05-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସ୍ଥାନୀୟ ପିଡବ୍ଲୁଡି ଡାକବଙ୍ଗଳା ଠାରେ ଜିଲ୍ଲା ଠିକାଦାର ସଂଘ ର ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ଜିଲ୍ଲା ର ସମସ୍ତ ବ୍ଳକ୍ ର ଠିକାଦାର ପ୍ରମୁଖ ଉପସ୍ଥିତ ଥିଲେ । ଜିଲ୍ଲା ର ସମସ୍ତ ବିଭାଗର ନିର୍ମାଣ କାମରେ ଅନ୍ୟୁନ୍ୟ ୧ କୋଟି ପର୍ଯ୍ୟନ୍ତ ବାହାରୁଥିବା ସମସ୍ତ ଠିକା କାମରେ କେବଳ ସୁବର୍ଣ୍ଣପୁର ଜିଲ୍ଲାର ଠିକାଦାର ମାନେ ହିଁ ଅଂଶଗ୍ରହଣ କରିବେ ଓ ବାହାର ଜିଲ୍ଲାର ଠିକାଦାର ମାନଙ୍କୁ ଏଥିରେ ହସ୍ତକ୍ଷେପ କରିବାକୁ ବାରଣ କରାଯିବା ପାଇଁ ସର୍ବସମ୍ମତି କ୍ରମେ ନିଷ୍ପତ୍ତି ହୋଇଛି । ଅନ୍ୟ ଜିଲ୍ଲାର ଠିକାଦାର ମାନଙ୍କୁ ୧ କୋଟି ଟଙ୍କା ପର୍ଯ୍ୟନ୍ତ ଟେଣ୍ଡରରେ ଅଂଶ ଗ୍ରହଣ ନ କରିବାରୁ ଅନୁରୋଧ କରାଯାଇଛି । ଯଦି ଦରକାର ପଡ଼େ ଏ ଦିଗରେ ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବାକୁ ନିଷ୍ପତ୍ତି ନିଆଯାଇଥିବା ସୂଚନା ମିଳିଛି । ସୂଚନା ଯୋଗ୍ୟ ଯେ ଅନେକ ଛୋଟ ଛୋଟ କାମ ଗୁଡ଼ିକ ର ଟେଣ୍ଡର ବାହାର ଜିଲ୍ଲା ର ଠିକାଦାର ହାତଉ ଥିବା ବେଳେ ଜିଲ୍ଲା ର ଠିକାଦାର ମାନେ କାମ ନ ପାଇ ବ୍ୟାପକ କ୍ଷତି ସହୁଛନ୍ତି ବୋଲି ଅଭିଯୋଗ କରିଛି ସଂଘ । ସଂଘ ର ସଭାପତି ଜୟ ମାଧବ ମିଶ୍ର ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ କୁଷ ସାହୁ( ସାଧାରଣ ସମ୍ପାଦକ), ରାମକୃଷ୍ଣ ଦାସ ( ସଧାରଣ ସମ୍ପାଦକ), ସୁମିତ୍ ପୂଜାହାରି ( ଉପ ସଭାପତି) ଶିବ ନାରାୟଣ ବହିଦାର, ସତ୍ୟନାରାୟଣ ତ୍ରୀପାଠୀ, ଶରତ ମହାପାତ୍ର, ପୁଲକ ମିଶ୍ର, ବାପି ଦାସ, ସୁଧୀର ପଣ୍ଡା, ରଞ୍ଜିତ ରାୟ, ଗୁପ୍ତ ମିଶ୍ର, ବିପ୍ର ଦାସ, ଅମିୟ ରଞ୍ଜନ ଦାସ, ବୁବୁନ ମିଶ୍ର, ଶେଷ ମେହେର, କୁନାଲ୍ ପଧାନ, ସୌରଭ ବେଦବାକ, ରାଜୁ ପଣ୍ଡା, ଦେବ ତ୍ରିପାଠୀ, ସତ୍ୟନାରାୟଣ ପାଣ୍ଡେ, ରଜତ ଅଗ୍ରୱାଲ୍, କିରଟି ଦାଶ ପ୍ରମୁଖ ଠିକାଦାର ବୈଠକ ରେ ଉପସ୍ଥିତ ଥିଲେ ।