18-Jan-2026

ବଲାଙ୍ଗୀର(ପ୍ରେରଣା ଖବର): ୧୯୯୪ ବଲାଙ୍ଗୀର ରାଜେନ୍ଦ୍ର କଲେଜ ଗ୍ରାଜୁଏସନ ବ୍ୟାଚର ଏକ ବନ୍ଧୁମିଳନ କାର୍ଯ୍ଯକ୍ରମ  ସ୍ଥାନୀୟ ବିଜାଖମନ ଠାରେ ଅନୁଷ୍ଠିତ ହୋଇଯାଇଛି l ଏଥିରେ ୧୯୯୪ ରାଜେନ୍ଦ୍ର କଲେଜ ଗ୍ରାଜୁଏସନ ବ୍ୟାଚର ପ୍ରାୟ ୬୦ ଜଣ ସହପାଠୀ ଯୋଗ ଦେଇ କଲେଜ ଜୀବନର ପୁରୁଣା ସ୍ମୃତିକୁ ମନେ ପକାଇ ଥିଲେ l ଗ୍ରାଜୁଏସନ ବ୍ୟାଚର ସୁଶାନ୍ତ ବିଶୋଇ ଓ ସରୋଜ ନାଏକ ଙ୍କ ନେତୃତ୍ଵରେ ଅନୁଷ୍ଠିତ ଏହି ବନ୍ଧୁ ମିଳନ କାର୍ଯ୍ଯକ୍ରମରେ ଜିଲ୍ଲା

ତଥା ଜିଲ୍ଲା ବାହାରର ବିଭିନ୍ନ ବୃତ୍ତି ରେ କାର୍ଯ୍ୟରତ ସହପାଠୀ ବନ୍ଧୁ ମାନେ ଯୋଗ ଦେଇ ନାଚ ଗୀତ ଓ ମଜା ମଜଲିସରେ ନିଜକୁ ହଜାଇ ଦେଇଥିଲେ l  ବିଭିନ୍ନ ବନ୍ଧୁ ମାନଙ୍କ କାର୍ଯ୍ୟକ୍ଷେତ୍ର, ବିଚାରଧାରା ଓ ସାମାଜିକ ସ୍ଥିତି ଅଲଗା ଅଲଗା ହୋଇପାରେ କିନ୍ତୁ ଆଜି ସମସ୍ତେ ଗୋଟିଏ ପରିବାରର ସଦସ୍ୟ ଭଳି ଶୃଙ୍ଖଳିତ ଭାବରେ ନିଜ ଭିତରେ ଭାବର ଆଦାନ ପ୍ରଦାନ କରି କଲେଜ ଜୀବନର ଅନେକ ଖଟାମିଠା  ଓ ରୋମାଞ୍ଚକର

ସ୍ମୃତିକୁ ତାଜା କରିଥିଲେ l ୧୯୯୪ରେ ଗ୍ରାଜୁଏସନ ପରେ ଆଗକୁ ଯାଇ ବିଭିନ୍ନ ବନ୍ଧୁ ମାନେ ଭିନ୍ନ ଭିନ୍ନ ବୃତ୍ତିକୁ ନିଜର କ୍ୟାରିୟର ଭାବରେ ବାଛି ନେଇଥିଲେ l ପ୍ରାଶାସନିକ ସେବା,  ବ୍ୟାଙ୍କ, ରେଲୱେ,  ଶିକ୍ଷକତା, ଅଧ୍ୟାପନା,  ରାଜନୀତି, ଓକିଲାତି  ସାମ୍ବାଦିକତା ଓ ବ୍ୟବସାୟ ପରି ଅନେକ ବୃତ୍ତିରେ ରହି ନିଜର ଏକ ପରିଚୟ ସୃଷ୍ଟି କରିଥିବା ବନ୍ଧୁ ମାନଙ୍କର ମିଳନ ପ୍ରକୃତରେ ନିଆରା ଥିଲା l ଏପରି ସବୁଦିନ ପାଇଁ  ଅଦୃଶ୍ୟ ରଜ୍ଜୁ ରେ ବାନ୍ଧି ହୋଇଥିବା ଏହି ବନ୍ଧୁତ୍ୱର ବନ୍ଧନ ଅତୁଟ ରହୁ ବୋଲି ମତପ୍ରକାଶ ପାଇଥିଲା l ଦୀର୍ଘ ୩୨ ବର୍ଷ ପରେ ପୁରୁଣା ବନ୍ଧୁ ମାନଙ୍କ ସହ ସାକ୍ଷାତ କରିବାର ଏହି ସ୍ମରଣୀୟ ଅନୁଭୂତିକୁ ସମସ୍ତେ ଉପଭୋଗ କରିଥିଲେ l  ଏହି ଅବସରରେ ସୁନ୍ଦରଗଡ଼ ରେ ଏ ଡି ଏମ୍ ଭବରେ କାର୍ଯ୍ୟରତ ଅଭିମନ୍ୟୁ ମାଝୀ ଓ ଗ୍ରାମାଞ୍ଚଳରେ ଡାକ୍ତରୀ ସେବା ପ୍ରଦାନ କରି  ଚର୍ଚା ରେ ଥିବା ଡାକ୍ତର ବୁଦ୍ଧଦେବ ନାଗଙ୍କୁ ଫୁଲତୋଡା ଦେଇ ସମ୍ବର୍ଦ୍ଧିତ କରାଯାଇଥିଲା l