03-Dec-2025

କଣ୍ଟାମାଳ(ଜୟକୁମାର ମହାରଣା) : ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ଖଲିଆପାଲି ଗ୍ରାମପଞ୍ଚାୟତ ଅନ୍ତର୍ଗତ ଖଲିଆପାଲି ଛକ ଠାରେ ମକୁନ୍ଦଦେବ ମାଷ୍ଟର  ପେଟ୍ରୋଲ ପମ୍ପର ଶୁଭ ଉଦଘାଟନ ହୋଇଯାଇଛି l  ଏହି ଅବସରରେ ଗୋସ୍ୱାମୀ ତୁଳସୀ ଦାସ କୃତ ସୁନ୍ଦରାକାଣ୍ଡ ପାରାୟଣ ଅନୁଷ୍ଠିତ ହୋଇଯାଇଛି   l  ନବନିର୍ମିତ ପେଟ୍ରୋଲ ପମ୍ପ ର ଶୁଭ ଉଦଘାଟନରେ ୨ନଂ ଜିଲ୍ଲାପରିଷଦ ସଭ୍ୟା ଶ୍ରୀମତୀ ପଦ୍ମାଳୟା ପ୍ରଧାନ, ଶିକ୍ଷାବିତ ନୀଳାଞ୍ଚଳ ଭୋଇ,ଫିରିଙ୍ଗିଆ ବ୍ଲକ ଉପାଧ୍ୟକ୍ଷ ଅଜିତ ସାହୁ, ଭାଜପା ଯୁବ ନେତା ପିନାକଧର ରଣା, ଅନିଲ ପ୍ରଧାନ, ଖଲିଆପାଲି ସମିତିସଭ୍ୟ କେଦାରନାଥ ସାହୁ, ଖଲିଆପାଲି ସରପଞ୍ଚ ପ୍ରତିନିଧି ମଧୁସୂଦନ ବାଘ(ପିଣ୍ଟୁ ) ସମେତ ବହୁ ମାନ୍ୟଗଣ୍ୟ ବ୍ୟକ୍ତିଗତ ଉପସ୍ଥିତ ଥିଲେ l  ଅନୁଷ୍ଠିତ ସୁନ୍ଦରାକାଣ୍ଡ ରେ ବ୍ୟାସ ଭାବେ ପଣ୍ଡିତ ସ୍ୱପ୍ନେଶର ପଣ୍ଡା ରାମାୟଣ ଗାନ କରିଥିଲେ  l  ଏଥିରେ କର୍ତ୍ତା ଭାବେ ଭୁବନେଶ୍ୱର ରଣା ଓ ଧର୍ମପତ୍ନୀ ପାନବତୀ ରଣା ଦାୟିତ୍ୱ ତୁଲାଇ ଥିଲେ  l  କାର୍ଯ୍ୟକ୍ରମ ରେ ବହୁସଂଖ୍ୟାରେ ମହିଳା ଓ ପୁରୁଷ ଶ୍ରଦ୍ଧାଳୁ ଯୋଗଦେଇ ପ୍ରଭୁ ଶ୍ରୀରାମଙ୍କ କଥା ଶ୍ରବଣ କରିଥିଲେ  l  ଆଧ୍ୟାତ୍ମିକ ପାରାୟଣ ରେ ସମଗ୍ର ପୀଠ ଭକ୍ତିମୟ ପରିବେଶ ସୃଷ୍ଟି ହୋଇଥିଲା  l  ଶେଷରେ ସାମୁହିକ ପ୍ରସାଦ ସେବନ ହୋଇଥିଲା   l