30-Jan-2021

 ନୁଆଦିଲ୍ଲୀ-(ପ୍ରେରଣା ଖବର ବ୍ୟୁରୋ) : ଭାରତୀୟ କ୍ରିକେଟ୍ ଟିମ୍‌ର ପୂର୍ବତନ ମାନସିକ ବିଭାଗର ମେଣ୍ଟର ପ୍ୟାଡି ଅପଟନ ବିସ୍ତୃତ ଅଧ୍ୟୟନ କରି କହିଛନ୍ତି ଦୀର୍ଘ ଦିନ ପର୍ଯ୍ୟନ୍ତ ଜୈବ ନିରାପତ୍ତା ବଳୟରେ ରହିବା କାରଣରୁ ଖେଳାଳି ମାନସିକ ରୋଗର ଶିକାର  ହୋଇ ପାରନ୍ତି। ତେଣୁ ଖେଳାଳିଙ୍କୁ ଏମିତି ସ୍ଥିତିରୁ ବଞ୍ଚାଇବା ପାଇଁ ସେ ବିସିସିଆଇ ସହିତ ବିଶ୍ଵର କ୍ରିକେଟ୍ ସଂଘଗୁଡିକୁ  ଅପିଲ୍ କରିଛନ୍ତି। କୋଭିଡ୍-୧୯ ମହାମାରୀ ମଧ୍ୟରେ କ୍ରୀଡା ପ୍ରତିଯୋଗିତା ଆରମ୍ଭ ହେବା ପରଠୁ ଅନ୍ତରାଷ୍ଟ୍ରୀୟ ଖେଳାଳିଙ୍କୁ ଜୈବ ନିରାପତ୍ତା ବଳୟରେ ରହିବାକୁ ପଡୁଛି। ଏହା କ୍ରିକେଟ୍‌ ଖେଳାଳି, ଫୁଟବଲ୍ ଏବଂ ଟେନିସ ଖେଳାଳିଙ୍କ ମାନସିକ ସ୍ଵାସ୍ଥ୍ୟ ଉପରେ ଏହାର ପ୍ରଭାବ ପଡୁଛି। ଅପଟନ କହିଛନ୍ତି, ବୃହତ କ୍ରୀଡା ସଂଗଠନ ଏହି ସମସ୍ୟାର ମୁକାବିଲା ପାଇଁ ପର୍ଯ୍ୟାପ୍ତ ପ୍ରୟାସ କରୁ ନାହାନ୍ତି।

ମାନସିକ ବିଭାଗର ମେଣ୍ଟର ପ୍ୟାଡି ଅପଟନ କହିଛନ୍ତି, ସମସ୍ତ ଖେଳାଳିଙ୍କ ପାଇଁ ଏହା ସମସ୍ୟା ଚ୍ୟାଲେଞ୍ଜ। କାରଣ ଆମେ ଅଲଗା ଅଲଗା ଖେଳାଳିଙ୍କ ଫିଡବ୍ୟାକ୍ ନେବା ପାଇଁ ପର୍ଯ୍ୟାପ୍ତ ଗବେଷଣା କରାଯାଇ ନାହିଁ। ଏଥିପାଇଁ ଚିକିତ୍ସା କ୍ଷେତ୍ର ସହ ଜଡିତ ବିଶେଷଜ୍ଞ କହିଛନ୍ତି, ଯେ ପର୍ଯ୍ୟନ୍ତ ଆମେ ପରୀକ୍ଷଣ କରି ନାହାନ୍ତି ସେ ପର୍ଯ୍ୟନ୍ତ କୌଣସି ଔଷଧକୁ ମଞ୍ଜୁରୀ ଦିଆଯାଇ ପାରିବ ନାହିଁ।
ଅପଟନ କହିଛନ୍ତି, ବିଶ୍ଵରେ ଅନେକ ଜୈବ ନିରାପତ୍ତା ବଳୟ ତିଆରି ହୋଇ ସାରିଛି। ହେଲେ ଏହି ପ୍ରସଙ୍ଗରେ ଆଇସିସି, ବ୍ୟାଡମିଣ୍ଟନ ଓ ଫୁଟବଲ୍‌ର ସଂଘର ପଦାଧିକାରୀ ଖେଳାଳିଙ୍କ ଉପରେ ଏହାର ପଡିବାକୁ ଥିବା ପ୍ରଭାବ ବିଷୟରେ ଖେଳାଳିଙ୍କ ପ୍ରତିକ୍ରିୟା ପାଇଁ ବ୍ୟାପକ ବ୍ୟବସ୍ଥା କି ଅଧ୍ୟୟନ କରାଯାଇ ନାହିଁ। ଆମେ ଏ ପର୍ଯ୍ୟନ୍ତ ଏହାର କୁପ୍ରଭାବ ଦେଖି ନାହୁଁ ହେଲେ ଏହାର ସମ୍ଭାବନା ଅଧିକ ରହିଛି ଯେ ଖେଳାଳି ମାନସିକ ରୋଗର ସାମ୍ନା କରି ପାରନ୍ତି।