  ସେ କଲେଜ ମଧ୍ୟରେ ଏକ ଶୃଙ୍ଖଲିତ ପରିବେଶ ସୃଷ୍ଟି କରିଥିଲେ.. ଏହା ପରେ ତାଙ୍କ ପାଇଁ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା ସଭାରେ ସଭାପତିତ୍ବ କରିଥିଲେ, ପ୍ରାଧ୍ୟାପକ ହରେକୃଷ୍ଣ ଦେବତା. ମୁଖ୍ୟ ଅତିଥି ଭାବରେ ଯୋଗଦାନ କରିଥିଲେ ଗଙ୍ଗାଧର ମେହେର ବିଶ୍ୱ ବିଦ୍ୟାଳୟର ପ୍ରାକ୍ତନ ଉପାଧ୍ୟକ୍ଷ ଡ଼ କାମଦେବ ସାହୁ,  ଏସ ବି ଟ୍ରଷ୍ଟର ଟ୍ରଷ୍ଟି ଶ୍ରୀଯୁକ୍ତ ରଂଜିତ ସାହୁ,ମହାବିଦ୍ୟାଳୟର ପୂର୍ବତନ ସଭାପତି ଶ୍ରୀଯୁକ୍ତ ପ୍ରବୋଧ ପ୍ରଧାନ,ପଂଚାୟତ ମହାବିଦ୍ୟାଳୟ, ବରଗଡର ପ୍ରାକ୍ତନ ଅଧ୍ୟକ୍ଷ ଶ୍ରୀଯୁକ୍ତ ପତିତପାବନ ସାହୁ, ପାର୍ବତୀ ଗିରି ମହିଳା ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ଶ୍ରୀଯୁକ୍ତ ଦଧିବାମନ ଦାଶ, ଗଣଦୃଷ୍ଟିର ଜିଲ୍ଲା କରିସ୍ପଣ୍ଡେଟ ଶ୍ରୀଯୁକ୍ତ ଉମେଶ ବିଶ୍ୱାଳ, ପୂର୍ବତନ ବାୟୁସେନା ପାଇଲଟ ଶ୍ରୀଯୁକ୍ତ ସରୋଜ ଦେବତା, ଓ ପ୍ରାଧ୍ୟାପକ ରବିନାରାୟଣ ସାହୁ, +3 ଅଧ୍ୟକ୍ଷ ଡ଼ ରତିକାନ୍ତ ସାହୁ .ଏହି ସଭାରେ ମହାବିଦ୍ୟାଳୟର ପ୍ରଥମ ବ୍ୟାଚର ଛାତ୍ର ଛାତ୍ରୀଙ୍କ ସହିତ ଅନ୍ୟାନ୍ୟ ପୁରାତନ ଛାତ୍ର ଛାତ୍ରୀଙ୍କ ସହିତ ପରିଚାଳନା ସମିତି, ଉପଦେଷ୍ଟା ମଣ୍ଡଳୀର ସଭ୍ୟ ସଭ୍ୟା ଅଂଶ ଗ୍ରହଣ କରିଥିଲେ ଛାତ୍ର ଛାତ୍ରୀ ତଥା ସମସ୍ତ ଅଧ୍ୟାପକ, ଅଧ୍ୟାପିକା ଅଧ୍ୟକ୍ଷ ପଟେଲଙ୍କ ସହିତ ବିତି ଥିବା ସମୟକୁ ସ୍ମୃତିଚାରଣ କରିଥିଲେ ଅଧ୍ୟକ୍ଷ ଶ୍ରୀଯୁକ୍ତ ପ୍ରେମାନନ୍ଦ ପଟେଲଙ୍କ ବିଦାୟ ଏକ ଶୋକାକୁଳ ପରିବେଶ ସୃଷ୍ଟି କରିଥିଲା  ଅଧ୍ୟକ୍ଷ ପଟେଲ ମହାବିଦ୍ୟାଳୟର ଚିରା ଚରିତ ପ୍ରଥାକୁ ବଜାୟ ରଖିବା ପାଇଁ ଛାତ୍ର ଛାତ୍ରୀ, ଅଧ୍ୟାପକ ଅଧ୍ୟାପିକାଙ୍କୁ ତାଙ୍କର ବାର୍ତ୍ତା ମାଧ୍ୟମରେ ଉପଦେଶ ପ୍ରଦାନ କରିଥିଲେ ତାଙ୍କର ମତରେ ତାଙ୍କ ପ୍ରତି କମଗାଁ ମହାବିଦ୍ୟାଳୟର ବହୁତ ଅବଦାନ ଅଛି କିନ୍ତୁ ତାଙ୍କର ଅବଦାନ ମହାବିଦ୍ୟାଳୟ ପ୍ରତି ନୁହେଁ ସେ ଯାହା ବି କରିଛନ୍ତି, ସେଇଟା କଲେଜ ତଥା ଛାତ୍ର ଛାତ୍ରୀଙ୍କ ପ୍ରତି ତାଙ୍କର ଦାୟିତ୍ୱ ଥିଲା ବୋଲି ସଭାରେ ପ୍ରକାଶ କରିଥିଲେ. ସେ ଜଣେ ଜାତୀୟ ସ୍ତରର ଫୁଟବଲ ଖେଳାଳୀ ଥିଲେ ଫୁଟବଲ ଖେଳର ଖେଳୁଆଡ଼ ମନୋଭାବକୁ ମହାବିଦ୍ୟାଳୟର କର୍ମଚାରୀ ଓ ଛାତ୍ର ଛାତ୍ରୀଙ୍କ  ସହିତ ବାଣ୍ଟି ପ୍ରତ୍ୟେକ କ୍ଷେତ୍ରରେ ସଫଳତା ପାଇଥିଲେ ପ୍ରକୃତରେ ଏହା ହିଁ ଥିଲା ତାଙ୍କ ସଫଳତା ଚାବିକାଠି ଶେଷରେ ଅଧ୍ୟାପିକା ଡ଼ ଦୀପିକା କୁମାରୀ ଧନ୍ୟବାଦ ପ୍ରଦାନ କରିଥିଲେ l