19-Jan-2026

ବିନିକା(ହିମାଂଶୁ ଶେଖର ପୁଟେଲ )ପୁଣି ବିନିକା ନଗର ପାଇଁ ସୋମନାଥ ମିଶ୍ର ଓ ବିନିକା ବ୍ଲକ ପାଇଁ ଦ୍ବାରିକାନାଥ ସାହୁ ବିଜୁ ଜନତା ଦଳର ସଭାପତି ପଦ ବଜାଜ ରଖିଛନ୍ତି ।ଏହି ଖବର ପ୍ରଚାରିତ ହେବା ପରେ ତାଙ୍କ ଶୁଭେଚ୍ଛୁ ମହଲରେ ଆନନ୍ଦର ଲହରୀ ଖେଳିଯାଇଛି।ସୂଚନା ଯୋଗ୍ୟ ଯେ ବିଜେଡି ଦଳ ଓଡ଼ିଶାରେ ପ୍ରତିଷ୍ଠା ହେବା ଦିନ ଠାରୁ ବିନିକା ଏନଏସି ପାଇଁ ସୋମନାଥ ଏବଂ ବ୍ଲକ ପାଇଁ ଦ୍ବାରିକାନାଥ ଦୀର୍ଘ ୨୦ବର୍ଷରୁ ଉର୍ଦ୍ଧ୍ବ ସମୟ ହେଲା ଦଳର ସଭାପତି ପଦରେ ରହି ଆସିଛନ୍ତି।ଉଭୟଙ୍କ କାର୍ଯ୍ୟ ଦକ୍ଷତା,ତୃଣ ମୂଳ ସ୍ତରରୁ ସଂଗଠନ ଦାୟିତ୍ଵ ନିର୍ବାହ,କର୍ମୀ ଓ ସାଧାରଣ ଲୋକଙ୍କ ସହିତ ସମ୍ପର୍କ ବରାବର ରଖିବାକୁ ସକ୍ଷମ ହେଉ ଥିବାରୁ ପୁଣି ୫ବର୍ଷ ପାଇଁ ଉଭୟଙ୍କୁ  ବିଜୁ ଜନତା ଦଳର ମୁଖିଆ ଭାବେ ଦଳ ଦାୟିତ୍ଵ ଦେଇଥିବା ଚର୍ଚା ହେଉଛି । ନଗର ସଭାପତି ସୋମନାଥ ମିଶ୍ର ତାଙ୍କର ନିର୍ଭିକ କାର୍ଯ୍ୟ ଦକ୍ଷତା ସମ୍ପାଦନା ପାଇଁ ବିନିକା ବିଜୁ ଜନତା ଦଳର ନଗର ସଭାପତି ପଦ ସହ ବିନିକା ସ୍ପୋର୍ଟସ କ୍ଲବ ସଭାପତି,ସିଦ୍ଧାର୍ଥ ଡିଗ୍ରୀ କଲେଜ ଆଳମିନି ଏସୋସିଏସନ ସଭାପତି,ସାଂସ୍କୃତିକ ସାଂସଦ ଉପ ସଭାପତି,କପିଳେଶ୍ୱର ମନ୍ଦିର ଟ୍ରଷ୍ଟ ବୋର୍ଡ ସମ୍ପାଦକ,ଦୁର୍ଗା ମନ୍ଦିର କମିଟି ଉପ ସଭାପତି,ବିନିକା ସାମ୍ବାଦିକ ସଂଘ ଉପଦେଷ୍ଟା,ବିନିକା ମାତାମଠ ମନ୍ଦିର ଟ୍ରଷ୍ଟ ସଦସ୍ୟ, ସୋନପୁର ଇଣ୍ଟେକ ସଦସ୍ୟ,ଜିଲ୍ଲା ଏଥେଲେଟିକ ଏସୋସିଏସନ,ଜିଲ୍ଲା କ୍ରିକେଟ ସଂଘ ସଦସ୍ୟ,ବିନିକା ଆରକେଏସ ସଦସ୍ୟ ଭାବେ କାର୍ଯ୍ୟ ତୁଲାଉଛନ୍ତି ।ସେହିପରି ଦ୍ବାରିକାନାଥ ରାଜନୀତି ଓ ସମାଜ ସେବା କ୍ଷେତ୍ରରେ ନିଜକୁ ସମ୍ପର୍ପି ଦେଇଛନ୍ତି। ତେବେ ଉଭୟେ ପୁନର୍ବାର ବିନିକା ଏନଏସି ଓ ବ୍ଲକ ପାଇଁ ସଭାପତି ପଦ ସମ୍ଭାଳି ଥିବାରୁ ଆଗାମୀ ଦିନରେ ବିଜୁ ଜନତା ଦଳର ସଂଗଠନ ସୁଦୃଢ ହେବ ବୋଲି ରାଜନୀତିଜ୍ଞ ମହଲରେ ଆଶା କରାଯାଉଛି ।