03-Dec-2025

ବିନିକା(ହିମାଂଶୁ ଶେଖର ପୁଟେଲ) ଏ ଅଞ୍ଚଳର ପ୍ରସିଦ୍ଧ ଶୈବପୀଠ ବିନିକା ବ୍ଲକ ଅନ୍ତର୍ଗତ ଚରଦା ବାବା କପିଳେଶ୍ୱର ପୀଠରେ ବୁଧବାର ୬୩ତମ ଗୀତା ଜୟନ୍ତୀ ପାଳନ ଅବସରରେ ନବକୁଣ୍ଡିୟ ଗୀତା ଜୟନ୍ତୀ ପୂଜାର୍ଚ୍ଚନା ଭକ୍ତିମୟ ପରିବେଶରେ ଅନୁଷ୍ଟିତ ହୋଇଯାଇଛି । ଗୀତା ଜୟନ୍ତୀ ପରିପ୍ରେକ୍ଷୀରେ ବ୍ରହ୍ମ ସମାଜ ପକ୍ଷରୁ ପୀଠରେ ଯଜ୍ଞ ମନ୍ତ୍ର ପାଠ ସହ ଭାଗବତ ପଠନ କାର୍ଯ୍ୟକ୍ରମରେ ସାରା ଅଞ୍ଚଳ ପ୍ରକମ୍ପିତ ହେବା ସହ ଭକ୍ରିମୟ ପରିବେଶ ସୃଷ୍ଟି କରିଥିଲା  ଆଖ ପାଖ ଅଞ୍ଚଳରୁ ବହୁ ବ୍ରାହ୍ମଣ ଏଥିରେ ଯୋଗଦେଇ ଭଗବତ ଗୀତା ପଠନ କରିଥିଲେ ।ଗୀତାର ୧୮ଅଧ୍ୟାୟ ପର୍ଯ୍ୟନ୍ତ ପଠନ ହେବା ସହ ପ୍ରତି ଶ୍ଳୋକରେ ଆହୁତି ପ୍ରଦାନ କରାଯାଇଥିଲା।ଘରେ ଘରେ ଭଗବତ ଗୀତାରେ ରହିଥିବା ପ୍ରଭୁଙ୍କ ବାଣୀ ପ୍ରଚାର ପ୍ରସାର କରିବା ସହ ଶାନ୍ତି, ମୈତ୍ରୀ,ପ୍ରୀତି,ସଂଯମତା ରକ୍ଷା ପାଇଁ ଓ ସମାଜର ମଙ୍ଗଳ ପାଇଁ  ବାର୍ତ୍ତା ବୋଲି ଗୀତା ଜୟନ୍ତୀରେ ଯୋଗଦେଇଥିବା ଶ୍ରୀକ୍ଷେତ୍ର ପୁରୀ ରାମଜୀ ମଠର ମହନ୍ତ ବଂଶୀଧର ଜୀ ମହାରାଜ ପ୍ରକାଶ କରିଛନ୍ତି ।ଦୀର୍ଘ ୧୨ବର୍ଷରେ ଚଳିତ ବର୍ଷ ନବକୁଣ୍ଡିୟ ମହାଯଜ୍ଞ ହୋଇଥିବାରୁ ଶୈବପୀଠରେ ହଜାର ହଜାର ଶ୍ରଦ୍ଧାଳୁ ଭକ୍ତ ଓ ଆଧ୍ୟାତ୍ମିକ ପ୍ରେମୀଙ୍କ ଭିଡ଼ ପରିଲକ୍ଷିତ ହୋଇଥିଲା ଏଥିରେ କର୍ତ୍ତା ଭାବେ ଜବଦା ଗ୍ରାମର ପ୍ରମୋଦ ପଣ୍ଡା ଓ ତାଙ୍କ ଧର୍ମପତ୍ନୀ ରିତା ପଣ୍ଡା,କଇନ୍ତରା ଗ୍ରାମର ପ୍ରେମରାଜ ପତି ଓ ରଞ୍ଜିତା ପତି,ଭଣ୍ଡାର ଗ୍ରାମର ସୁରଥ ପତି ଓ ଝରଣା ପତି,ଶଙ୍କରା ଗ୍ରାମର ବିକ୍ରମାଦିତ୍ୟ ଶତପଥୀ ଓ ସୁସ୍ମିତା ଶତପଥୀ, ସିଲାଟି ଗ୍ରାମର କୃତାର୍ଥ ପୁରୋହିତ ଓ ସସ୍ମିତା ପୁରୋହିତ,ଘୋଡାଧର ଗ୍ରାମର ମନୋଜ ପୂଜାହାରୀ ଓ ପ୍ରମିଳା ପୁଜାହାରୀ,କୌଡ଼ିଆମୁଣ୍ଡା ଗ୍ରାମର ଦୀନବନ୍ଧୁ ନାୟକ ଓ ଅନସୁୟା ନାୟକ,ସେଲେଡି ଗ୍ରାମର ସନ୍ତୋଷ ତ୍ରିପାଠୀ ଓ ତପସ୍ଵିନୀ ତ୍ରିପାଠୀ,ଘୋଡାଧାର ଗ୍ରାମର ନରସିଂହ ପୂଜାହାରୀ ଓ ଶାନ୍ତିଲତା ପୂଜାହାରୀ ପ୍ରମୁଖ କର୍ତ୍ତା ଦାୟିତ୍ଵ ନିର୍ବାହ କରିଥିଲେ।ଗୀତା ଜୟନ୍ତୀ କମିଟି ସଭାପତି ସୋମିତ୍ରି ପତି,ସମ୍ପାଦକ ହୃଷୀକେଶ ହୋତା,ଉପ ସଭାପତି ଗୋପାଲଜି ହୋତା,ସହ ସମ୍ପାଦକ ଅଜିତ ଦାଶ ପ୍ରମୁଖଙ୍କ ସମେତ କମିଟି କର୍ମକର୍ତ୍ତାଙ୍କ ପ୍ରତେକ୍ଷ ତତ୍ତ୍ୱାବଧାନରେ ଏବଂ ମନ୍ଦିର କମିଟି,ସେବାୟତ ଓ ଅଞ୍ଚଳର ବହୁ ଶ୍ରଦ୍ଧାଳୁ ଭକ୍ତମାନଙ୍କ ସହଯୋଗରେ ଏହି ମହାଯଜ୍ଞ ମହାସମାରୋହରେ ସମ୍ପନ୍ନ ହୋଇଥିଲା ।