24-Oct-2025

ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ)
 ସୋନପୁର ବ୍ଳକ୍ ଧୂବାମୁଣ୍ଡା ସ୍ଥିତ ସୁକାନ୍ତି ଗ୍ରୁପ ଅଫ୍ ଇନଷ୍ଟିଚ୍ୟୁସନ ଅଧୀନରେ ଥିବା ସୁକାନ୍ତି ଏକାଡେମୀ ଓ ସୁକାନ୍ତି ଇଣ୍ଟରନ୍ୟାସନାଲ ସ୍କୁଲର ବାର୍ଷିକୋତ୍ସବ ‘ ଉତ୍କର୍ଷ-୨୦୨୫’ ସୁକାନ୍ତି ଏକାଡେମୀ ପରିସରରେ ଶୁକ୍ରବାର ସନ୍ଧ୍ୟାରେ ମହା ସମାରୋହରେ ପାଳିତ ହୋଇଯାଇଛି । ସୁକାନ୍ତି ଗ୍ରୁପ୍ ଅଫ୍ ଇନଷ୍ଟିଚ୍ୟୁସନର ସମ୍ପାଦିକା କମଳିନୀ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ସୋନପୁର ଜିଲ୍ଲାପାଳ ଡ଼.ନୃପରାଜ ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ  ଶିକ୍ଷା ସହ ଜୀବନ ରେ ସବୁ କିଛି ଶିଖିବାର ଅଛି , ଛାତ୍ର ଛାତ୍ରୀ ଅଭିଭାବକ ସମସ୍ତେ ଶିକ୍ଷକ ଙ୍କ ଉପରେ ଖୁବ୍ ଭରସା ଓ ନିର୍ଭର କରିଥାନ୍ତି  ବୋଲି ମତ ରଖି ଥିବା ବେଳେ ଶିକ୍ଷା ସହିତ ସହାନୁଭୂତି, ଭାବପ୍ରବଣତା ଓ  ମାନବିକତା ଉପରେ ଗୁରୁତ୍ୱ ଦେବାକୁ ପରାମର୍ଶ କରି ଥିଲେ l ଓ ଜୀବନ ଟା ବହୁତ ଛୋଟ ତେଣୁ ନିଜ ଜୀବନ କୁ, ମା କୁ, ମାଟି କୁ ଓ ସଂସ୍କାର ଆଦର୍ଶ କୁ ଆଖି ଆଗରେ ରଖି ବାଟ ଚାଲିବାକୁ ହେଵ ବୋଲି  କହିଥିଲେ l ସୁକାନ୍ତି ଗ୍ରୁପ୍ ଅଫ୍ ଇନଷ୍ଟିଚ୍ୟୁସନର ଚେୟାରମ୍ୟାନ ବିଶ୍ଵନାଥ ତ୍ରିପାଠୀ ସ୍ୱାଗତ ଭାଷଣ ଦେଇଥିଲେ । ସୁକାନ୍ତି ଇଣ୍ଟରନ୍ୟାସନାଲ ସ୍କୁଲର ଅଧ୍ୟକ୍ଷ ସନ୍ତୋଷ କୁମାର ଦାଶ , ସ୍କୁଲର ଏବଂ ସୁକାନ୍ତି ଏକାଡେମୀର ଅଧ୍ୟକ୍ଷ ଅମିତ କର  ଏକାଡେମୀ ର ବାର୍ଷିକ ବିବରଣୀ ପ୍ରଦାନ କରିଥିଲେ । ଗୀତିସୁଦ୍ଧା ସାହୁ ଧନ୍ୟବାଦ ଅର୍ପଣ କରିଥିଲେ  । ଏହି କାର୍ଯ୍ୟକ୍ରମରେ ଚଳିତ ବର୍ଷ ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିଥିବା ବିଦ୍ୟାର୍ଥୀ ବା କୃତୀ ଛାତ୍ର ଛାତ୍ରୀ ଙ୍କୁ ପୁରସ୍କୃତ କରାଯାଇଥିଲା । ସେହିପରି ଜାତୀୟ ସ୍ତରରେ ତାଇକୋଣ୍ଡୋ ପ୍ରତିଯୋଗିତା ରେ ସଫଳତା ହାସଲ କରିଥିବା ନବମ ଶ୍ରେଣୀର ଛାତ୍ରୀ ସୁଶ୍ରୀ ଆଦର୍ଶ ନାଏକ ତଥା ଜିଲ୍ଲା ସ୍ତରୀୟ ଚିତ୍ରାଙ୍କନ ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ୫ମ ଶ୍ରେଣୀର ଛାତ୍ର ଆଦିତ୍ୟ ନାରାୟଣ ଦାଶ ଙ୍କୁ ସମ୍ୱର୍ଦ୍ଧିତ କରା ଯାଇଥିଲା ।

ସୁକାନ୍ତି ଇଣ୍ଟରନ୍ୟାସନାଲ ସ୍କୁଲର ଛାତ୍ର ପ୍ରୀତିଶ ନାୟକ, ସୁକାନ୍ତି ଏକାଡେମୀର ସଙ୍ଗୀତା ତ୍ରିପାଠୀ, ଆକୃତ ସାହୁ, ସାକ୍ଷୀ ରାଉତ, ପ୍ରିନ୍ସ ଭୋଇଙ୍କୁ ଷ୍ଟୁଡେଣ୍ଟ ଅଫ ଦ ଇୟର ଭାବରେ ପୁରସ୍କୃତ କରାଯାଇଥିଲା। ଏହା ବ୍ୟତୀତ ପ୍ରଥମ ଶ୍ରେଣୀରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ଶୃଙ୍ଖଳିତ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା ଏବଂ ଦଶମ ସବିଏସ୍‌ସି ବୋର୍ଡ ପରୀକ୍ଷାରେ ୯୦% ରୁ ଅଧିକ ମାର୍କ ରଖିଥିବା ୧୦ ଜଣ ଛାତ୍ରଛାତ୍ରୀଙ୍କୁ ତଥା ଦ୍ଵାଦଶ ଶ୍ରେଣୀର ୦୩ ଜଣ ବିଦ୍ୟାର୍ଥୀଙ୍କୁ ମୁଖ୍ୟ ଅତିଥି ଙ୍କ ଦ୍ଵାରା ପୁରସ୍କୃତ କରାଯାଇଥିଲା । ଶେଷରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ।