04-Feb-2021

 ଟିଟିଲାଗଡ,(ପ୍ରେରଣା ଖବର) : ବଲାଙ୍ଗୀର ଜିଲ୍ଲା ଟିଟିଲାଗଡ ଉପଖଣ୍ଡ ମୁଖ୍ୟ ଚିକିତ୍ସାଳୟରେ ଆଜି ଜଣେ ବ୍ୟକ୍ତି କାର୍ଯ୍ୟରତ ଡ଼. ଓମକାର ହୋତା ଓ ଅନ୍ୟ କିଛି କର୍ମଚାରୀଙ୍କୁ ଗାଳିଗୁଲଜ ସହ ଆକ୍ରମଣ ଉଦ୍ୟମ ନେଇ ତୀଵ୍ର ଅସନ୍ତୋଷ ପ୍ରକାଶ ପାଇଛି । ପ୍ରକାଶ ଯେ, ଡାକ୍ତରଖାନାରେ ବିଭିନ୍ନ ବିଭାଗର ପଦ ପଦବୀ ଖାଲି ରହିବା ଯୋଗୁଁ ପ୍ରବଳ ଭିଡ଼ ଲାଗି ରହିବା ସମସ୍ୟା ଦୀର୍ଘ ଦିନ ଧରି ଲାଗିରହିଛି । ଯଦ୍ବାରା ଅପ୍ରୀତିକର ପରିସ୍ଥିତି ସୃଷ୍ଟି ହୋଇଥାଏ । ସେହିପରି ଅନେକ ଅସାମାଜିକ ଯୁବକ ମଦ୍ୟପାନ କରି ଏହି ଡାକ୍ତରଖାନା ଆସି ଡାକ୍ତର ଓ କର୍ମଚାରୀ ଙ୍କୁ ଦୁର୍ବ୍ୟବହାର କରୁଥିବା ଦେଖା ଯାଇଛି l ସିକୁରୀଟି ଗାର୍ଡ ସହ ସ୍ଵତନ୍ତ୍ର ଭାବେ ପୋଲିସ କର୍ମଚାରୀ ନରହିବା ଓ ଟିଟିଲାଗଡ ଫାଣ୍ଡି ଦୂରରେ ଥିବା ଓ ସର୍ବଦା ବନ୍ଦ ରହିବା ଦ୍ୱାରା ଏପରି ଅଘଟଣ ଘଟୁ ଥିବା ଜନମତ ପ୍ରକାଶ ପାଇଛି l ଟିଟିଲାଗଡ ଡାକ୍ତରଖାନାରେ କାର୍ଯ୍ୟରତ ଡାକ୍ତର ଓ କିଛି କର୍ମଚାରୀ ଓ ସିକୁରୀଟି ଙ୍କୁ ଗାଳି ଗୁଲଜ କରିବା ନେଇ କାର୍ଯ୍ୟବନ୍ଦ ପାଳନ କରିଥିବା ବେଳେ ମେଡିକାଲ ସୁପରିଟେଣ୍ଡେଣ୍ଟ ଡ଼ଃ ପ୍ରଦୀପ ନାୟକ ରୋଗୀଙ୍କ ଅସୁବିଧା ନ ହେଉ ଏଣୁ ଧାରଣା ନ ଦେଇ ପୋଲିସରେ ଅଭିଯୋଗ କରିବା ପରାମର୍ଶ ଦେଇଥିଲେ । ପୂର୍ବରୁ ଜଣେ ଅଟୋଚାଳକ ମଦ୍ୟପାନ ଅବସ୍ଥାରେ ଟିଟିଲାଗଡ ଡାକ୍ତରଖାନାକୁ ଆସି କାର୍ଯ୍ୟରତ ଡାକ୍ତର ଓମକାର ହୋତାଙ୍କୁ ଦୁର୍ବ୍ୟବହାର କରିବା ଓ ନିଜେ ଥାନାରେ ତାଙ୍କ ନାଁ ରେ ମିଥ୍ୟା ମାମଲା ଦେଇ ୪୦,୦୦୦ ଟଙ୍କା ନେଇ କେଶ ଫେରାଇବୁ କହିବା ପରି ଘଟଣା ନେଇ ଡାକ୍ତରଖାନା କର୍ମଚାରୀ ମହଲରେ ଅସନ୍ତୋଷ ପ୍ରକାଶ ପାଇଥିଲା । ବର୍ତ୍ତମାନ କାର୍ଯ୍ୟବନ୍ଦ ଆନ୍ଦୋଳନରୁ ଓହରିବା ପୂର୍ବରୁ ଦୁର୍ବ୍ୟବହାର କରିଥିବା ଅଟୋଚାଳକ ଓ ତାଙ୍କ ସହଯୋଗୀ ତଥା ବର୍ତ୍ତମାନ ଦୁର୍ବ୍ୟବହାର କରିଥିବା ବ୍ୟକ୍ତିଙ୍କୁ ତୁରନ୍ତ ଗିରଫ କରିବା ନେଇ ଟିଟିଲାଗଡ ଥାନାରେ ଏତଲା ଦିଆଯାଇଛି ।