10-Jan-2026

ବଲାଙ୍ଗିର(ପ୍ରେରଣା ଖବର)- ପି.ଆର. ହାଇସ୍କୁଲରେ ମୁଁ ନିଜେ ପାଠ ପଢିଛି । ଏହି ପଡିଆରେ ଖେଳିଛି, ବଢିଛି ପରବର୍ତ୍ତୀ ସମୟରେ ବିଧାୟକ ଥିବା ବେଳେ ଏହି ଖେଳ ପଡିଆ ଏକ ସୁଦୃଶ୍ୟ ଗ୍ୟଲେରି ତିଆରି କରାଯାଇଛି । ଖେଳର ଉନ୍ନତି ପାଇଁ ଏହାର ପରିସରରେ ଏକ ସୁନ୍ଦର ବ୍ୟାଡ ମିଣ୍ଟନ ଇଣ୍ଡୋର ଷ୍ଟାଡିୟମ ନିର୍ମାଣ କରାଯାଇଛି । ଆହୁରି ଅନେକ ବିକାଶ କରିବାର ଥିଲା । ୨୦୨୪ ପୁର୍ବରୁ ୧ କୋଟି ଟଙ୍କା ରାଶି ଏହି ଖେଳ ପଡିଆର ଘାସ, ଡ୍ରେନଜ ଓ ପାଣି ସିଞ୍ଜନ ପ୍ରଣାଳି ନିର୍ମାଣ ପାଇଁ ଅନୁଦାନ ଅଣାଯାଇ ଯାଇଥିଲା କିନ୍ତୁ କିଛି ଲୋକଙ୍କ ଗୋଡଟଣା ପ୍ରଭୃତି ପାଇଁ ପ୍ରକଳ୍ପଟି ପ୍ରଶାସନିକ ମଂଜୁରି ପାଇବା ପରେ ମଧ୍ୟ ଟଙ୍କା ଫେରାଇ ନିଆଗଲା । ସେ ଯାହା ବି ହେଉ ବର୍ତ୍ତମାନ ମୁଁ କ୍ଷମତା ରେ ଥାଏ କି ନ ଥାଏଁ ଏ ପଡିଆ ଆହୁରି ବିକାଶ ନିଶ୍ଚୟ କରାଯିବ ବୋଲି ଆଜି ପି.ଆର ହାଇସ୍କୁଲ ଖେଳପଡିଆରେ ଫ୍ରେଣ୍ଡର୍ସ କ୍ଲବ ଆନୁକୁଲ୍ୟରେ ଆୟୋଜିତ ହେଉଥିବା ଅଲ୍ ଓଡିଶା ଫୁଟବଲ ଟୁର୍ଣ୍ଣାମେଣ୍ଟ ଦ୍ୱିତୀୟ ସେମିଫାଇନାଲରେ ମୁଖ୍ୟ ଅତିଥି ଭାବେ ଯୋଗ ଦେଇ ପୂର୍ବତନ ଆଇନମନ୍ତ୍ରୀ ନରସିଂହ ମିଶ୍ର ଉପସ୍ଥିତ ଦର୍ଶକ ଙ୍କ ଉଦ୍ଦେଶ୍ୟରେ କହିଛନ୍ତି । ଶ୍ରୀ ମିଶ୍ର ଆହୁରି ମଧ୍ୟ କହିଛନ୍ତି ଯେ ଖେଳ ଉନ୍ନତି ପାଇଁ ରାଜ୍ୟର ମୁଖ୍ୟମନ୍ତ୍ରୀଙ୍କ ସହିତ ସେ ନିଜେ ଆଲୋଚନା କରିଛନ୍ତି । ଲୋୟର ସୁକତେଲ ଡେମ ତଳେ ଏକ ଷ୍ଟାଡିୟମ ଓ ସେଠାରେ ଏକ ସୁନ୍ଦର ଉଦ୍ୟାନ ତିଆରି କରିବା ପାଇଁ ମୁଖ୍ୟମନ୍ତ୍ରୀଙ୍କୁ ଆଲୋଚନା ବେଳେ ଆୟୋଚନା କରିଛନ୍ତି । ମୁଖ୍ୟମନ୍ତ୍ରୀ ଏହି ପ୍ରସ୍ତାବ ଉପରେ ବହୁତ ସକରାତ୍ମକ ଆଭିମୁଖ୍ୟ ରଖିଛନ୍ତି । ତେଣୁ ଆମ ଅଂଚଳର ଖେଳ ଓ ଖେଳାଳିମାନଙ୍କ ବିକାଶ ପାଇଁ ସେ ନିଜେ ସବୁପ୍ରକାର ଯୋଗଦାନ ରଖିବେ ବୋଲି ନିଜ ବକ୍ତବ୍ୟରେ କହିଛନ୍ତି । ଆଜି ସେମିଫାଇନାଲ ଖେଳ ଝାରସୁଗୁଡା ଏକାଦଶ ବନାମ ଢେଙ୍କାନାଲ ଏକାଦଶ ମଧ୍ୟରେ ଅନୁଷ୍ଠିତ ହୋଇଥିଲା । ଏହି ସଂଘର୍ଷପୂର୍ଣ୍ଣ ଖେଳରେ ଝାରସୁୁଗୁଡା ୧-୦ ଗୋଲରେ ବିଜୟୀ ହୋଇ ଫାଇନାଲ ରେ ପହଂଚିଛି । ଆଜି ଆୟୋଜକ କମିଟି ତରଫରୁ ପ୍ରକ୍ତନ ଫୁଟବଲ ଖେଳାଳି ଜରାସିଂହା ର କୈଳାସ ଚନ୍ଦ୍ର କର୍ତ୍ତି, ଖୁଜେନପାଲିର ଭୁପେନ୍ଦ୍ର ପ୍ରସାଦ ସିଂହ ଓ ଉଦୟମାନ ବାଳିକା ବ୍ୟାଡମିଣ୍ଟନ ଖେଳାଳି ପାଟଣାଗଡର ସଂପାଦା ମହାନ୍ତିଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା । ଆଜି ସମ୍ମାନିତ ଅତିଥି ଭାବେ ଫାଓ ସଭାପତି ଶ୍ରୀକର ମିଶ୍ର, ଜିଲ୍ଲା କ୍ରୀଡା ସଂଘ ସଂପାଦକ ହରିନାରାୟଣ ପୁଜାରୀ, ପୁଇଁନ୍ତଲା ବ୍ଲକ ଚେୟାରମେନ ସରୋଜ ପ୍ରଧାନ, ଗାନ୍ଧୀ କ୍ଲବ ସଭାପତି ରାମଚନ୍ଦ୍ର ପୁରୋହିତ, ଫ୍ରେଣ୍ଡକ୍ଲବ ପ୍ରେସିଡେଣ୍ଡ ଲୋଟସ ଷଡଙ୍ଗି, ସଂପାଦକ ଜଗନ୍ନାଥ ମିଶ୍ର ପ୍ରମୁଖ ମଂଚାସିନ ଥିଲେ ।