17-May-2026

ଭୁବନେଶ୍ୱର (ପ୍ରେରଣା ଖବର): କେନ୍ଦ୍ର ସାହିତ୍ୟ ଅକାଦେମି ଏବଂ ଓଡିଶା ସାହିତ୍ୟ ଏକାଡେମୀର ମିଳିତ ଆନୁକୂଲ୍ୟରେ ସଂସ୍କୃତି ଭବନ ପ୍ରେକ୍ଷାଳୟରେ ଆଭିଷ୍କାର କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏଥିରେ ସଭାପତିତ୍ୱ କରିଥିଲେ ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗର ସ୍ୱତନ୍ତ୍ର ଶାସନ ସଚିବ ଦେବପ୍ରସାଦ ଦାଶ l କେନ୍ଦ୍ର ସାହିତ୍ୟ ଏକାଡେମୀ କୋଲକାତା କାର୍ଯ୍ୟାଳୟର ସହାୟକ ସମ୍ପାଦକ କ୍ଷେତ୍ରବାସୀ ନାଏକ ସ୍ୱାଗତ ଭାଷଣ ପ୍ରଦାନ କରିଥିବାବେଳେ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ଓଡିଶା ସଂଗୀତ ନାଟକ ଏକାଡେମୀର ସଚିବ ଚନ୍ଦ୍ରଶେଖର ହୋତା l ଏଥିରେ ବିଶିଷ୍ଟ ଓଡିଶୀ ନୃତ୍ୟ ଗୁରୁ ମଞ୍ଜୁଶ୍ରୀ ପଣ୍ଡା ଏବଂ ସାଥି ଓଡ଼ିଆ କବିତାରେ ନବରସ ଶୀର୍ଷକ ନୃତ୍ୟ-ଅଭିନୟ ପରିବେଷଣ କରିଥିଲେ l କବି ସମ୍ରାଟ ଉପେନ୍ଦ୍ର ଭଞ୍ଜ ବିରଚିତ ବିନୟ ପତର ରେ ଥିବା ଶୃଙ୍ଗାର ରସ ଠାରୁ

ଆରମ୍ଭ କରି ଗଙ୍ଗାଧର ମେହେରଙ୍କ ମଙ୍ଗଳେ ଅଇଲା ଉଷା ରେ ଥିବା ଶାନ୍ତ ରସ ଆଦି  ନବରସକୁ ତରୁଣ ଶିଳ୍ପୀମାନେ ନିଖୁଣ ଭାବେ ପରିବେଷଣ କରିଥିଲେ l ଡକ୍ଟର ଗୌରହରି ଦାସ ଆଲେଖ୍ୟ ପ୍ରସ୍ତୁତ କରିଥିବାବେଳେ ମଞ୍ଜୁଶ୍ରୀ ପଣ୍ଡା ନୃତ୍ୟ

ନିର୍ଦେଶନା ଦେଇଥିଲେ l ସଂଗୀତ ସଜେଇଥିଲେ ଗୁରୁ ସୁକାନ୍ତ କୁମାର କୁଣ୍ଡୁ ଏବଂ ଧନେଶ୍ୱର ସ୍ୱାଇଁ l ନୃତ୍ୟଅଭିନୟ କରିଥିଲେ ପ୍ରଜ୍ଞା ପ୍ରିୟଦର୍ଶିନୀ, ସାଇ ସନ୍ତୋଷୀ, ଅଦିତି, ଜାହ୍ନବୀ, ଦେବାଂଶୀ, ପୁଷ୍ପାଞ୍ଜଳି ଏବଂ ଶୁଭ ପ୍ରିୟଦର୍ଶିନୀ l ଏହି ଅଭିନଵ କାର୍ଯ୍ୟକ୍ରମ ର ଶେଷରେ ଧନ୍ୟଵାଦ ଅର୍ପଣ କରିଥିଲେ ଓଡିଧା ସାହିତ୍ୟ ଏକାଡେମୀର ସହ ସଚିବ ସଂଜୟ କୁମାର ଛୁଆଲସିଂହ l