28-Dec-2025

ବଲାଙ୍ଗିର(ପ୍ରେରଣା ଖବର): ବଲାଙ୍ଗିର ଜିଲ୍ଲା ପୁଇଁନ୍ତଲା ବ୍ଲକ ଅନ୍ତର୍ଗତ ଦଶପୁର ପଞ୍ଚାୟତର ମେଣ୍ଡିପାଲି ଗ୍ରାମ ଠାରେ ପୁଇଁନ୍ତଲାବ୍ଲକ ଯାଦବ ସମାଜର ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି। ପ୍ରଥମେ ସମାଜର ଇଷ୍ଟଦେବୀ ମାଁସମଲେଶ୍ୱରୀ ଓ କୂଳ ଦେବତା ଶ୍ରୀ କୃଷ୍ଣଙ୍କ ଠାରେ ପୂଜାର୍ଚ୍ଚନା ପରେ ସଭା କାର୍ଯ୍ୟ ଆରମ୍ଭ ହୋଇଥିଲା । ଦଶପୁର ଗ୍ରାମ ପଞ୍ଚାୟତର ପୂର୍ବତନ ଯାଦବ ସଂଘର ସଭାପତି ଵିଷ୍ଣୁ ପାଣ୍ଡେଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ପୁଇଁନ୍ତଲା ବ୍ଲକ ଯାଦବ ସମାଜ ସଭାପତି ଅନିରୁଦ୍ଧ ବଗର୍ତ୍ତୀ, ଜିଲ୍ଲା ସହ ସଂପାଦକ ଦେବେନ୍ଦ୍ର ହାତୀ, ବ୍ଲକ ଉପସଭାପତି ଚନ୍ଦ୍ର ବଦନ ବଗର୍ତ୍ତୀ, ବ୍ଲକ ଯୁବ ଯାଦବ ସଂପାଦକ ସଚିତାନନ୍ଦ ବଗର୍ତ୍ତୀ ଯୋଗଦେଇ ଗ୍ରାମ ପଞ୍ଚାୟତ ସ୍ତରରେ କିପରି ଭାବରେ ସମାଜର ସଙ୍ଗଠନକୁ ମଜବୁତ କରାଯିବ ସେ ଉପରେ ଆଲୋକପାତ କରିଥିଲେ । ଅନ୍ୟମାନଙ୍କ ମଧ୍ୟରେ ବନ୍ଧପଡା ଗ୍ରାମ ପଞ୍ଚାୟତ ସଭାପତି ସମ୍ପତ୍ତି ବାଗ, ମଲମୁଣ୍ଡା ଗ୍ରାମ ପଞ୍ଚାୟତ ସଭାପତି ପିତାମ୍ବର ବାଙ୍କ, ସାଉନ୍ତପୁର ଗ୍ରାମପଞ୍ଚାୟତ ଉପ ସଭାପତି ପାର୍ଥ ପୋଢ, କୁରୁଲ ଗ୍ରାମ ପଞ୍ଚାୟତ ସଂପାଦକ ଯଦୁମଣି ବାଗ, ଛତାପିପଲ ଗ୍ରାମ ପଞ୍ଚାୟତ ସଭାପତି ଯୁଗେଶ୍ୱର ଆଡଜୁଏଡ, ରଣ୍ଡା ଗ୍ରାମ ପଞ୍ଚାୟତ ସଭାପତି ସୁଦାମ ସେଲମା ପ୍ରମୁଖ ଉପସ୍ଥିତ ଥିଲେ । ଦ୍ୱିତୀୟ ପର୍ଯ୍ୟାୟରେ ଦଶପୁର ଗ୍ରାମ ପଞ୍ଚାୟତ ସ୍ତରୀୟ ଯାଦବ ସମାଜର କମିଟୀ ଗଠିତ ହୋଇଥିଲା । ସର୍ବସମ୍ମତି କ୍ରମେ ସଭାପତି ଭାବରେ ତ୍ରିଲୋଚନ ପାଣ୍ଡେ, କାର୍ଯ୍ୟକାରୀ ସଭାପତି ଗାନ୍ଧୀ ଜାଲ, ଉପସଭାପତି ପ୍ରକାଶ ବିଶି, ସଂପାଦକ ମନ ଥପା, ସହ ସଂପାଦକ ପ୍ରକାଶ ମାହାକୁର, କୋଷାଧ୍ୟକ୍ଷ ଲମ୍ବୋଧର ବାଗ, ଯୁବ ଯାଦବ ସଭାପତି ବିନୋଦ କୁମାର ଥପା, ଯୁବ ଯାଦବ ସଂପାଦକ  ସୁଦର୍ଶନ ଅଦାବରିଆ ଓ କାର୍ଯ୍ୟକାରୀ ସଦସ୍ୟ ଭାବରେ ବ୍ୟାସଦେବ ବନଛୋର, ସାଧୁରାମ ବିଶି, ବିକର୍ତ୍ତନ ମାହାକୁର,ପୁରନ ବାଗ, ଆକୁଳ ଷାଣ୍ଢ, କାର୍ତ୍ତିକ ବିଶି ପ୍ରମୁଖ ମନୋନୀତ ହୋଇଥିଲେ । ନୂତନ ଭାବରେ ମନୋନିତ ହୋଇଥିବା ସମାଜର କର୍ମକର୍ତ୍ତା ମାନଙ୍କୁ ଜିଲ୍ଲା ଉପ ସଭାପତି ପ୍ରଦୀପ କୁମାର ସେଲମା ଶପଥ ପାଠ କରାଇଥିଲେ ! ବୈଠକରେ ଦଶପୁର ଗ୍ରାମ ପଞ୍ଚାୟତ ଅନ୍ତର୍ଗତ ଗ୍ରାମ ଗୁଡିକର ଯାଦବ ଭାଇ ମାନେଉପସ୍ଥିତ ଥିଲେ । କାର୍ଯ୍ୟକ୍ରମକୁ ବ୍ଲକ ସଂପାଦକ ଜଗନ୍ନାଥ ଚନ୍ଦନ ପରିଚାଳନା କରିଥିବା ବେଳେ ଶେଷରେ ଲୋକେଶ୍ୱର ପାଣ୍ଡେ ଧନ୍ୟବାଦ ଅର୍ପଣ କରିଥିଲେ ।