01-Jun-2026

କଟକ (ତପନ ମହାନ୍ତି ସ୍ପେଶାଲ ରିପୋଟର): ନୂଆବଜାରସ୍ଥିତ ଲେପରସ ହସ୍ପିଟାଲରେ   ରୋଗୀଙ୍କ ସମସ୍ୟା  ବୁଝିଲେ ସୋଫିଆ ଫିଦୋଷ । ଲେପରସ ହସ୍ପିଟାଲରରେ ବିଗତ ଦିନରେ ହେଉଥିବା ବିଭିନ୍ନ ସମସ୍ୟା ବିଷୟରେ ଶୁଣିସାରିବା ପରେ ହଠାତ ରବିବାର ଦିନ ଚିକିତ୍ସାଳୟର ଜଗନ୍ନାଥ ମନ୍ଦିର ପରିସରରେ ଏକ ବୈଠକ କରି ରୋଗୀଙ୍କ ସହିତ ଆଲୋଚନା କରିଥିଲେ ବିଧାୟିକା ସୋପିଆ ଫିଦୋଷ |ରୋଗୀଙ୍କୁ ଠିକ୍ ସମୟରେ ଖାଦ୍ୟ ଦିଆଯାଉନାହିଁ, ରହୁଥ‌ିବା ଘର ଭାଙ୍ଗିରୁଜି ଗଲାଣି, ଛାତରୁ ପାଣି ଗଳୁଛି  ମାସକୁ ମିଳିଥିବା ସାବୁନ ତେଲ ମିଳୁନାହିଁ, ରୋଗୀମାନଙ୍କ ହାତଗୋଡ଼ କାମ କରୁନାହିଁ କିନ୍ତୁ ସେମାନଙ୍କୁ ୮୦ ପ୍ରତିଶତ ସ୍ଥାନରେ ୬୦ ପ୍ରତିଶତ ବିକଳାଙ୍ଗ ସାର୍ଟିପିକେଟ ମିଳିଛି ବୋଲି ଅନେକ ବିଧାୟିକା ସୋଫିଆଙ୍କୁ ଜଣକ ପରେ ଜଣେ ଅଭିଯୋଗ କରିଥିଲେ ।ଜେଲରେ ଯିଏ ରହୁଛି ଠିକ ସମୟରେ ଖାଦ୍ୟ ମିଳୁଛି । ମାତ୍ର ଆମେ କାମଧନ୍ଦା କରିବାକୁ ଅକ୍ଷମ ଥିବା ବୁଢ଼ାବୁଢିଙ୍କୁ  ଠିକ୍ ସମୟରେ ସୁଷମ ଖଦ୍ୟ ମିଳୁନାହିଁ ବୋଲି ରୋଗୀ ମାଗୁଣି ଜେନା କାନ୍ଦିକାନ୍ଦି କହିଥିଲେ।ସବୁ ଅଭିଯୋଗ ଶୁଣିବା ପରେ ଏଣିକି ଏ ସମସ୍ୟା ଆଉ ରହିବନାହିଁ । ମୁଁ ନିଜେ ଏ ବିଷୟରେ ସରକାର ତଥା ବିଭାଗୀୟ ଅଧୁକାରୀଙ୍କ ସହିତ କଥାହୋଇ ପ୍ରତିକାର ବ୍ୟବସ୍ଥା କରିବି ବୋଲି ଆଶ୍ୱାସନା ଦେଇଥିଲେ ବିଧାୟିକା।ପରେ ବିଧାୟିକା ହୋମ୍‌ରେ ରହୁଥ‌ିବା ରୋଗୀମାନଙ୍କ ୱାର୍ଡ ବୁଲି  ଅସୁବିଧା ବିଷୟରେ ପଚାରି ବୁଝିଥିଲେ।ସବୁ ସମସ୍ୟାର ପ୍ରତିକାର ବ୍ୟବସ୍ଥା କରିବାକୁ ଦେଲେ ଆଶ୍ୱାସନାଏହି ସମୟରେ ଖାଦ୍ୟ ଯୋଗାଉଥିବା ସଂସ୍ଥା ଭାତ, ଡାଲି ଓ ସୋୟାବିନ ତରକାରୀ ରୋଗୀଙ୍କୁ ଦେବା ପାଇଁ ଆସି ପହଞ୍ଚିଥିଲା। ପ୍ରତି ରୋଗୀଙ୍କୁ ଦିଆଯାଉଥିବା ଖାଦ୍ୟର ପରିମାଣ କମ୍ ଥିବା ଦେଖୁ ବିଧାୟିକା ଅସନ୍ତୋଷ ପ୍ରକାଶ କରିଥିଲେ। ଶେଷରେ ରୋଗୀଙ୍କ ସମସ୍ତ ସମସ୍ୟା ବିଷୟରେଲିଖିତ ଭାବେ ଜଣାଇବାକୁ ଦୁଇଜଣଙ୍କୁ ଦାୟିତ୍ୱ ଦେଇଥିଲେ। ପରେ ରୋଗୀଙ୍କୁ ପାଣି, ବିସ୍ଫୁଟ ଓ ଥଣ୍ଡା ପାନୀୟ ଯୋଗାଇ ଦେଇଥିଲେ। ବିଧାୟିକାଙ୍କ ସହିତ ଗିରିବାଳା ବେହେରା, ହିମାଂଶୁ ଶେଖର ସାହୁ, ଗୋଲଖ ସାହୁ, ପୂର୍ଣଚନ୍ଦ୍ର ମଲ୍ଲିକ ପ୍ରମୁଖ ଉପସ୍ଥିତ ଥିଲେ। ଗତ ଦୁଇଦିନ ତଳେ ସ୍ବରୂପା ମହାସଂଘ ନିଜର ବକେୟା ଟଙ୍କା ପାଇନଥିବାରୁ ରୋଗୀଙ୍କୁ ଖାଦ୍ୟ ଯୋଗାଣ ବନ୍ଦ କରିଦେବାରୁ ରୋଗୀମାନେ ଓଳିଏ ଉପାସରେ ରହିଥିଲେ। ଅପରାହ୍ନରେ ପୂର୍ବତନ ବିଧାୟକ ପ୍ରଭାତ ରଞ୍ଜନ ବିଶ୍ୱାଳଙ୍କ ହସ୍ତକ୍ଷେପ ପରେ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଦି ସଂସ୍କାର ନାମକ ଏକ ଏନଜିଓ ସଂସ୍ଥା ଏବେ ରୋଗୀଙ୍କୁ ଖାଦ୍ୟ ଯୋଗାଉଛନ୍ତି।