27-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ପୌରପରିଷଦ ପକ୍ଷରୁ ଗୃହ ନିର୍ମାଣ ଓ  ନଗର ଉନ୍ନୟନ ବିଭାଗ ତରଫରୁ ପ୍ରଧାନମନ୍ତ୍ରୀ ଆବାସ ଯୋଜନା (ସହରୀ) ଗୃହ କାର୍ଯ୍ୟାଦେଶ ବଣ୍ଟନ କରାଯାଇଛି। ପୌରପରିଷଦ କାର୍ଯ୍ୟ ନିର୍ବାହୀ ଅଧିକାରୀ ରୁଷି ମାଝୀ ଙ୍କ ସଂଯୋଜନା ରେ ଅନୁଷ୍ଠିତ ଏହି କାର୍ଯ୍ୟକ୍ରମରେ  ମୂଖ୍ୟ ଅତିଥି ଭାବେ ଜିଲ୍ଲାପାଳ ଡ଼.ନୃପରାଜ ସାହୁ ଯୋଗଦେଇ ହିତାଧିକାରୀ ଙ୍କୁ ଗୃହ ନିର୍ମାଣ ର କାର୍ଯ୍ୟାଦେଶ ପ୍ରଦାନ କରିଥିଲେ। ସମ୍ମାନିତ ଅତିଥି ଭାବରେ ପୌରପରିଷଦ ର ଅଧ୍ୟକ୍ଷା ତାମସି ତାମସ୍ମିତା  ନାୟକ  ଉପାଧ୍ୟକ୍ଷା ମଲ୍ଲିକା ଦାନୀ ଓ ସମସ୍ତ ୱ।ର୍ଡ ର କାଉନସିଲର ଯୋଗଦେଇଥିଲେ। ମୋଟ ୯୭ ଜଣ ହିତାଧିକାରୀ ଙ୍କ ମଧ୍ୟରୁ ଆଜି ୬୮ଜଣଙ୍କୁ ପ୍ରଧାନମନ୍ତ୍ରୀ ଆବାସ ଗୃହ କାର୍ଯ୍ୟାଦେଶ  ବଣ୍ଟନ କରାଯାଇଛି। ଆଗକୁ ଯେଉଁ ମାନେ ଆବାସ ଗୃହ ପାଇଁ ଚାହିଁବେ ସେମାନେ ଅନଲାଇନ ରେ ଆବେଦନ କରିପାରିବେ ବୋଲି ନିର୍ବାହୀ ଅଧିକାରୀ ସୂଚନା ଦେଇଥିବାବେଳେ ଆଜିର ଏହି କାର୍ଯ୍ୟକ୍ରମରେ ପୌରପରିଷଦ ର ସମସ୍ତ କର୍ମଚାରୀ ସହଯୋଗ କରିଥିଲେ।