03-Dec-2025

ଭୁବନେଶ୍ୱର- ଭୁବନେଶ୍ୱର କଳିଙ୍ଗ ଷ୍ଟାଡିଅମ ପରିସରସ୍ଥ ଡାଲମିଆ ଭାରତ ଗୋପିଚାନ୍ଦ ବେଡ଼ମିଣ୍ଟନ ଉତ୍କର୍ଷ କେନ୍ଦ୍ର (ସଟଲ)ରେ ଆୟୋଜିତ୩୭ତମ ଜାତୀୟ ସବ ଜୁନିଅର ବେଡ଼ମିଣ୍ଟନ ଚମ୍ପିୟାନସିପ୍ ର ତୃତୀୟ ଦିନରେ ସର୍ବମୋଟ 
୧୧୨ ଟି ମେଚ୍ ଅନୁଷ୍ଠିତ ହୋଇଯାଇଛି l ରିପୋର୍ଟ ପ୍ରସ୍ତୁତ ହେବ ପର୍ଯ୍ୟନ୍ତ ତୃତୀୟ ଦିନର ଖେଳରେ ଓଡ଼ିଆ ଖେଳାଳୀ, ଟାଇଟଲ ଦାବିଦାର ତନଭି ପତ୍ରି ୧୫ବର୍ଷରୁ କମ ବିଭାଗରେ ରାଜସ୍ଥାନର ଅନଭି ରାଠୋରଙ୍କୁ ୨୧-୭ ଓ ୨୧-୮ ପଏଣ୍ଟ ର ଦୁଇଟି ଗେମରେ ପରାଜିତ କରି କ୍ଵାଟର ଫାଇନାଲରେ ପହଞ୍ଚିଛନ୍ତି l ଏହି ବର୍ଗରେ ଟପସିଡ ମାନିମୁଥୁ ନିଜ

ପ୍ରତିଦ୍ବନ୍ଦୀ ତାମିଲନାଡୁର ଅନୁଶ୍ରୀ ଜି.ଏସ. ଙ୍କ ଠାରୁ ହାରି ଟାଇଟଲ ଦୌଡ଼ରୁ ବାହାରିଯାଇଛନ୍ତି l ୧୭ ବର୍ଷରୁ କମ ବାଳିକା ସିଙ୍ଗଲ ବିଭାଗରେ ତନଭି ପତ୍ରି ନିଜ ପ୍ରତିଦ୍ବନ୍ଦୀ କର୍ଣ୍ଣାଟକ ଖେଳାଳୀ ହିତାଶ୍ରୀ ଏଲ.ଙ୍କୁ ୨୧-୧୨, ୨୧-୧୪  ଦୁଇଟି ଗେମ ରେ ପରାସ୍ତ କରି ପ୍ରତିଯୋଗିତାର କ୍ଵାଟର ଫାଇନାଲ ରାଉଣ୍ଡରେ ପ୍ରବେଶ କରିଛନ୍ତି l  ଓଡ଼ିଆ ଖେଳାଳୀ ବାପୁନ ରାଉତ ନିଜ ୧୭ ବର୍ଷରୁ କମ ସିଙ୍ଗଲ ବାଳକ ବିଭାଗ ରେ ତେଲେଙ୍ଗାନା ର ତନ୍ମନିହାଲ ଉତ୍ତମ ଙ୍କ ଠାରୁ ୧୬-୨୧, ୨୧-୧୬ ଓ ୧୨-୨୧ ର ସଂଘର୍ଷପୂର୍ଣ୍ଣ  ଗେମ ରେ ପରାଜିତ ହୋଇ ପ୍ରତିଯୋଗିତାରୁ ବିଦାୟ ନେଇଛନ୍ତି l ଏହି ବିଭାଗରେ ଟପସିଡ ପଞ୍ଜାବର ଜଗସେର ସିଂ, କର୍ଣ୍ଣାଟକର ପ୍ରଣବ ଏମ, ତେଲେଙ୍ଗାନାର ଶଶାଙ୍କ ଭନମlଳା, ରାଜସ୍ଥାନ ର ଜଗଜିତ ସିଂ ପ୍ରି-କ୍ଵାଟର ରେ ପହଂଚିଛନ୍ତି l
ବାଳିକା ୧୭ ବର୍ଷ ରୁ କମ ବାଳିକା ସିଙ୍ଗଲ ବିଭାଗ ରେ ଆସାମ ର ଶାନ୍ତିପ୍ରିୟା ହଜାରିକା ଟପ ସିଡ ସାଇନାଥ ମଣି ମୁଥୁ ଙ୍କୁ ହରାଇ ପ୍ରତିଯୋଗିତାର ବଡ ବିପର୍ଯ୍ୟୟ ଘଟlଇଛନ୍ତି l 
୧୫ବର୍ଷ ରୁ କମ ବାଳିକା ଡବଲସ ବିଭାଗରେ ଓଡ଼ିଆ ଯୋଡି ନିମିଶା ଓଝା ଓ ସ୍ଵାତି ନାୟକ କେରଳ ଯୋଡି ଅଲେକ୍ସିଆଏଲସା-ଆଫ୍ରିନ କ୍ୱାଥୁନଙ୍କୁ ୨୩-୨୧, ୨୧-୮ରେ ହରାଇ କ୍ୱାର୍ଟର ଫାଇନାଲ ରେ ପହଂଚିଛନ୍ତିl ଏହି ବିଭାଗରେ ଅନ୍ୟ ଦଳ ଭାବେ ତାମିଲନାଡୁ-ମଧ୍ୟପ୍ରଦେଶ ଯୋଡି ମଧ୍ୟ ହାମସିନୀ ଚନ୍ଦରମ-ନାଭିକା ସମାନୀ, ତାମିଲନାଡୁ ଯୋଡି ଭାବନ୍ଥିଗା-ୟାଝିନି ଏସ. କେ., ତାମିଲନାଡୁ ଯୋଡି 
ନୟୋନିକା-ଧନ୍ୟା ଏସ. ନିଜ ନିଜ ପ୍ରତିଦ୍ବନ୍ଦୀଙ୍କୁ ହରାଇ କ୍ଵାଟର ଫାଇନାଲ ରେ ପହଞ୍ଚିଛନ୍ତି l

୧୫ବର୍ଷ ରୁ କମ ବାଳକ ବିଭାଗ ରେ ଟପସିଡ ପଞ୍ଜାବର ୱାଜିର ସିଂ, କର୍ଣ୍ଣାଟକ ର ପୁଷ୍କର ସାଇ, ତେଲେଙ୍ଗାନାର ଶ୍ରୀଚେତନ ସୌର୍ୟ, ରାଜସ୍ଥାନର ଅଂଶୁମାନ ଚୌଧୁରୀ, ହରିଆଣାର ଜୟବର୍ଦ୍ଧନ ହୂଡା, ଦିଲ୍ଲୀ ର ହର୍ଷିତ ଖତ୍ରୀ ପ୍ରମୁଖ ନିଜ ନିଜ ପ୍ରତିଦ୍ବନ୍ଦୀ ଙ୍କୁ ହରାଇ କ୍ଵାଟର ଫାଇନାଲରେ ପହଂଚିଛନ୍ତି l

ଆଜି ୪ତାରିଖ ଦିନ ସମସ୍ତ ବିଭାଗର କ୍ଵାଟର ଫାଇନାଲ ଖେଳ ଅନୁଷ୍ଠିତ ହେବ l