24-Oct-2025

ଲୋଇସିଂହା, (ବିନୋଦ ଦୀପ) ଆଜି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ହୀରାପୁର ପଂଚାୟତରେ ସ୍ବତନ୍ତ୍ର ବୈଠକ  ତଥା ନାଏବ ସରପଂଚ ମିଥିଳା ବେହେରାଙ୍କ ବିରୋଧ ରେ ଅନାସ୍ଥା ଭୋଟ ଅନୁଷ୍ଠିତ ହୋଇଯାଇଛି l ହୀରାପୁର ସରପଂଚ ରମାକାନ୍ତ ବିଶ୍ବାଳ ସମେତ ୧୧ ଜଣ ୱାର୍ଡ ସଭ୍ୟାସଭ୍ୟ ଭାଗ ନେଇଥିଲେ। ଏଥିରେ ନାଏବ ସରପଂଚଙ୍କ  ସପକ୍ଷ ରେ ମାତ୍ର ଗୋଟିଏ ଭୋଟ ପଡିଥିବା ବେଳେ ବାକି ନଅ ଟି ଭୋଟ ବିରୋଧ ରେ ପଡିଥିବା ମାଜିଷ୍ଟେଟ ଦାୟିତ୍ଵ ନିର୍ବାହ କରୁଥିବା ଲୋଇସିଂହା ତହସିଲଦାର ଟିକନୁ ପୁଟା ଙ୍କ ସୂତ୍ରରୁ ପ୍ରକାଶ। ଏହି ସ୍ଵତନ୍ତ୍ର ବୈଠକ ତଥା ଅନାସ୍ଥା ଭୋଟ ବେଳେ ଜିପିଓ କିଶୋରଚନ୍ଦ୍ର ମାନସିଂହ, ପଂଚାୟତର ପିଇଓ ଉପସ୍ଥିତ ଥିଲେ l ଶାନ୍ତି ଶୃଙ୍ଖଳା ପାଇଁ ଲୋଇସିଂହା ଥାନା ଏସଆଇ ମନୋଜ ମୁଣ୍ଡା ଙ୍କ ସମେତ 1 ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଥିଲେ।  2025 ଅକ୍ଟୋବର ମାସରେ  ନାଏବ ସରପଞ୍ଚ ଙ୍କ କାର୍ଯ୍ୟକଳାପ ରେ ଅସନ୍ତୁଷ୍ଟ ହୋଇ ବିରୋଧ ରେ ୱାର୍ଡ ସଭ୍ୟାସଭ୍ୟ ଜିଲ୍ଲା ପ୍ରଶାସନ ନିକଟରେ ଲିଖିତ ଭାବେ ଜଣାଇଥିଲେ। କୋର୍ଟ ଯୋଗୁଁ ଏହା ସ୍ଥଗିତ ଥିଲା। କୋର୍ଟ ନିର୍ଦ୍ଦେଶ କ୍ରମେ ଅନାସ୍ଥା ଭୋଟ ଅନୁଷ୍ଠିତ ହୋଇଥିବା ଜିପିଓ ଶ୍ରୀ ମାନସିଂହ ଜଣାଇଛନ୍ତି l