15-Nov-2025

ବିନିକା(ହିମାଂଶୁ ଶେଖର ପୁଟେଲ)ବିନିକା ସ୍ଥିତ ସିଦ୍ଧାର୍ଥ ଉଚ୍ଚ ମାଧ୍ୟମିକ ବିଦ୍ୟାଳୟରେ ଭଗବାନ ବିର୍ସା ମୁଣ୍ଡାଙ୍କ ୧୫୦ତମ ଜନ୍ମ ଜୟନ୍ତୀ ଅବସରରେ ଜନଜାତିୟ ଗୌରବ ଦିବସ ପାଳିତ ହୋଇଯାଇଛି । ଏଥିରେ ଅଧ୍ୟକ୍ଷା ରେଖା ପ୍ରଧାନ ସଭାପତିତ୍ୱ କରି ବିର୍ସା ମୁଣ୍ଡାଙ୍କ ସଂଗ୍ରାମୀ ଜୀବନର ବାର୍ତ୍ତା ଉପରେ ସୁଚନା ଦେଇଥିଲେ ।ମୁଖ୍ୟବକ୍ତା ଅଧ୍ୟାପକ ବିଶ୍ଵମୟ ଗୁରୁ ଜୟନ୍ତୀ ପାଳନ ମହତ୍ତ୍ଵ ଉପରେ ଆଲୋକପାତ କରିଥିଲେ।ସମ୍ମାନିତ ଅତିଥି ଖେଲ ଶିକ୍ଷକ ନାରାୟଣ ଚୌଧୁରୀ ବିର୍ସା ମୁଣ୍ଡାଙ୍କ ଜୀବନୀ ଉପରେ କହିଥିଲେ । ଏହି ପରିପ୍ରେକ୍ଷୀରେ ପ୍ରତ୍ୟେକ ଜନଜାତିୟ ଭାଇ,ଭଉଣୀଙ୍କ ସମ୍ମାନ,ସମାନତା ଓ ଅଧିକାରକୁ ସୁରକ୍ଷିତ ରଖିବା ଯାହାକି ଆମକୁ ଏକତା,ଗୌରବ ଓ ନ୍ୟାୟ ପଥର ରାସ୍ତା ଦେଖାଇବ ଭାବି ଉପସ୍ଥିତ ଛାତ୍ରଛାତ୍ରୀ ଓ ବିଦ୍ୟାଳୟ ଷ୍ଟାଫ ଶପଥପାଠ କରିଥିଲେ ।ଯତୀନ୍ଦ୍ର ଦଣ୍ଡସନା ସଭାରେ ସଂଯୋଜନା କରିଥିବା ବେଳେ ନୀଳ ମାଧବ ଛତ୍ର ଧନ୍ୟବାଦ ଅର୍ପଣ କରିଥିଲେ।କାର୍ଯ୍ୟକ୍ରମରେ ଅଧ୍ୟାପକ ଝଲକ ମିଶ୍ର,ମନୋଜ ମେହେର,ଆଶୁତୋଷ ପୁରୋହିତ, ମନିଷ ଆଚାର୍ଯ୍ୟ,ଆଶୀର୍ବାଦ ପ୍ରଧାନ,ପ୍ରଦୀପ ନାୟକ,ସୁବଳ ପ୍ରଧାନ,ଆଲୋକ ସେଠୀ,ଆକାଶ ପ୍ରଧାନି,ଅଧ୍ୟାପିକା ତୁଳସୀ ରାଏ,ଦୀପ୍ତି ଭୋଲ ପ୍ରମୁଖଙ୍କ ସମେତ ବିଦ୍ୟାଳୟ ଷ୍ଟାଫ ସାମିଲ ହୋଇଥିଲେ