15-Nov-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୋନପୁର କଳାପଥର ସ୍ଥିତ ଜିଲ୍ଲା ଭିନ୍ନକ୍ଷମ ବିଦ୍ୟାଳୟ ଠାରେ ସମ୍ବର୍ଧନା ଉତ୍ସବ ତଥା ଶିଶୁ ଦିବସ ପାଳିତ ହୋଇଯାଇଛି । ଏହି ଅବସରରେ ବିଦ୍ୟାଳୟ ର ଉପ ସଭାପତି ହରି ନାରାୟଣ ତ୍ରିପାଠୀ ଙ୍କ ସଭାପତିତ୍ବରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଜିଲ୍ଲାପାଳ ଡ଼. ନୃପରାଜ ସାହୁ ଯୋଗଦେଇ ଓଡ଼ିଶା ପ୍ରଶାସନିକ ପରୀକ୍ଷାରେ ଚଳିତ ବର୍ଷ ମନୋନୀତ ହୋଇଥିବା ଅନୁଷ୍ଠାନ ର ଦୁଇଜଣ ପୂରାତନ ଛାତ୍ରଛାତ୍ରୀ ସୁଶ୍ରୀ ସ୍ମୃତିଶିଖା ଭୋଇ ଓ ବାହାଦୂର ଦେବତା ଙ୍କୁ ସମ୍ବର୍ଦ୍ଧିତ କରିଥିଲେ । ସମ୍ମାନୀତ ଅତିଥି ଭାବରେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆ ସୋନପୁର ଶାଖା ର ମୁଖ୍ୟ ପରିଚାଳକ ଲକ୍ଷ୍ମଣ କୁମାର ମାଝୀ ଓ ଜିଲ୍ଲା ସାମାଜିକ ସୁରକ୍ଷା ଅଧିକାରୀ ଗୋବିନ୍ଦ ବଲ୍ଲଭ ଷଡ଼ଙ୍ଗୀ ଯୋଗଦାନ କରିଥିଲେ। ମୁଖ୍ୟ ବକ୍ତା ଭାବରେ ରାଜ୍ୟ ସାମାଜିକ ସୁରକ୍ଷା ବିଭାଗ ର ଡେପୁଟି ସେକ୍ରେଟାରୀ ସନ୍ୟାସୀ କୁମାର ବେହେରା ଯୋଗଦେଇ ଭିନ୍ନକ୍ଷମ ଛାତ୍ରଛାତ୍ରୀ ମାନଙ୍କୁ ଉତ୍ସାହିତ କରିଥିବା ବେଳେ ପ୍ରତିଷ୍ଠାତା ସମ୍ପାଦକ ଉତ୍ତମ ଚରଣ ଦେହୁରୀ ସଭା କାର୍ଯ୍ୟ ପରିଚାଳନା କରିଥିଲେ । ମୁଖ୍ୟ ଅତିଥି ତାଙ୍କ ବକ୍ତବ୍ୟରେ ଜିଲ୍ଲା ରୁ ଚଳିତ ଥର ଜିଲ୍ଲାରୁ ଦୁଇଜଣ ଭିନ୍ନକ୍ଷମ ଓଏଏସ ପାଇଥିବା ବିଷୟ ଉଦାହରଣ ଦେଇ ଭିନ୍ନକ୍ଷମ ମାନେ ଏବେ ସବୁ କ୍ଷେତ୍ରରେ ସକ୍ଷମ ବୋଲି କହିବା ସହ ବାପା ମା ମାନଙ୍କୁ ଦୁଃଖ ନ କରି ପିଲାଙ୍କ ଭବିଷ୍ୟତ ପାଇଁ ତାଙ୍କ ପଛପଟେ ଦୃଢ଼ ଭାବରେ ଛିଡା ହେବା ସହ ଏହା ଭଗବାନ ଙ୍କ ଏକ ପ୍ରକାର ଆଶିର୍ବାଦ ବୋଲି କହିଥିଲେ । ସେହିପରି ମୁଖ୍ୟବକ୍ତା ତାଙ୍କ ବକ୍ତବ୍ୟରେ ସେବା, ସ୍ଥାପନା ଏବଂ ସତସଙ୍ଗ ଏହି ତିନୋଟି ଜିନିଷ ତାଙ୍କୁ ସଫଳତା ଦିଗରେ ଅନୁପ୍ରେରିତ କରିଛି । ମୁଁ ଏକ ଗରିବ ପରିବାରରେ ଜନ୍ମଗ୍ରହଣ କରିଥିବା ବେଳେ ଉନ୍ନତ ମାନ ର ଶିକ୍ଷାନୁଷ୍ଠାନ ରେ ପାଠ ପଢିବା ତାଙ୍କ ପାଇଁ ସ୍ବପ୍ନ ଥିଲା । କିନ୍ତୁ ଯାହା ବି ଶିକ୍ଷା ଗ୍ରହଣ କରିଥିଲି ତାହା ସମସ୍ତଙ୍କୁ ପ୍ରସାର ତଥା ଅନୁଭବ ବାଣ୍ଟୁଥିଲି । ଏବଂ ଅପର ର କଲ୍ୟାଣ କଲେ ନିଜ କଲ୍ୟାଣ ର ମାର୍ଗ ପ୍ରଶସ୍ତ ହୋଇଥାଏ ବୋଲି କହିଥିଲେ । ସଭା ଶେଷରେ ଅନୁଷ୍ଠାନ ର ଶିକ୍ଷୟତ୍ରୀ ପ୍ରଜ୍ଞା ପରିମିତା ପଣ୍ଡା ଧନ୍ୟବାଦ୍ ଅର୍ପଣ କରିଥିଲେ । ଏହି ଅବସରରେ ଭିନ୍ନକ୍ଷମ ଛାତ୍ରଛାତ୍ରୀ ଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ରେ ସଫଳ ବ୍ୟକ୍ତିତ୍ଵ ଙ୍କୁ ପୁରସ୍କୃତ କରାଯାଇଥିବା ବେଳେ ନୃତ୍ୟ ଗୀତ ପରିବେଷଣ କରିଥିଲେ ଛାତ୍ରଛାତ୍ରୀ । ଅଭିଭାବକ ଓ ଜନସାଧାରଣ ପ୍ରମୁଖ ଉପସ୍ଥିତ ରହି ସଭାକୁ ସାଫଲ୍ୟ ମଣ୍ଡିତ କରିଥିବା ବେଳେ ବିଦ୍ୟାଳୟର ସମସ୍ତ କର୍ମଚାରୀ ପ୍ରମୁଖ ସହଯୋଗ କରିଥିଲେ ।